झाकोळल्या नभांगणी
कृष्णमेघना अनावर...

जीवा, ध्यास श्रावणी
सरसरसर धारा सुंदर...

वर्षा ऋतू बरसणारा
स्पर्श ओलेता मनोहर...

शब्द गझला अर्थवाही
भावगंधी ओंजळ सुंदर...

चिंबचिंबली पानफुले
झुळझुळतो नाद सुंदर...

अतर्क्य रूप चैतन्याचे
लावण्य रुपडेच मनोहर...

नाचत नाचत येते वर्षा
ओथंबलेले गगन सुंदर....

रचना क्र. ७८
२०/७/२०२३
-वि.ग.सातपुते.(भावकवी)
9766544908

कृष्ण पक्षातील चतुर्थीला
चला करूया गणेशाची आराधना

संकटातूनी मुक्ती देणारा
दिवस आजचा करू साजरा

विघ्नहर्ता तू गणेशा
वाहतो तुला एकवीस दुर्वा

कर आमचा तू गणेशा
संकटांचा मार्ग मोकळा

मोदकाचा घास भरवितो
जास्वंदीचे फुल वाहतो
रक्तवर्णा श्री गणेशा
तुझ्या पायी मी नतमस्तक होतो

उमेश तोडकर

नाच नाचती तालावरती

मीरेची पाऊले

चित्त ते हरीमय जाहले. - - - धृ

लागला प्रभुचा ध्यास

हरि दिसे नयनास

चलबिचल नजर होऊन

अंग सारे मोहरले - - -१

चित्त ते हरीमय जाहाले

न राही आपले भान

झाली भजनी तल्लीन

तनमन प्रभुचे ठायी जाता

संसार ते विसरले. - - - २

चित्त ते हरीमय जाहाले

विषाचा घेता प्याला

हरि तो त्यातची दिसला

झेपावूनी गेली त्याच क्षणी

घट घटा प्राशन केले. - - - ३

चित्त ते हरीमय जाहाले

जहाल होते विष

मृत्युचा तो पाश

प्रभूभक्तीच्या शक्तीने परि

अमृत ते बनले - - - ४

चित्त ते हरीमय जाहाले

डॉ. भगवान नागापूरकर

९००४०७९८५०

वाहत असते जीवन सारे,

वाहणे जीवनाचा गुणधर्म,

स्तब्ध राहता जीवन आपले,

कसे घडेल हातून कर्म ।।१।।

वाहत होते, वाहत आहे,

भविष्याते वहात जाईल,

सतत चाले ही प्रक्रिया,

जीवन करण्यास सफल ।।२।।

आजही शास्त्रज्ञ हेच सांगतो,

निर्जीव वस्तूसुद्धा प्रवाही,

अणूची ती बनली असूनी,

प्रचंड हालचाल आत होई ।।३।।

अणूत असूनी तीन भाग,

अतिशय वेगाने फिरती,

केवळ त्यातील वेगामुळे,

स्थिर साऱ्या वस्तू त्या भासती ।।४।।

डॉ. भगवान नागापूरकर

९००४०७९८५०

विरहात जरी कासाविस जीव
हॄदयातुनी , पाझरते भावप्रीत

अजुनही मन तुझ्यात गुंतलेले
स्मरणगंधला गंधाळ स्पंदनात

गुलमुसलेली ती सांज क्षितिजी
जणु रंगली तुझ्याच प्रतिबिंबात

मनांगणी दरवळते तीच बकुळी
मंत्रमुग्धली माझ्या भावशब्दात

दुःख वेदनांचे सावट जरी अंतरी
तरतो तव अस्तित्वाच्या खुणात

तुझ्याच रुपात जगविते कविता
प्रीतभावनांची झुळझुळ अंतरात.

-- वि.ग.सातपुते (भावकवी)

9766544908

रचना क्र.२६२

१६/१०/२०२२

पाटीवरती अंक लिहीले, बागडूं लागला आनंदाने

पित्याचे लक्ष वेधण्या, हनवटी खेची हातानें....१,

प्रथमापासूनी लक्ष पित्याचे, होते अवखळपणाकडे

अजाणपणा दाखवोनी, दुर्लक्ष करी मुलाकडे...२,

शब्दांची गुंफन करूनी, कवितेचा संग्रह केला

तोच संग्रह घेवून चाललो, दाखविण्या माहूरी रेणूकेला...३,

जगदंबा ही आदी शक्ती, सारे तिजला ज्ञात असते

अजाण बालक हट्टी असूनी, तिच्याच घऱी दाखविण्या जाते...४,

पाटीवरले अंक बघूनी, हृदय पित्याचे गहीवरले

रेणूका तर जननी विश्वाची, भाव मनीचे आधीच कळले...५

डॉ. भगवान नागापूरकर

९००४०७९८५०

तूं सुखकारी, तूं विघ्नारी, तूं नियतीचा अधिपती

हे गुणदाता, पार्वतीसुता, आधार तूंच जगतीं ।।

जे खलबुद्धी, सरळ ना कधी, तूं ताडसि त्यां दुष्टां

पिडतात जनां अन् संतमनां, तूं गाडसि त्या कष्टां

तूं प्रेमरूप, करुनास्वरूप, तुजमुळेच सुखदीप्ती ।।

जोडुन हातां, टेकुन माथा, जनगण तुजला नमती

फुंकून शंख, गर्जून मंत्र, जग करी तुझी आरती

वाजे डंका, अन् आशंका मनिं कांहीं नच उरती ।।

मी हतभागी, अंधार जगीं, पुढला ना मार्ग दिसे

वाटेवरती काटे रुतती, दुर्भाग्यभुजंग डंसे

देइ अनंता धरुन हात आनंदमयी मुक्ती ।।

- -

- सुभाष स. नाईक

आत्मारामा , सर्वेश्वरा , दयाघना
देवा ! मंगलम चरण तुझे नमितो
सदैव स्मरणात तुझ्या मी जगतो
देवा ! मंगलम चरण तुझे वंदितो।।१।।

शिशु , शैशव , वात्सल्य स्मरता
वृध्दत्वे ! आज मी सुखात रमतो
दैवे , प्रारब्ध्ये सुखदुःखां संगती
तव कृपेच्या अमृतसागरी डुंबतो।।२।।

क्षणक्षण सारे , सर्वेश्वराची कृपा
मीच भक्त भोळा , अज्ञानी पामर
तुझ्याच कृपाकटाक्षे मी उद्धरुनी
भावभक्तीने गीतास मी गुंफितो।।३।।

-- वि.ग.सातपुते.(भावकवी)

9766544908

रचना क्र. २

२ - २ - २०२२.

बडवे मंडळींचा कारभार, जगदंबेच्या नांवें चालतो

भाविकामधील अज्ञानाचा, उपयोग करूनी घेतो

पूजेमधल्या विधी करिता, आग्रह त्यांचा चालत असे

भक्तीरसाचे महत्त्व असूनी, त्याच्यांत त्यांना रस नसे

व्यवहारीपणाचे रूप आणूनी, बाजारी वृत्ति दाखविती

धर्माचे नाव लावूनी, भोळ्या भक्तांना लुटत असती

पुरोहित असा असावा, धर्माची करि उकलन

भक्तीमार्गाच्या वाटसरूंना, योग्य मार्ग देयी दाखवून

प्रभूचे मंदिरी नेवून त्यानें, चिंतन करण्या सांगावे

चंचल मनास प्रभू भजनीं, एकाग्र करण्या शिकवावे

डॉ. भगवान नागापूरकर

संपर्क - ९००४०७९८५०

bknagapurkar@gmail.com