कविता-गझल-चारोळी-वात्रटिका
-
ठेवावं लांब लोका
ठेवावं लांब लोका , भविष्य सांगणाऱ्या
बाळास माहिती द्या , आताच रांगणाऱ्या /
गलका कसा बरे हा ? भवताल भाटगाने
हलकेच नजर ठेवा ,लोकांस पांगणाऱ्या /
आणील आसमंता ,ठेवील या कराशी
तोडाच त्या कराला ,भिकेस मागणाऱ्या /
सारेच आनंदी वातावरण भोवताली
शोधाच कोण आहे , बाम्बस टांगणाऱ्या /
गझलेत 'कौशला ' म्हणे हा मक्ताच झाला
नाहीच आवडली ,डांबास डागणाऱ्या
-- श्रीकांत पेटकर
February 25, 2019
-
निसर्ग व्याप्ती
उंच चढूनी हिमालयी, झेंडा तो रोविला
गीरीराजाचे शिरावरी, विजय संपादिला
उंचाऊनी बघे मानव, अथांग जगताला
विज्ञानाच्या जोरावरती, अंतराळात गेला
युगा युगाचा चंद्रमा, केला अंकित त्याने
त्याच्या देही ठेवी पाऊल, मोठ्या अभिमानाने
अगणित दिसती गृहगोल, त्याचा दृष्टीला
सीमा न उरली आता मग, चौकस बुद्धीला
चकित होतो प्रथम दर्शनी, विज्ञाना बघता
दिसून येती अनेक गुढे, एक एक उकलता
किती घेशी झेप मानवा, उंच उंच गगनी
वाढत जातील क्षितिजे, तितक्याच पटींनी
डॉ. भगवान नागापूरकर
९००४०७९८५०
March 26, 2020
-
फरक…
घरट्यातील पिल्लं तोंड वासून वाट बघतात.
त्या हाका दूर वर असलेल्या पक्ष्यांना ऐकू येतात...पखांत बळ आणून वेगाने येतात उडत उडत.
इवल्याशा चोंचीत एकेक दाणा राहतात घालत घालत..मोठी होतात धडपडतात. पडतात उठतात.
आणि पंखात बळ आले की दूर दूर उडत जातात..घरटं होत ओकबोक. पण हे दोघे असतात आनंदात.
पक्षाला वाटतो अभिमान. कालवाकालव होते मात्र तिच्या काळजात...कधी साथीने जगतात कधी एकटेच उरतात..
त्यांच्याही पंखातील बळ संपत आहे तरीही ते जगत असतात.....घरातील मुलंही अशीच आईच्या कुशीत असतात..
बाबाच्या मेहनती वर लहानाचे मोठे होतात..बळ येते त्यांच्या प्रगतीच्या पंखात.
आत्मविश्वासाने ध्येयाप्रती झेपावतात.सगळे असूनही म्हणतात आम्ही झालो निराधार..
रानातल्या या पक्षांना कुणाचाही नसतो आधार...
.
माणसं राहतात मोठ्या सुरक्षित आणि सुखसोयीत.
म्हणून हाच फरक आहे फक्त घरात आणि घरट्यात...सौ कुमुद ढवळेकर
February 23, 2023
-
सर्वात तोच आहे
अगणित तारे जीव जीवाणूं ।
अथांग विश्व अणू रेणू ।।
रंगरूप हे नेत्री दिसती ।
भिन्न भिन्न राहूनी जगती ।।
रस गंध दरवळे चोहीकडे ।
जगण्याचा तो मार्ग सापडे ।।
हे जर आहे रूप ईश्वरी ।
बघती त्याला आमुच्या नजरी ।।
सुख दु:ख ही त्याची निर्मिती ।
फिरे सदा आमचे भोवती ।।
निराकार निर्गुण, म्हणती त्याला ।
म्हणूनच तो साऱ्यात सामावला ।।
डॉ. भगवान नागापूरकर
९००४०७९८५०
December 21, 2019
-
संशयाचे भूत
हे भूत संशयाचे छळते कसे मनाला ।
करीते सदा परि ते दिशाहीन विचारमाला ।।
एकाग्रतेचा घात होई क्षणार्धात तेथे ।
डोलायमान होऊनी स्थिती बदलून जाते ।।
गमवी विश्वास जेव्हां प्रभू अस्तित्व शक्तीचा ।
कळला न अर्थ त्याला या सत्य जीवनाचा ।।
येता मनी संशय आपलाच ज्या घडीला ।
शोकांतिका जीवनाची ठरे त्याच क्षणाला ।।
-- डॉ. भगवान नागापूरकर
९००४०७९८५० May 21, 2019
-
संत संगती
ललाटी ज्यांच्या जे जे लिहिले,
संत जाणती दिव्य दृष्टीने,
नियतीच्या ह्या हलचालींना,
दिली जाती आवाहने ।।१।।
जाणून घेता भविष्यवाणी,
जीवन मार्ग हे ज्यांना कळती,
तपशक्तीने संत महात्मे,
योग्य मार्ग ते दाखवूनी देती ।।२।।
कर्माने जरी भाग्य ठरते,
सुख दुखःच्या गुंत्या भोवती,
त्या गुंत्यातील धागा शोधूनी,
सुसाह्य त्याचे जीवन करीती ।।३।।
कृपा होता संत जनाची,
चुकला-मुकला जाई ठिकाणी,
घनदाट त्या जंगलामधली,
पाऊलवाट ते देई दाखवूनी ।।४।।
डॉ. भगवान नागापूरकर
९००४०७९८५०
December 4, 2017
-
लोकल
(चाल : झुक झुक झुक रेल गाडी)
आली नशिबी रेलगाडी
रेल कसली जेल गाडी - झुक झुक ...
