तू नसता मी सैरभैर
तू असता स्थिर होतो !

-- श्रीकांत पेटकर
कौशल.

कोण लागतात माझे, नाते ते ठावूक नाहीं
देऊनी जातात मात्र, बरेच मजला काहीं....१,

विठ्ठल- रामाचा नाद, गुंजन करितो येथें
पवित्र वातावरण, येण्यानी होवून जाते....२,

देवण घेवण आत्म्याची, आपसामध्यें चालती
शब्द फुलांची गुंफण, त्वरीत होऊन जाती....३,

फूले देऊनी मजला, हार गुफूंन घेतात
दोघे मिळूनी तो हार, प्रभूस अर्पूं सांगतात....४

अदृश्य असले नाते, असावे दोघांमध्ये
भाषा आत्म्याची जाणतां, मन नाचते आनंदे....५

डॉ. भगवान नागापूरकर
९००४०७९८५०
bknagapurkar@gmail.com

हिशोबाची वही घेवूनी बसलो,
हिशोब करण्यासाठीं ।
जमाखार्च तो करित होतो,
जीवनाच्या सरत्या काठीं ।।

घोड दौड ती चालूं असतां,
सुख दु:खानी भरले क्षण ।
प्रसंग कांहीं असेही गेले,
सदैव त्याची राही आठवण ।।

कष्ट करूनी जे कमविले,
थोडे धन या देहाकरिता ।
उपयोग नव्हता त्याचा कांहीं,
जग सोडूनी देह जाता ।।

कधी काळचा निवांतपणा,
घालविला दुजाच्या सेवेत ।
पुण्य राहिले शिल्लकीमध्ये,
वाटते तेवढेच हिशोब वहीत ।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

बाल्यावस्था
रम्य कसे
रमतांना
मौज असे

सरतांना
बालपण
येई मना
दडपण

हा किशोर
अवघडे
कुतूहल
मनी दडे

नाना प्रश्न
येता मनी
ओथंबला
तारुण्यानी

तरुणाई
मस्तीतली
नवलाई
धुंदीतली

जिरे रग
तरुणाची
चाहुलही
वार्धक्याची

वार्धक्य हे
विरक्तिचे
अवलंबी
निवृत्तीचे

दुखे-खुपे
भय साचे
दुखण्याने
वृद्ध खचे

पुर्ती करा
कर्तृत्वाच्या
चारीवस्था
महत्वाच्या

सौ.माणिक शुरजोशी
नाशिक

का असा धांवतोस तूं ,

नशिबाच्या मागें मागें,

यत्न होता भगिरथी,

नशीब येईल संगे ।।१।।

प्रयत्न होतां जोमाने,

दिशा दिसताती तेथें,

यशाचे ध्येय सदैव,

योग्य मार्गानें मिळते ।।२।।

प्रयत्न करूनी बघा,

ईश्वर देखील मिळेल,

इच्छा शक्ती प्रभावानें,

नशीबही बदलेल ।।३।।

-- डॉ. भगवान नागापूरकर

९००४०७९८५०

बघा बघा तो रवि चालला, अतिशय वेगानें ।
पूर्व दिशेला चंद्रही येई, त्याच तन्मयतेने ।।

युगानु युगें लपंडाव हा, त्यांचा चालला असे ।
भावांमधली शर्यत बघूनी, गम्मत परी भासे ।।

मोठा भाऊ रवि त्याला, पकडण्या धांव घेई ।
लहान भाऊ चंद्र असूनी, निसटून मात्र जाई ।।

संताप येता लाल होऊनी, रवि जाई तापूनी ।
परि शांत असे चंद्र बघा, राग घेई गिळूनी ।।

लहान असूनी थकून जाई, कांही काळ जाता ।
नभीं न येतां घरींच झोपे, थकवा जाण्या करीता ।।

विश्रांतीचा काळ घालवूनी, हलके हलके येई ।
पुनरपि त्यांचा खेळ बघतां, आनंद मनास होई ।।

डॉ. भगवान नागापूरकर
९००४०७९८५०
bbbknagapurkar@gmail.com

कळ्या नाजुकशा,
फुलल्या तुझ्यासाठी,--!!!

गगनी चांदण्या,
आल्या तुझ्यासाठी,--!!!

घमघमणाऱ्या केवड्या,
सुगंध तुझ्यासाठी,--!!!

आरक्त प्राजक्ता,
पखरले तुझ्यासाठी,--!!!

दिमाखदार चाफ्या,
लुटले तुझ्यासाठी,--!!!

मदमस्त मोगऱ्या,
खुडले तुझ्यासाठी,--!!!

बकुळां,अर्धमिटल्या,
वेचले तुझ्यासाठी,--!!!

सायलीच्या सुगंधा,
मोहित तुझ्यासाठी,--!!!

अबोलीच्या वेण्या,
माळल्या तुझ्यासाठी,--!!!

मंद- मंद रातराण्या,
उमलल्या तुझ्यासाठी,--!!!

यामिनीला ढळत्या,
मातले तुझ्यासाठी,--!!!

आलिंगनात तुझ्या,
सहज विरघळण्यासाठी,--!!!

© हिमगौरी कर्वे

दोन एकदिवसापूर्वी मुंब्र्यात एक लहान मुलगा शाळेत जात असताना सात – आठ भटक्याकुत्र्यांनी त्याचे लचके तोडून जखमी केले. त्या जखमी मुलाला जवळ पास १५० टाके पडले.जर लोकांनी योग्य वेळी मदत केली नसती तर कदाचित त्या मुलाला आपले प्राणही गमवावेलागले असते.