आत्ता चं दिवस हे दिवसासारखं,

खरंच मला वाटत नाही....

आत्ता माझ्या चेहऱ्यावर,

खरंच हसू येत नाही....

आत्ता तुझ्या आठवणी विना ,

मला काही आठवत नाही....

आत्ता वाटतं तुझ्या विना,

काहीही जीवनात नाही....

आत्ता प्रिये तुझ्या सारखं,

कुणी गोड बोलत नाही....

एकाकी एकटा असतो,

कुणीही विचारत नाही....

आत्ता प्रिये पूर्वीसारखं,

नवं काय स्वप्नात नाही....

एकटेपणा आहे फक्त,

जगावसं वाटत नाही....

माझं प्रेम - माझी तू ,

काहीही नशिबात नाही....

आत्ता प्रिये तुझ्या विना,

काहीही जीवनात नाही....

-- गजानन साताप्पा मोहिते

माणसांच्या या गर्दीतूनी
मी माणूस शोधतो आहे
कधी कधी मलाच वाटते
मीच, रस्ता चुकलो आहे

चेहरे तसे सारे ओळखिचे
पण सारेच संभ्रमात आहे
मनात, सारीच साशंकता
सत्य, असत्य कोणते आहे

जगणे, कसरत तारेवरची
वाटते सारे, मृगजळ आहे
आज नां कुणावरी भरवसां
बेभरोशी नित्य जगणे आहे.

सभोवती दुरापास्त मानवता
जग स्वसुखातची मग्न आहे
नाती निरागस आज संपली
आपुलकीचीच वाणवा आहे

जीवा, जगविती स्पर्श निर्मल
त्याचीच एक अभिलाषा आहे
तीच एक, शाश्वत सुखसंपदा
माणसांच्यात मी शोधतो आहे

-- वि.ग.सातपुते (भावकवी)

9766544908

रचना क्र. १०१

३ - ४ - २०२२

वाटत होता शांत मला तो, बघुनी त्याच्या हालचालींना

शिस्तबद्ध ते जीवन असूनी, हास्य उमलते त्याच्या मना....१,

अल्प बोलणें अल्प चालणें, आहार तोहीं अल्पची घेणे

प्रभू नाम ते मुखी असूनी, चिंतन त्याचे सतत करणे....२,

संघर्षाला टाळीत होता, परिस्थितीशी जुळते घेवूनी

वातावरण ते शांत ठेवण्या, प्रयत्न चाले लक्ष देवूनी...३,

अहंकार तो सुप्त असूनी, राग न दाखवी चेहऱ्यावरी

जगण्याचे ते प्रेम बघूनी, मोहाचे वेष्ठन दिसे शरिरी...४,

दाबता साऱ्या षढरिपूंना, बेगडी शांतता बाह्य दिसे

जिंकती त्यांनाच सहजपणे, खरी शांतता चित्तीं वसे...५

-- डॉ. भगवान नागापूरकर

९००४०७९८५०

काय होतं कुणास ठाऊक देवासंग नातं
अनवाणी चालत कुत्रं वारीला गेलं होतं
पाऊसपाण्यात जरी भिजलं होतं अंग
विठ्ठलाच्या गजरात तरी झालं होतं दंगं...!

चंद्रभागेच्या पाण्यात अंग ओलं केलं
मनात घेऊन वेडा भाव पायरीशी गेलं
दारामागच्या देवाला भेटणार तरी कसं
माणसांपुढे बिचा-याचं झालं होतं हासं.!

माणसाचा देव माणसांसाठी असतो
ज्याच्या खिशात पैसा त्यालाच तो दिसतो
पायरीवर बसून शेपूट हालवू लागलं
देवाला भेटण्यासाठी रातभर जागलं..!

निराश होऊन सकाळी मागे फिरलं
रस्त्यावरचं भटकं म्हणून त्याला धरलं
गाडीत घालून त्याला कुठेतरी नेलं
पाप्यांच्या दुनियेत जिवानिशी गेलं...!!

