जीवनांतले चित्र पालटूनी, रंग ते बदलले

जनी जनार्दन ठरविले, सारे काय मिळविले ।१।

सुंदर तसबीर एक आणली, देवी श्री लक्ष्मीची

श्रद्धेचे भाव गुंतविले, पूजा करूनी तिची ।२।

शिक्षण घेवूनी ज्ञान मिळविले, कष्टानें सारे

शरीर होते चैतन्यमय, आणि धडपडणारे ।३।

रंग बधितले जीवनांतील, विविध छटांचे

सजविण्यास लागते त्या छटांना, बळ संपत्तीचे ।४।

ज्ञान आणि प्रयत्न जेव्हां, एक ठिकाणी असे

प्रसन्न करण्या धन लक्ष्मीला, अडचण येत नसे ।५।

शक्ति, युक्ति, बुद्धी एकटवूनी, परिश्रम केले

धनराशीचे अल्प भांडार, त्याने जमविले ।६।

तेज चमकले त्याच्या जीवनीं, धन लक्ष्मीचे

समजूं लागला फार सुखी, क्षण कर्तृत्वाचे ।७।

माहीत नव्हते लक्ष्मी असते, चंचल स्वभावी

केव्हां येईल जाईल कशी, भंरवसा तो नाहीं ।८।

चालत असतो खेळ नियतीचा, गमतीनें सदा

कुणाचे फांस कसे पडतील, कळेना अनेकदां ।९।

कमाईस त्याच्या ओहोटी लागली, व्यवहारामध्यें ती

प्रयत्न सारे फोल ठरूनी, अपयश येती ।१०।

निराश बनले जीवन सारे, अंध:कार झाला

दु:खाच्या त्या चटक्यामध्यें, जीव होरपळला ।११।

मार्ग बदलले पूर्ण तयानें, आपल्या जीवनाचे

धन कमविणें लक्ष नव्हते, त्याच्या प्रयत्नांचे ।१२।

वाचन करूनी चिंतन केले, मन रमविण्या चित्ताला

ध्यान साधना देवूं लागली, आनंद त्याला ।१३।

विसरूनी गेला हलके हलके, दु:ख निर्धनतेचे

काव्य लेखनानें उघडले द्वार, नव जीवनाचे ।१४।

चकीत झाला एके दिवशीं, बघूनी तसबिरीला

श्री लक्ष्मीचे ठिकाणी सरस्वतीचा, बदल कुणी केला ? ।१५।

डॉ. भगवान नागापूरकर

९००४०७९८५०

e-mail- bknagapurkar@gmail.com

मित्रवंदाचा दीप विझे,
सोनसंध्याकाळ झाली,
संधिकालाचे आगमन होता,
पाखरे घरां निघाली,--!!!

आकाश काळवंडून गेले,
चांदणी उगवू लागली,
तम दाटता भोवती,
धरती बेचैन झाली,--!!!

प्रकाशाचे किरण संपले,
अंधाराचा नाच खाली,
आभाळातून चंद्रमा पाहे,
वसुंधरा अंधारलेली,--!!!

तिला पाहून बुडालेली,--
चांदवा पसरे रजत-प्रकाश,
ओहोटीच लागलेली,--
समुद्रकिनारी कुठे गाज,--!!!

रजनीच्या कुशीत झोपे,
चराचर सृष्टी सावकाश,
पृथा चिंतातुर होई,--
तिला भास्कराची आंस,--!!!

दिनरात त्याची साथ लाभो,
हीच तिची असते कामना,
पण इच्छा पूर्ण न होते,
भाग्य करते अशीच वंचना,--!!!