दादर हारबर सी.टी. लोकल
हिशेब येथे असतो पळपळ
कुणी गुदमरे कुणी लटकते
कुणी मारते उडी । - झुक झुक ...कमला, विमला, अमला आली
कुणी नवोढा कुणी अवघडली
वृद्ध कोणी, षोडश वर्षा
कुणी चंचल गुड्डी । - झुक झुक ...गर्दी येथे गचडी तेते
चोर शिपाई साव भामटे
किती दुकाने किति वाहने
जणू मुंग्यांच्या झुंडी । - झुक झुक ...कचेरीतही तर्‍हा वेगळी
कुणी नेकींच्या कुणी फेकीची
नियमित विराळा बहुतेकांची दांडी । - झुक झुक ... October 27, 2018
-
कृपा दयाघनाची
हॄदयस्थ ब्रह्म.!
नित्य नांदते आहे!अंतरीचे भावशब्द
स्वरी गुंफले आहे!स्वरात मी दंगलो
भान हरपलो आहे!आलाप गंधर्वांचा
षड्जाचाच आहे!अव्यक्त प्रीतीभाव
शब्दी सांडले आहे!तृप्त मी, तृप्त मी
जीवन सुखद आहे!लाभले सारेच
संचिती दान आहे!कृपा दयाघनाची
मीही कृतार्थ आहे!-- वि.ग.सातपुते.(भावकवी)
9766544908
रचना क्र. १६३.
२७ - १२ - २०२१.
January 16, 2022
-
उमलणारी फुले
चोर पावली येता तुम्हीं, साव असूनी खऱ्या
फुलराण्या स्वर्गामधल्या, नाजुक नाजुक पऱ्या
निद्रिस्त जेंव्हा विश्व सारे, संचारी भुमंडळीं
स्वागता रवि उदयाचे, उमलताती सकाळीं
चाहुल न ये कुणासी, तुमच्या अगमनाची
प्रफुल्लतेनें मन देते, पोंच सौंदर्याची
आकर्शक ते रंग निराळे, खेची फुलपाखरें
मध शोषण्या जमती तेथे, अनेक भोवरे
सुगंध दरवळून वातावरणीं, प्रसन्न चित्त करी
जागे करीती जगास, चैतन्यमय त्या लहरी
हास्यमुखानें समर्पण होती, प्रभूचे चरणावरी
क्षणिक असले जीवन सारे, सार्थकी लागते तरी.
डॉ. भगवान नागापूरकर
९००४०७९८५०
May 14, 2020
-
क्षणाचा भरवसां
तुमचे वागणे , बोलणेकुणाला समजत नाहीअसे कधी समजू नकाफक्त कुणी बोलत नाहीवादविवाद नको म्हणूनीसंघर्ष कुणी करत नाहीमौनं सर्वार्थ साधनम.या शिवाय शांती नाहीमनामनाला जपत रहावेयाविण , दूजे सुख नाहीअध्यात्म ही आत्ममुखतामीत्व कधी मिरवणे नाहीकेवळ स्वतःचा शोध घेणेयाविण जीवना अर्थ नाहीपरस्पर प्रेमळभाव जपावायाविण दूजे सत्कर्म नाहीश्वास ! हा बुडबुडा क्षणाचाइथे उद्याचा भरवसां नाहीउगा हवेत कशाला हेवे दावेमृत्युसंगे , काही येणार नाही-- वि.ग.सातपुते. (भावकवी)9766544908रचना क्र. १२१.२१ - ४ - २०२२. May 23, 2022
Copyright © 2025 | Marathisrushti