.... राजेश जगताप, मुंबई
९८२१४३५१२९

अंगणात सडा फुलांचा,
परी गंध तूझ्या देहाचा,
साम्य नाही दोहोंत मुळीच,
मला फक्त तू हवा-हवासा!

आसुसलेल्या नयन कडांवर,
भिरभिरे आता रंगीत वारा,
सप्तरंग आकाशी इंद्रधनुचा,
नभ धरी डोई वर्षाधारा !

चंद्रबिंब तुझ्यात भासे,
सूर्यकिरण उरात दाटे,
विरहाचे भोगले मी काटे,
संयोगाची ही वेळ वाटे !

बाहुपाशाचा वेढा तनुला,
नटखट सुटण्याचा माझा चाळा,
कुंतला मुक्त, बटा रुळती मुखावर,
जखडून ठेवती मज तूझ्या कलेवर!

– श्र्वेता संकपाळ

झुला तुझ्याच आठवांचा

धुळ साचते
पुस्तकावर,टि.व्ही.वर
खिडक्यांवर,दारावर
आणि
कुलुपावर
धुळ करते कब्जा सार्‍यांवर...

किती दिवस झालेत
माणसांचा घरात नाही वावर
घरमालक
मस्त गेलाय फिरायला
घर सोडून वार्‍यावर....

धुळ पसरते चादर
सार्‍या वस्तूवर
आणि
कुणी आलंच तर
ठसे उमटणार घरभर
ठेवते नजर चोरावर..

धुळंच सांभाळते
सारं घर तुम्ही घरी नसल्यावर...

-- श्रीकांत पेटकर
(मागील वर्षी आजच्या दिवशी.. १०/१०/२०१७ला केलेली कविता )
https://www.facebook.com/shrikant.petkar.5

धरली कास तुझ्या पायी माझा विश्वास

मुखी नामघोष तुला भेटण्याची आस ।।1।।

चारी वेद तुला गाती

विश्वव्यापक तू कमळापती।।2।।

अठरा पुराणांच्या अंती

साधू संत तुला ध्याती ।।3।।

क्षणोक्षणी येते तुझी मला प्रचिती

सुख-दुःखात देवा तू माझा सांगाती।।4।।

संत तुक्यासाठी तू सखा पांडुरंग

नामयाच्या कीर्तनात गातोस अभंग ।।5।।

जनीसाठी दळण, कान्होपात्रेला क्षमादान

हेची तुझे गुण, ऐकून तृप्त झाले कान ।।6।।

नको आता आम्हा विषयाची गोडी

देई तरी देई नामाची आवडी।। 7।।

देवा आता ऐसे करी

जन्मोजन्मी व्हावी वारी

जन्मोजन्मी व्हावी वारी।।8।।

शब्दातून साकारलेला विठ्ठल लक्ष देऊन पाहा भगवान परमात्मा पांडुरंग दिसेलच.

- अमोल उंबरकर

सरता दिवस, राहते उभी सामोरी सांज
जशी प्रसन्न प्राची, तशीच सांजही सुंदर

अंतरात भावनांची लोभस ती सोनसळी
जीवा सुखावणारी सांजाळ क्षितिजावर

सुखाचाच संसार, नाही कुणाशीही वैर
तृप्तले, सारे जीवन केले प्रेम सर्वावर

आता आठविती क्षण सारेच हरवलेले
होता आत्ममुख मन होई कातर कातर

आता न अंतरी सुखदुःखाचे मोजमापदंड
सारेच आपुले, हाच भाव जागो निरंतर

जगताजगता राखावित बहुतांची अंतरंगे
स्मरावी गीता, आणि रूप ते शामसुंदर
***********

-- वि.ग.सातपुते (भावकवी)

(9766544908)

रचना क्र.३११

२८/११/२०२२