हिमगौरी कर्वे.©

फळ आज हे मधूर भासते, तपोबलातील अर्क असे ।

कष्ट सोसले शरिर मनानें, चिज तयाचे झाले दिसे.....१

बसत होतो सांज सकाळी, व्यवसाय करण्या नियमाने ।

यश ना पडले पदरी. केव्हा मान फिरविता नशीबाने....२

निराश मन सदैव राहूनी, मनीं भावना लहरी उठती ।

शब्दांना आकार देवूनी, लेखणी मधूनी वाहू लागती....३

लिहीता असता भाव बदलले, त्यात गुरफटलो पुरता ।

छंद लागूनी नशाच चढली, जीवनामधील रंग बघता...४

त्या रंगाच्या छटा उमटल्या, फुला फुलातूनी दिसूनी येती ।

सप्त रंगाचे मिलन दिसले, आकाशाच्या क्षीतीजावरती....५

काव्यावरती जगेल कोण, हवी भाकरी जगण्यासाठी ।

मानहानी ती सदैव होई, केवळ अल्पशा पैशापोटी....६

मदत कुणाची मिळत होती, आला दिवस जाई निघूनी ।

काव्यातील आनंदात परि, डुबता सारे विसरूनी.... ७

विवंचना आणि सुख दु:खे, बनली होती स्फुर्ती देवता ।

अनुभवले जे जे आजवरी, चित्रीत झाले बनूनी कविता....८

अनुभव होता तना मनाचा, म्हणूनी भासले सत्य काव्य ते ।

उचलून घेतले जनसामान्यांनी, मनास त्यांच्या पटले होते....९

लपली असती कला एक ती, सर्व जणांच्या अंतरंगी ।

परिस्थितीशी झगडा देवूनी, बाहेर आणती कुणी प्रसंगी....१०

गेलो विसरूनी उदास दिन , आज उमटले चित्र निराळे ।

सरस्वती नि लक्ष्मी दोघी, आशीर्वाद त्यांचा मिळे.... ११

डॉ. भगवान नागापूरकर

९००४०७९८५०

bknagapurkar@gmail.com

थोडी थोडी प्या
घाई करायची नाही
दोन पेगची मजा
चार पेगमध्ये नाही

नको तो हॅंगओव्हर
दुसरा दिवसही छान
पिताना राहू द्या
थोडे तरी भान

फुकट मिळाली तरी
जास्त ढोसू नका
घ्या तुम्हीच काळजी
नको ते वका वका

ग्लासकडे लक्ष द्या
खम्ब्याकडे नको
मला घरी सोडा
मित्रांना विनंती नको

चालता आले पाहिजे
चालविता आली पाहिजे
आपल्याच घरी आपल्याला
जाता आले पाहिजे

मजा लेना है पिने का
आठवा पंकज उधास
प्या थोडी थोडी
आयुष्यभर प्या झकास

डॉक्टरनी मनाई करणे
यासारखी सजा नाही
दोन पेगची मजा
चार पेगमध्ये नाही

-- आम्ही साहित्यिक ग्रुप वरुन

तुझ्या सुंदरतेसाठी शब्द शोधत आहे,
मनाच्या ओंजळीत स्वप्नं वेचत आहे.

नाहीतर कविता-शायरी मला कुठे येते,
तुझ्याच आठवांनी कागद भिजत आहे.

पहाटेच्या दवासारखी तुझी ती निरागसता,
तिच्याच उजेडात जीव न्हाऊन निघत आहे.

तुझ्या हास्याची सर नाही फुलांच्या बहराला,
तोच गंध श्वासागणिक दरवळत आहे.

तुझ्या डोळ्यांच्या त्या शांत गहिऱ्या सरोवरात,
माझं प्रतिबिंब हळूच हरवत आहे.

मी ना कवी, ना शब्दांचा कुठला जादूगार,
तुझ्यामुळेच ओठांवर गीत उमटत आहे.

तुझ्या सहवासाची आस मनात जपून,
प्रत्येक क्षण तुझीच वाट पाहत आहे.

तुझ्या सुंदरतेसाठी शब्द शोधत आहे,
शब्द संपले तरी प्रेम बोलत आहे...

नाहीतर कविता-शायरी मला कुठे येते,
तुझंच नाव घेता गझल होत आहे...

•ॲड.कीर्तिराज शैलेंद्र आगलावे, पुणे ✨
मो:- 9011841212

बरसत, बरसत ये रे घना
चिंब चिंब भिजव रे मना
आसक्त,अधीर प्रीतभाव
बरसत, बरसत ये रे घना
सांग कसे, मीच रे सावरुं
हे निळ्या सावळ्या घना
तुझ्यात रे स्पर्षतो सावळा
बरसत, बरसत ये रे घना
हेच गगन, हीच वसुंधरा
उताविळ, मिलना रे घना
तूच रे, चैतन्य या सृष्टिचे
ये सजवित ब्रह्मांडा रे घना

-- वि.ग.सातपुते (भावकवी)

9766544908

रचना क्र. १४८

७ - ६ - २०२२.

जुलैच्या शेवटच्या आठवड्यात वरुणराजाने अख्ख्या महाराष्ट्राला अक्षरश: झोडपून काढले. या विक्रमी पावसाने मुंबई आणि कोकणाची पार वाताहत केली. विदर्भातील काही भागालाही मोठा फटका बसला.

धुळ साचते
पुस्तकावर,टि.व्ही.वर
खिडक्यांवर,दारावर
आणि
कुलुपावर
धुळ करते कब्जा सार्‍यांवर...

किती दिवस झालेत
माणसांचा घरात नाही वावर
घरमालक
मस्त गेलाय फिरायला
घर सोडून वार्‍यावर....

धुळ पसरते चादर
सार्‍या वस्तूवर
आणि
कुणी आलंच तर
ठसे उमटणार घरभर
ठेवते नजर चोरावर..

धुळंच सांभाळते
सारं घर तुम्ही घरी नसल्यावर...

-- श्रीकांत पेटकर
(मागील वर्षी आजच्या दिवशी.. १०/१०/२०१७ला केलेली कविता )
https://www.facebook.com/shrikant.petkar.5

उन्हातही फुलावेस
असा तुझा रूबाब आहे
निसर्गाचे वरदान
पिवळाझेंडू लाजवाब आहे
कशास शोधू तो स्वर्ग
कुठला कुणास ठाऊक ?
बळीराजा इथेच घडवितो
दार स्वर्गाचे मनभाऊक..

विठ्ठल जाधव
शिरूरकासार (बीड)
सं. ९४२१४४२९९५