कविता-गझल-चारोळी-वात्रटिका
-
हे कराल का ?
कशासाठी जगतो आपण, विचार तुम्हीं करतां कां ?
मृत्यू येई तो जगावयाचे, हेच धोरण समजतां कां ?खाणे – पिणें वंश वाढविणे, हेच जीवन असते कां ?
ऐष आरामी राहूनी तुम्ही, देहासाठी सारे, हे मानता का ?पाठीं लागूनी धनाच्या त्या, बरोबर संपत्ती न्याल कां ?
पैसा मुलांसाठी ठेऊन ही, शिव्या त्यांच्या चुकवाल कां ?सारे कळूनी वळत नसते, तत्व हे जाणून घ्याल कां ?
उपयोग करूनी ज्ञानाचा, जीवन चांगले कराल कां ?सारे आहे प्रभूचे समजून, शांत चित्ताने जगाल कां ?
दया क्षमा शांती हे गुण, अंगी आपुल्या बाणाल कां ?डॉ. भगवान नागापूरकर
९००४०७९८५०
e-mail- bknagapurkar@gmail.com
August 18, 2015
-
परमोच्य बिंदु
ऊर्जा शोषत असतां पाणी
उकलन बिंदूवर येते
पाण्याचे रुप बदलूनी
बाष्प त्यांतून निघूं लागते
एक सिमा असे निसर्गाची
स्थित्यंतर जेव्हां घडते
एक स्थीति जावून पूर्ण
दुजामध्ये ती मिळून जाते
तपोबलाची ऊर्जा देखील
प्रभूमय ते सारे करिते
परमबिंदूचा क्षण येतां
साक्षात्कार तुम्हां घडविते
तुम्ही न राहता, तुम्ही त्या वेळीं
ईश्वरमय होऊन जाता
सारे परि ते तेव्हांच घडते
परम बींदूला जेव्हां पोहंचता
डॉ. भगवान नागापूरकर
९००४०७९८५०
July 15, 2019
-
गोड गोजिरी लाज लाजरी
१९६८ साली प्रदर्शित झालेल्या धर्मकन्या या चित्रपटातील हे गीत. या गाण्याचे गीतकार होते पी. सावळाराम. उषा मंगेशकर आणि कृष्णा कल्ले यांनी या गीताला आपला आवाज दिला. संगीतकार होते पंडित ह्रदयनाथ मंगेशकर. चला तर मग ऐकुया हे गाणे..
July 18, 2013
-
गुणांची परंपरा
गादी चालविते माझी आई, माझ्याच आजीची
मला वाटते परंपरा, ती चाले घराण्याची....१,
रात्रंदिनीचे कष्ट करणे, हा तिचा स्वभाव
प्रेमळपणे खावू घालणें, मनी तिच्या भाव....२,
अधिकाराची नशा तिजला, शब्द तिचा कायदा
जुमानत नाही कुणाचाही, शाब्दीक तो वायदा....३,
प्रेमळपणा असूनी अंगी, अहंकार युक्त ती
गुणदोषांनी भरले व्यक्तीत्व, तसेच पुढे चालती......४
सोडून घ्या तो अहंकारी भाव, टिकवा प्रेमळपणा
चक्रामधल्या गुणदोषातील, गुणच अंगा बाणा....५
-- डॉ. भगवान नागापूरकर
९००४०७९८५०
bknagapurkar@gmail.com November 28, 2018
-
पिल्लू
जाय जाय केलत्
जात पण नाय
कुतल्याच पिल्लू
दुधकाला खायलेशमाचं त्याच
मऊ मऊ अंग
तुटतच नाय
त्याचा माहा संगकानाला धलून
खेलं गाल्या गाल्या
उगल्यात त्याला
मिशा काल्या काल्याहातभल जीभ कसं
कालतय् बाहेल
बाबाला पाह्यलं त्
चय धूम पलंलहाय हाय केलं त्
गुयं गुयं कलल्
युव युव केलं त्
गोंदा घोलंलछोव छोव केलं त्
भोव भोव कलल्
मनीला पाह्यलं त्
तिच्या मागं पलल्नजल् जली पलल्
माणुसबी दचकत्
गल्लीत मंग माहा
वट जातो वाल्हत्© विठ्ठल जाधव
@शिरूरकासार, जि.बीड
मो.9421442995 March 9, 2017
-
परदेश
