जेंव्हा जेंव्हा प्रवासाने
आम्ही दोघे दमलेलो असतो ........
थकून, कंटाळून घरी येतो,
झोमॅटो तिला नको असतं,

म्हणून पिठलं भाताचा साधा बेत ठरवते !

माझी आवड सांभाळून ती
सांडगे पापड़ हि तळते .....
त्यासोबत न विसरता
लोणच्याची फोड वाढते
कारण आम्ही दोघे दमलेले असतो

तेंव्हा खरंच पिठलं भात
असा साधाच बेत असतो !

कैरी लिम्बाचे लोणचे ....
नेहमीच जेवणात असते.
म्हणून ती मिक्स भाज्यांचे
खमंग लोणचे सुद्धा बनवते
ती कंटाळली की नेहमी असेच होते.....

पिठल भात असा साधाच बेत ठरवते !

भात शिजे पर्यन्त रिकामा वेळ आणि ......
प्रवासातील थकव्याचा सुंदर मेळ मी घालतो..
दोनच ग्लास बियर घेऊन घसा ओला करतो..

कारण पिठलं भात असा साधाच मेनू असतो !

बियर सोबत,मला आवडतात म्हणून ...
चार कांदा भजी ती तळते ...
साध्या मेनूत हि रंगत आणते
कारण जेंव्हा जेंव्हा ती कंटाळलेली असते,
तेंव्हा तेंव्हा पिठल भात असा साधाच मेनू रांधते !

घरी आहेत म्हणून चार थेपले गरम ती करते
तुपाची धार सोडून त्यांना ओले करते ....
शेंगदाण्याच्या चटणी सोबत ..
टोमेटो काकडीची कोशिंबीर असते....
कारण पिठलं भात असा साधाच बेत ती करते !

जेवण खुप साधे झाले .....
हे तिलाही जाणवत असते....
फ्रिजमधल्या आइसक्रीमचे
फ्रूट सलाड ती बनवते
कारण ....
पिठल भात असा साधाच मेनू असतो !

साधाच मेनू असल्याने तिला, मी थोडासा नाराज वाटतो
उद्या नाश्त्याला मिसळीचे वचन देऊनच ती झोपी जाते ....
आमच्याकडे नेहमी असेच असते
ती कंटाळली की पिठल भाताला पर्याय नसतो !

संसार म्हणजे तडजोड आणि समझोता
मी नेहमीच करत असतो
ती दमली की पिठलं भात असा साधाच बेत नेहमी असतो !

ती माझी गृहलक्ष्मी,
कंटाळली तरी,अन्नपूर्णा असते.
चेहऱ्यावर स्मित बाळगून
माझी रसना तृप्त करते !

-- अरविंद टोळ्ये
९८२२०४७०८०

गंध व्हा, उधळा स्वतःला
फूल आधी व्हा तुम्ही
रंगवुनी ह्या जगाला
इंद्रधनुषी व्हा तुम्ही

उजळण्या हे विश्व सारे
उजळणारी ज्योत व्हा
ज्योत म्हणुनी मिरवताना
राख बनण्या सिध्द व्हा

विश्व सारे उजळताना
ज्योत जळते अंतरी
प्रेमपक्षी फुलवताना
चंद्र झुरतो अंबरी

व्हा प्रकाशी गा मनाशी
गीत व्हा विश्वातले
जीवनाचे व्हा प्रवासी
शब्द व्हा गीतातले

कोवळे ऊन व्हा
अन् बरसणारा मेघ व्हा
घन तमाला छेदणारी
ती विजेची रेघ व्हा

- हेमंत बर्वे

शिक्षणासाठी जागतिक बँक विषेश परिश्रम घेते. या साठी आंतरजालाधारित प्रशिक्षण व इतर पर्यायांचा उपयोग केला जात आहे. भारतासहित अनेक देशांना या बँकेने विवीध प्रकल्पासाठी कर्जे दिली आहेत.

आज थोड काहीतरी वेगळ चाललय वाटतं
रोज कडू लागायचं आज गोड गोड वाटतंय

रंगीत द्रव्य ग्लासा मधलं पांढर आज दिसतंय
आज थोड काहीतरी वेगळ चाललय वाटतं

कर्कश्य आवाजातील गाणी आणि चमकणारे दिवे
आज सगळे शांत फक्त शीतल प्रकाशात नाहणे

मैफिलीत आज नाही रोजच्या सारखं दुःख
नाही डोळ्यात नमी नाही पैशाचीही कमी

आज कसं सार काही सोज्वळ थोड वाटतंय
गुलाबाच्या वास पेक्षा मोगरा बरा वाटतोय

एक दोन ग्लासानंतर तारे दिसू लागायचे
आज पूर्ण चंद्र एकटा ग्लासा मध्ये बघायचे

अरेच्चा !! हि तर कोजागिरीची पार्टी चालली दिसती
तरी म्हणतो बाटली ऐवजी किटली का दिसतीय
आज थोड काहीतरी वेगळ चाललय वाटतं

-- विनायक आनिखिंडी, पुणे

9922970317

काहीही झालं तरीही....
लोकलची गर्दी कमी होणार नाही....,.

