कविता-गझल-चारोळी-वात्रटिका
-
प्रेमस्पर्ष
मुरलीधरा वाजीव रे मुरली
जीवसृष्टी सारी आसुसलेली...सुर वेणुचे दशदिशा उजळती
खगगण, मंजुळ स्वरे गाती...गोकुळीची जित्राबे गोधूली
तुझ्याच ओढ़ी हंबरत येती...झुळझुळती मोदे वृक्षवल्ली
मीरा, राधा भक्तिगीत गाती...स्वर तव मुरलीचे मनोहारी
प्रेमस्पर्शे जीवास जगविती-- वि.ग.सातपुते. (भावकवी)
(9766544908)
रचना क्र. २८०
२/११/२०२२
November 9, 2022
-
बंदीस्त करा मनाला
वातावरणी वस्तू पडतां,
नाश पावते लवकर ती,
हवा पाण्याच्या परिणामानें,
हलके हलके दूषित होती ।।१।।ठेवूं नका उघडयावरती,
वस्तू टिकते निश्चितपणे,
दूषितपणाला बांध घालता,
कसे येई मग त्यात उणे ।।२।।बाह्य जगातील साऱ्या शक्ती,
आघात करती मनावरी,
दूषिततेचे थर सांचूनी,
मनास सारे दुबळे करी ।।३।।देहामध्यें बंदीस्त ठेवून,
एकाग्रचित्त करा मनाला,
कांहीं न करता येते तेव्हां,
राग लोभादी बाह्य गुणाला ।।४।।डॉ. भगवान नागापूरकर
संपर्क - ९००४०७९८५०
bknagapurkar@gmail.com December 31, 2015
-
ही मुग्ध रात्र मिलनाची
ही मुग्ध रात्र मिलनाचीनवं यौवना नवथर तू अशी,चंद्र दुधाळ तो आकाशीरात्र ही चांदण न्हालीतू ये प्रिये अशी जवळ जरापदर उडे वाऱ्यावर सावर जरा,गौर लव्हाळ सोन तुझी कांतीओठ तुझे नाजूक गुलाब पाकळीस्पर्श होतो मधाळ तुझामी धुंद होतो तुझ्यात जरा,घेता समीप मी तुजलाप्रिये लाजते तू हलकेच तेव्हाये मिठीत अलवार तू अशीओठ ओठांना भिडतील त्या वेळीमधुरस तो अलगद चुंबीतासर्वांगी फुलेलं गंधित कायाघेतो मिठीत अलगद तुजलाचंद्र ही हासेल हळूच तेव्हा,चांदण टिपूर आकाशी तेव्हातारका तुझा मग करती हेवाप्रहर रात्रीचा उलटेल असातू जवळ अशी येशील जरा,गंधाळेल रसिली रात्रीत तू तेव्हागोड मिठी ही तुझी नशिली अदा-- स्वाती ठोंबरे. March 12, 2022
-
लोकल
(चाल : झुक झुक झुक रेल गाडी)
आली नशिबी रेलगाडी
रेल कसली जेल गाडी - झुक झुक ...
दादर हारबर सी.टी. लोकल
हिशेब येथे असतो पळपळ
कुणी गुदमरे कुणी लटकते
कुणी मारते उडी । - झुक झुक ...कमला, विमला, अमला आली
कुणी नवोढा कुणी अवघडली
वृद्ध कोणी, षोडश वर्षा
कुणी चंचल गुड्डी । - झुक झुक ...गर्दी येथे गचडी तेते
चोर शिपाई साव भामटे
किती दुकाने किति वाहने
जणू मुंग्यांच्या झुंडी । - झुक झुक ...कचेरीतही तर्‍हा वेगळी
कुणी नेकींच्या कुणी फेकीची
नियमित विराळा बहुतेकांची दांडी । - झुक झुक ... October 27, 2018
-
मान्य मला ती सजा, प्रभु तु देशी
मान्य आहे मजला वाल्या कोळी बनणे
खून लागल्याचा डाग लागला परी उद्धरुन जाणें ।।१।।लुटालूट करुनी देह वाढविला
राम नाम जपूनी पावन तो झाला ।।२।।प्रभू कृपा होऊनी महा कवी बनला
वाल्मिकी ऋषी बनूनी रामायण ग्रंथ रचिला ।।३।।वाहून गेला पाप भाग तप प्रवाहाच्या वेगांत
धुवूनी गेला डाग जलाशयाच्या ओघांत ।।४।।वाईट घटना घडते त्यास भोग म्हणावे
उद्धरुनी त्यांत जाणे ह्यास योग समजावे ।।५।।जर होत असेल माझा वाल्मिकी ऋषि