रुक्या टक्यात मोजावातो काळ आता सरलाडोलरात बाळ सांगेकिती रुबाबे मजलाआमी येडे नि बावळेकरे त्याचा फुगीर आकडारुपयात किती भेटेयाचा हिशेब हा एवढा...तरी वाटे बरे आहेमाझा लेक परदेशातसांगतो मी अभिमानेनाणं खणखणीत माझंपण खरं सांगू वाटेइथे हवे रे कुणी बाळापैसा कामी येतं नाहीपुरे क्षण तो जिव्हाळातू लाख जरी बोलवेही माती सांगे नाळपाय अडकून राहीउंबऱ्यात काही काळआता सोड तुही हेकातू तिथे मी इथे आहे बराउगा दोष देत नाहीमाझ्या गुणाच्या तू लेकाकधी वाटे पुन्हा यावेपरतुनी माय देशीएक ओंजळ वाहाशीआई बा च्या स्मृतीपाशी!!-- वर्षा कदम. May 2, 2022
-
तूच माझी राधिका
तूच माझी राधिका,
तूच माझी प्रेमिका,
मोहिनी माझी तू ,
तूच माझी सारिका, --!!!मुसमुसते प्रेम तू ,
सौंदर्य ओसंडून वाहे,
मदनाची रती तू ,
भित्र्या डोळ्यांनीच पाहे ,--!!!कमनीय सिंहकटी तुझी,
बाहूत माझ्या सामावे,
लाल कोवळे ओष्ठद्वज,
डाळिंबीची जणू फुले,--!!!मोहक बांधा तुझा,
जाता-येता खुणावे ,
कुंतलाचे मानेवर ओझे,
पाठीवरचा तीळ झाके, --!!!आरस्पानी रंग-गोरा,
काळजां घायाळ करतो,
गोड गुलाबी कायेवर,
लज्जेचा गेंदा फुलतो,--!!!मिटून घेशी शृंगारात,
संकोची तू कासवी,
मदनाची बाधा होता,
फुलून येते रातराणी,--!!!*ऐहिक तू भोगिनी,
मजसाठी मात्र योगिनी,
भोग--योगाच्या संयोगी,
अलौकिक तू कामिनी*,--!!!हिमगौरी कर्वे.©
May 21, 2019
-
यत्र तत्र सर्वत्र
तू पहाटेचा सोहळा
तिमिरातील किरण..
घंटेचा निनाद
आभाळाच तोरणं..तू सागराची गाज
शांततेची लाट..
क्षितीजाच टोक
नदीवरचा घाट..तू वाऱ्याचा वेग
समतोल पृथा..
निसर्गाचे दान
नियमांची प्रथातू अग्नीच्या ज्वाळा
ऊर्जेचे वरदान..
जल पृथ्वी वायू
अग्नी आकाशाची खाण..तू यत्र तंत्र सर्वत्र
भविष्य भूत वर्तमान
सखोल अंतर्मनातले
समाधानाचे मूळ ज्ञान..तू गतीची परिक्रमा
परमोच्च बिंदू अमृत
आत्मकेंद्रित क्षूद्रांचे
परिघ वलय छेदीत-- काव्य प्रतिभा
सौ. प्रतिभा महादेव चौगले
कोल्हापूर December 27, 2025
-
कुणी कुणाचं नसत
कुणी कुणाचं नसत,फक्त मन आपलं असतं.सुखाचे सोबती खूप असतात!दुःखात वाटेकरी कुणी नसतात.प्रत्येक टप्पा इतरांसाठी असतो,मग आपलं जगणं कुणासाठी असतं?इच्छा,मोह पण आपले नसतातमनाच्या ताब्यात ते दडलेले असतात!काही अस स्वतःच माणसाचंआयुष्यात शाश्वत असं नसतं.तरीही आयुष्यभर माझं,माझंम्हणुन माणूस त्यात गुरफटतो!जीव देणारा,नेणारा सूत्रधारदिसत नाही कधी,पण अस्तित्व माझं मानहीच इच्छा असते त्याची!!किती ही केलं तरीलोभ काही सुटत नाही,आणि माणसाचे जगण्याचेभोग काही संपत नाही.-- स्वाती ठोंबरे. November 9, 2021
-
दुधामधील चंद्र
कोजागिरीची पौर्णिमा परि, आकाश होते ढगाळलेले ।
शोधूं लागले नयन आमचे, चंद्र चांदणे कोठे लपले ।।
गाणी गावून नाचत होती, गच्चीवरली मंडळी सारी ।
आनंदाची नशा चढून मग, तल्लीन झाली आपल्याच परी ।।
मध्यरात्र ती होवून गेली, चंद्र न दिसे अजूनी कुणा ।
वायु नव्हता फिरत नभी , मेघ राहती त्याच ठिकाणा ।।
दूध आटवूनी प्रसाद घेण्या, उत्सुक होतो आम्ही सारे ।
ढगात लपल्या चंद्राला मग, क्षीरात शोधी आमची नजरे ।।
स्वादिष्ट मधूर दुग्धांमृत ते, शशिधरांच्या चांदण्यापरि ।
मेघांमध्ये तो लपला नसूनी, उतरलां होता याच क्षिरी ।।
डॉ. भगवान नागापूरकर
९००४०७९८५०
September 26, 2020
Copyright © 2025 | Marathisrushti