शुभे गणेशा वंदन ।
करो कार्य निर्विघ्न पूर्ण ।
मुंजीचा हा मंगल विधी ।
आज घडो परम पावन ॥१॥

गुरुचरणी मस्तक ठेवोनी ।
वेदमार्गे बुद्धी वाढोनी ।
ब्रह्मचर्य व्रत स्वीकारोनी ।
धर्माचरण नित्य मनी ॥२॥

मातृपितृ ऋण स्मरोनी ।
कुलाचार राखो जनी ।
शील, संयम, सदाचार ।
अलंकृत होवो व्यवहार ॥३॥

विद्या, विवेक, दीर्घायुष्य ।
आरोग्य, यश, सौभाग्य ।
ईश्वरकृपा सदा राहो ।
बालकाचे जीवन उजळो ॥४॥

मुंजीचा हा शुभसंस्कार ।
सकळ स्वकीयांस आनंद अपार ।
मंगलाष्टक म्हणून म्हणू ।
ईश्वर चरणी नतमस्तक होऊ ॥५॥

•ॲड.कीर्तिराज शैलेंद्र आगलावे, पुणे

कशांत दडले समाधान ते,
शोधत असतो सदैव आम्ही,
धडपड सारी व्यर्थ होऊनी,
प्रयत्न ठरती कुचकामी ।।१।।

बाह्य जगातील वस्तू पासूनी,
देह मिळवितो सदैव सुख,
क्षणीकतेच्या गुणधर्माने,
निराशपणाचे राहते दुःख ।।२।।

'समाधान' ही वृत्ती असूनी,
सुख दुःखातही दिसून येती,
चित्त तुमचे जागृत असतां,
समाधान ते सदैव मिळते ।।३।।

सावधतेने प्रसंग टिपता,
समाधान ते येईल हाती,
सुख दुःखाला दूर सारता,
अंतरभागी समाधान दिसती ।।४।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

विचार, भावना अंतरज्ञान, संगत असते तिन्हीची

यशस्वी करण्याजीवन, मदत लागते सर्वांची....१

तर्कशुद्धता ठरण्यासाठी, विसंगतीचा घेई आधार

जीवनाचे सत्य उकलन्या, बुद्धी करीत राही विचार...२,

राग लोभ प्रेमादी गुण, जीवनाची चमकती अंगे,

‘भावनेचा’ आविष्कार होतां, एकत्र सर्वां चालन्या सांगे....३,

शोध घेत असता सत्याचा, अनेक अडचणी त्या येई,

सत्य हेच असूनी ईश्वर, अंतरज्ञान तेच पटवी....४

डॉ. भगवान नागापूरकर

९००४०७९८५०

हिरवी माया हिरवी छाया हिरवी हिरवी काया

वासुदेव आला दारी, वासुदेव आला
चिमणा वासुदेव आला ।।धृ ।।

टोपीवर मोरपिसांना
खोवोनि येथें आला,
काही दान करा त्याला ।
दारी वासुदेव आला. ।।१।।
बांधुनिया घुंगुर पायी

थय थय थय नाचत येई
सुखवी गाऊनि तुम्हाला ।
दारी वासुदेव आला ।।२।।

“द्याल जरी पैसा एक,
देव तुम्हां देईल लाख,
माई धर्म करा याला' ।
दारी वासुदेव आला ।।३॥)।

“वडिलांच्या तुमच्या नावे
पैशाचे दान करावे,

माई, पुण्य मिळविण्याला ।
दारी वासुदेव आला ।।४॥।

नाचुनिया आता थकला
द्या एकच पैसा त्याला
खाऊ गोड घ्यावयाला ।
वासुदेव दारी आला ।।५।।

ठेवून पाऊल चंद्रावरी अभिमान तुला वाटला /
मान उंचावूनी आपुली वर्णन करीता झाला //

चंद्र आहे ओबड धोबड तेथे सारे खडकाळ असे /
झाडे झुडपे पशु पक्षी हवा पाणी कांही नसे //

नमुने आणले दगड मातीचे चंद्रावरी तू जाऊन /
शुष्क आहे वातावरण असेच केले वर्णन //

बघितले बाह्य रूप ह्या रजनीकांताचे /
थोटका पडलास तू शोध घेण्या अंतरीचे //

तेच आहे मधुर चांदणे चंद्रातील शितलतेचे /
आजही वाटतो आल्हाद बघता रूप पौर्णिमेचे //

चंद्र आहे कवीची स्फूर्ती बालकाचे तोच गीत /
प्रेमिका देण्या आनंद मग्न तो सदोदित //

चंद्र आहे मुकुट मणी निसर्गाच्या सौंदर्याचा /
ऐकून त्याचे बाह्य रूप आनंद कमी न होई त्याचा //
डॉ. भगवान नागापूरकर
९००४०७९८५०

bknagapurkar@ gmail.com

राज्य तमाचे येथें बाह्य जगावरती
म्हणून दिसे आम्हां विध्वंसक प्रवृती

नाश करण्यासाठीं शक्तिच हवी येथे
हेच रुप शिवाचे समजण्या अवघड जाते

जागा करु देई नविन घटनाना
चक्र कसे चालेल न मिटवता त्यांना

-- डॉ. भगवान नागापूरकर
९००४०७९८५०

रस्त्याने चालताना एकाकी,
स्पष्टच दिसत होत
आज तरूणींच गुलाबी रंगात रंगण ...
त्यांच्या पायातील गुलाबी बुट
पाहिल्यावर का कोणास जाणे
हद कर दि आपने...म्ह्णावंस वाटल...
गुलाबी रंगाचा पोशाख
परिधान करण शक्य नव्ह्त ज्यांना
त्यांनी ओठांनाच गुलाबी करून सोडल...
कहींनी तर गुलाबी रंगाला
पर्याय म्ह्णून अगदी सहज
लाल रंगालाही जवळ केल...
गुलाबी मोबाईलवरून सुरू होत्या
काहींच्या गुलाबी गप्पा
तेंव्हा ओसंडून वाहत होत
त्यांच्या चेहर्‍यावरून गुलाबी हस्य...
माझ्या मनात विचार आला
ते सारं पाहून आता
आपण काय करावं
पण दुसर्‍याच क्षणी
माझ्या लक्षात आले
आपण तर काळा रंगाचा पोशाख
परिधान केलाय नेहमी सारखाच
निषेधाचा आज...
मनात किती आल तरी
गुलाबी पॅन्ट परिधान करणे
मला शकय नव्हते
आणि गुलाबी शर्ट मी
कालच वापरून झालो होतो
नेहमी सारखाच...
आता व्हॅलेन्टाईन डे
कसा साजरा करावा
म्ह्णून मी माझ्या
कित्येक वर्षापूर्वीच्या
गुलाबी वहया काढून वाचू लागलो
नेहमी सारखाच
त्यातील पानावर
गुलाबी नाही तर
लाळ अश्रू गाळ्त...

कवी – निलेश बामणे

कृष्ण कमळ-

नेहमीसारखीच मी यवतमाळला गेले. मधून मधून चक्कर होते, कारण यवतमाळ माझं माहेर. पस्तीस वर्षांपूर्वी बाबांनी हे नवीन घर बांधलंय. पण आता ठरवलं, की या वेळी आपण जुन्या घरी जाऊ या, ज्या घरात माझा जन्म झाला. उमलत्या वयाची 17 वर्ष घालवली. त्या घराकडे या 35-40 वर्षांत आपण फिरकलोच नाही.