मान्य मजला सजा जी प्रभूं तूं देशी ।।६।।डॉ. भगवान नागापूरकर
संपर्क - ९००४०७९८५०
bknagapurkar@gmail.com January 24, 2017
-
सैनिक आम्ही
सैनिक आम्ही देशाचे
टिळा कपाळी मातीचा
जिंकविण्या भारतास
त्याग करी जगण्याचाएक नारा आम्हा प्यारा
'जय हिंद' घोष गगनात
पुढे चला रे पुढे चला
रक्षण्या देश हा भारतएकच ठावे विजयी व्हावे
उरी दाटले निशान तिरंगा
पहाडी छाती अभिमानाने
सीमा लढवू पार अभंगा-- विठ्ठल जाधव
शिरूरकासार (बीड)
सं.९४२१४४२९९५ October 22, 2019
-
मुके भाव
आज लोपले शब्द ओठचे, भावनाच्या आकाशीं
प्रखर बनतां त्याच भावना, विचार जाती तळाशीं....१,भावनेला व्यक्त करण्या, सांगड लागे शब्दांची
थोटके पडती शब्द सूर ते, गर्दी होता विचारांची...२,भावनांचे झरे फुटूनी, विचार जलाशय झाले
विचारांचे बनूनी धबधबे, वाहू मग लागले.....३,आकार देती शब्द भाषा, बांध घालूनी विचाराला
निश्चीत होतो वेग नी मार्ग, आकार देता भावनेला....४,भाषेमधली शक्ती जावूनी, मूक बनविले तिने
उंचबळणाऱ्या विचार भावना, टिपल्या मात्र चेहऱ्याने....५डॉ. भगवान नागापूरकर
९००४०७९८५०
bknagapurkar@gmail.com April 8, 2017
-
मुखवटा
मुखवटेच सारे रंगबिरंगी
खेळ, लीलया भावनांचा
भेटतात मुखवटे पांघणारे
हा अनुभव या जीवनाचा।अनभिज्ञ, सारीच मनांतरे
नात्यातही भाव संभ्रमाचा
निकोप, निर्मलता संपली
स्वार्थी, हव्यास जीवनाचा।भेटो, निरपेक्ष सत्य मुखवटे
दरवळावा गंध प्रीतभावनांचा
हीच सुखदा सदानंदी चिरंतन
रुजावा, बीजांकुर मानवतेचा।-- वि.ग.सातपुते. (भावकवी)
9766544908
दिनांक :- १२ - ४ - २०२२
April 28, 2022
-
देह मंदीर
शरीर एक साधन, साध्य करण्या प्रभूला
ठेवूनी ती आठवण, चांगले ठेवा देहाला...१
व्यायाम व आहार, असतां नियमित
सुदृढ ते शरीर, असते मग बनत...२
सुदृढ असता देह, करावे मनाला शांत
टाळत असतां मोह, न येई तो भावनेत...३
षडरिपू हे विकार, काढा विवेकांनी
निर्मळ ठेवा शरीर, पवित्रता राखूनी...४
देह आहे मंदीर, गाभारा तो मन
आत्मा तो ईश्वर, आनंद देई आंतून...५
डॉ. भगवान नागापूरकर
९००४०७९८५०
December 15, 2020
-
“पर्याय “
पर्याय म्हणून जर माझं नाव असेल,
तर माझं नसणंच जास्त खरं ठरेल.
गरज लागली की आठवण येणं,
याला प्रेम म्हणायचं धाडस नको.तुझ्या वेळेच्या उरलेल्या क्षणात,
मी बसवलेली सोय नको.
कोणीच नसलं की आठवण येणं,
याला आपुलकीचं नाव नको.अर्धवट हक्क, अपुरी माया,
यांनी नाती जगत नाहीत.
मी पूर्ण देतो, पूर्ण मागतो,
मधली तडजोड मला जमत नाही.जिथे मी पहिला नाही,
तिथे मी उभाच राहत नाही.
कारण पर्याय म्हणून जगलेलं नातं,
शेवटी स्वतःशीच दगा देतं.पर्याय म्हणून माझी निवड असेल,
तर तो अध्याय तिथेच संपलेला बरा.आता मी थांबतो इथेच,
कारण पुढे जाण्यासारखं काही उरलेलं नाही.
नात्याला नाव न देता,
मी इथेच शून्य होतो.•ॲड.कीर्तिराज शैलेंद्र आगलावे, पुणे
June 11, 2026
Copyright © 2025 | Marathisrushti