कितीही कायदा कडक केला तरी.....
सरकारी कर्मचाऱ्यांच लाच घ्यायच कमी होणार नाही...

कितीही जागृती अभियान राबवले तरीही...
सुशिक्षितांचा मतदानाचा "आळस" कमी होणार नाही....

प्रामाणिकपणे भरगच्च कर भरला तरीही ...,,
सरकारकडुन करांचा छळ कमी होणार नाही...

कितीही लांब जायच झाला तरीही.., .,,
स्त्रियांच्या मेकअपची वेळ कमी होणार नाही..

लग्न होऊन भरपुर वर्षे झाले तरीही....
पत्नींशी खोट बोलायची सवय पतीची कमी होणार नाही...

सत्ताधारींनी कितीही राज्यात विकास केला तरी.....
विरोधकांचे जातीय राजकारण कमी होणार नाही..

भारतीय आर्मीने मुस्लिम दहशतवाद्यांना ठेचुन कंठस्नास घातले तरीही.....
पाकिस्तान दहशतवाद्यांच्या भारतातील कारवाया कमी होणार नाहीत.....

R.T.O कडे रिक्षाचालकांच्या कितीही तक्रारी केल्या तरीही..
या रिक्षाचालकांची मस्ती व मुजोरपणा कमी होणार नाही.....

बघाना....
आपले कितीही कामे अडली असले तरीसुद्धा ...
सतत "अॉनलाईन" राहणे कमी होणार नाहीच...

-- विवेक जोशी

विचार, भावना अंतरज्ञान,

संगत असते तिन्हीची

यशस्वी करण्याजीवन,

मदत लागते सर्वांची....१

तर्कशुद्धता ठरण्यासाठी,

विसंगतीचा घेई आधार

जीवनाचे सत्य उकलण्या,

बुद्धी करीत राही विचार...२,

राग लोभ प्रेमादी गुण,

जीवनाची चमकती अंगे,

‘भावनेचा’ आविष्कार होतां,

एकत्र सर्वां चालण्या सांगे....३,

शोध घेत असता सत्याचा,

अनेक अडचणी येती,

सत्य हेच असूनी ईश्वर,

अंतरज्ञान तेच पटविती....४

डॉ. भगवान नागापूरकर

संपर्क - ९००४०७९८५०

bknagapurkar@gmail.com

इंद्रायणी चंद्रभागेसोबत एक दिवस

आषाढी वारीला आली

भक्तीमध्ये तल्लीन होत

विठ्ठल दर्शनाला गेली

विठ्ठल दर्शनासाठी सोबत

रांगेत उभा राहिली

चंद्रभागा सोबतीला

विठ्ठल नामी दंग झाली

तेवढ्यात अचानक समोरून एक

विठ्ठल भक्त आला

दोघींकडे बघत तो

अचंबित झाला .....

अशा कशा ग तुम्ही इथं

अस्वच्छ होऊन आल्या

ट्रकभर निर्माल्य घेऊन

इथं उभ्या राहिल्या

चंद्रभागा इंद्रायणीकडे बघत

हसत हसत म्हणाली

तुझ्या विठ्ठलासाठीच मी हे

निर्माल्य घेऊन आली

जशा आम्ही उभ्या आहोत

तशाच स्वीकारा आम्हाला

तुमच्यामुळेच आमची ही

अवस्था झाली आहे बघा

चालता चालता रांगेत इंद्रायणी

वारकऱ्यांशी बोलू लागली

तुमच्या निर्माल्यांमुळेच आमची

अशी अवस्था झाली ....

बोलत बोलत विठ्ठलाच्या

पायापाशी गेली

साकडे घालतो विठ्ठला तुला

चंद्रभागा बोलली .....

तुझ्याच वारकऱ्यांनी आमची

अशी अवस्था केली ....

गलिच्छगात्र होऊन मी

तुझ्या दर्शनाला आली

कामरेवरचा हात काढून

विठ्ठल तिला बोलला

तुमच्या स्वच्छतेची जबाबदारी

मी प्रशासनाला दीली .......

वारकरी माझा भोळा भाबडा

काय करील सांग ....

सोई सुविधेला मुकलाय तो

मग कसा राहील सांग ...

वरुणराजाला साकडं घालून

करतो तुम्हाला स्वच्छ

होऊ दे वारी वारकऱ्यांची

मग देतो तुमच्याकडे लक्ष

उमेश तोडकर ......

तुझे नित्य येणे जाणे
हळूच वळूनी पाहणे
नाही कधी विसरलो
तुझे ते लाघवी लाजणे

आठव ते सारे सुखद
निःशब्दी, प्रीतचांदणे
तुझे कटाक्ष सांत्वनी
निर्मली तुझे गंधाळणे

निष्पाप त्या जाणिवा
मनास भुलवुनी जाणे
तूंच हसरी कमलिका
सालस ते तुझे वागणे

अजूनही मी स्मरतो
रुप तुझे गोजीरवाणे
तू स्मरणगंधी सुगंधा
तुझे उमलुनी बहरणे

-- वि.ग.सातपुते (भावकवी)

9766544908

रचना क्र. २२५

४/९/ २०२२