मजला नव्हते ज्ञान कशाचे,

पद्यामधल्या काव्य रसाचे ।

कोठून येते सारी शक्ती,

काव्य रचना करूनी जाती ।।१।।

अवचितपणे विचार येतो,

भावनेशी सांगड घालीतो ।

शब्दांचे बंधन पडूनी,

पद्यरूप जातो देऊनी ।।२।।

सतत वाटते शंका मनी,

हे न माझे, परि येई कोठूनी ।

असेल कुणी महान विभूती,

माझे कडूनी करवून घेती ।।३।।

तळमळ आता एक लागली,

जाणून घ्यावी शक्ती आगळी ।

अर्पीन माझे प्राण त्याला,

स्फूर्ती देवता जो मज झाला ।।४।।

डॉ. भगवान नागापूरकर

९००४०७९८५०

bknagapurkar@gmail.com

आज थोड काहीतरी वेगळ चाललय वाटतं
रोज कडू लागायचं आज गोड गोड वाटतंय

रंगीत द्रव्य ग्लासा मधलं पांढर आज दिसतंय
आज थोड काहीतरी वेगळ चाललय वाटतं

कर्कश्य आवाजातील गाणी आणि चमकणारे दिवे
आज सगळे शांत फक्त शीतल प्रकाशात नाहणे

मैफिलीत आज नाही रोजच्या सारखं दुःख
नाही डोळ्यात नमी नाही पैशाचीही कमी

आज कसं सार काही सोज्वळ थोड वाटतंय
गुलाबाच्या वास पेक्षा मोगरा बरा वाटतोय

एक दोन ग्लासानंतर तारे दिसू लागायचे
आज पूर्ण चंद्र एकटा ग्लासा मध्ये बघायचे

अरेच्चा !! हि तर कोजागिरीची पार्टी चालली दिसती
तरी म्हणतो बाटली ऐवजी किटली का दिसतीय
आज थोड काहीतरी वेगळ चाललय वाटतं

-- विनायक आनिखिंडी, पुणे

9922970317

धागा धागा विणून, केली तयार जाळी
गोल आणि बहुकोनी घरे, पडली निर निराळी....१,

स्थिर सुबक घरे, जसा स्थितप्रज्ञ वाटे
सर्व दिशांचा तणाव, न दिसे कुणा कोठे....२,

तुटेल फूटेल तरी, सैलपणा येणे नाही
जर ढिला झालाच तर, जाळी दिसणार नाही....३,

जगे तो अभिमानानें, मान ठेवूनीया ताठ
संसारामधील क्लेश, झेलीत होती त्याची पाठ....४

डॉ. भगवान नागापूरकर
९००४०७९८५०

खरेदी केला सुंदर पक्षी, दाम देवूनी योग्य असे ते ।
नक्षीदार पिंजरा घेवूनी, शोभिवान केले घरातें ।।
प्रात:काळी उठोनी बघतां, चकित होवूनी गेलो मनीं ।
पक्षानें मान टाकली, पडला होता तळात मरूनी ।।
क्षणभर मनी खंत वाटली, राग आला स्वकृत्याचा ।
अकारण हौस म्हणूनी, खरेदी केला पक्षी याचा ।।
किती बरे निच मन हे निराशा तयाला धन हानीची ।
पक्षानेतर प्राण गमविला, विषण्णता परि दुय्यम याची ।।

डॉ. भगवान नागापूरकर

संपर्क - ९००४०७९८५०

bknagapurkar@gmail.com

न राही तुमचे ते कर्म,

ज्यात प्रभू इच्छा अंतीम....१,

प्रत्येक घटनेचे अंग,

त्यात मुख्य ईश्वरी भाग....२

तुमच्या मार्फतच होई

त्याचा इशारा कोण पाही....३,

सर्व समजे मीच केले

अहंकाराने मन भरले....४,

षडरिपू असे साधन

खेळविता यावे म्हणून...५,

राग,लोभ, मोह मायादी

ठेवती वाटते आनंदी....६,

परि याच्याच शक्तीने

प्रभू खेळ चाले युक्तीने....७,

षडरिपू सारे टाळून

मुक्ती मिळेल खेळातून.....८

डॉ. भगवान नागापूरकर

संपर्क - ९००४०७९८५०

bknagapurkar@gmail.com

तसेंच वागा इतरजणांशी, वाटत असते ,तुमच्या मनीं
अपेक्षा करता तुम्हीं प्रेमाची, सदैव इतरांकडूनी...१,

सहानूभुतीचा शब्द लागतो, दैनंदिनीच्या तुमच्या जीवनीं
क्षणा क्षणाला भासत असते, जीवन तुमचे अवलंबूनी...२,

प्रेम वाटतां इतरांना, परत मिळते तेच तुम्हांला
प्रेम नाण्याचे मूल्य जाणूनी चलनांत ठेवा हर घडीला...३,

याच नाण्यांनीं काम बनते, चटकन सारे बघा कसे
दोन मनें ती सांधली जावूनी, आनंद सर्वत्र दिसत असे...४,

राग लोभ हे शत्रू आपले, घालवूनी घ्यावे तुम्ही त्यांना
प्रेम नाण्याची मदत घेता, सहज जमेल हे सर्वांना...५

डॉ. भगवान नागापूरकर
९००४०७९८५०
bknagapurkar@gmail.com

नाजूक नाजूक वेली मनीं तु माझ्या बसली //धृ//

हिरवी साडी अंगावरी खडी रंगीत किनारी
ठिपके चमकती पांढरे त्या साडीवरती पसरे
आकर्षक साडी नेसली //१//
नाजूक नाजूक वेली मनीं तु माझ्या बसली

शरीर तुझे बांकदार रुप तुझे मनोहर
चपळाईने तूं वाढते दूर जाण्या झेपावते
वाकड्या चालीत शोभली //२//
नाजूक नाजूक वेली मनीं तु माझ्या बसली

मिष्किलपणें तूं हासते विनम्रतेने वाकून जाते
पसरवूनी तुझा सुगंध करी सर्वाना तूं धुंद
राणी ठरतेस बागेमधली //३//
नाजूक नाजूक वेली मनीं तु माझ्या बसली

बघूनी नभीचे तारे भेटण्या तुझे मन हावरे
परि खंत वाटे तुजला आधार हवा चढण्याला
नको उंचावू इच्छा आपुली //४//
नाजूक नाजूक वेली मनीं तु माझ्या बसली

-- डॉ. भगवान नागापूरकर
९००४०७९८५०
bknagapurkar@gmail.com

दुष्काळानंतरचा पाऊसगारवा देणारा असतो,
प्रेयसीने प्रियकराच्याजखमेवर प्रेमाने फुंकर घालावी तसा...
तापलेली जमिन पावसानेथंड झाल्यावर आनंदाने हिरवा शालू नेसते,
साखरपुड्यात नववधू नेसतेतसा...
सृष्टीचे हे बदलेले रूपशेतकरी डोळेभरून पाहातो,
प्रियकर आपल्याप्रेयसीचे अप्रतीम सौंदर्य चोरून पाहातो तसा...
शेतकर्‍याच्यास्वप्नांना पावसात नवीन पालवी फुटून तो आनंदी होतो,
प्रेयसीशीच लग्नठरल्यावर प्रियकर होतो तसा...

©निलेश बामणे

जगी भेटली माणसे
अनभिज्ञ ती सारी...

जोडली नाती
निराशाच पदरी...

नव्हता जिव्हाळा
भावशून्य सारी...

नाही कुणी कुणाचे
छळे सत्य जिव्हारी...

जखमांचे झिरपणे
नि:शब्द वाहते अंतरी...

असले कसले जगणे
प्रीत उदास हृदयांतरी...

हा कल्लोळ असह्य
भावनांचे रुदन भीतरी...

रचना क्र ७०

१०/७/२०२३

वि.ग.सातपुते. (भावकवी)

9766544908