ईश्वराचा वास कोठे, प्रश्न नेहमी पडतो,
फुलांफुलांतील सुगंध,
मग त्याचे उत्तर देतो,--!!!

आकार फुलांचे विविध,
सुबक आणखी नाजूक,
एक नाही दुसऱ्यासारखे,
कोण त्यांना रेखितो,--!!!

पानांचे रंग निरखून पहा,
छटाही त्यांच्या निरनिराळ्या,
कोण त्यांना असे रंगवे,
रंगारी त्यांचा कुठला हा,--!!!

फुलती कळी जवळून पहा,
पाकळी पाकळी उमले,
कोण त्यांचा जन्मदाता,
आतून कोण त्यांना घडवे,--!!!

एक फळ नसते दुसऱ्यासारखे,
चव, रंग, आकार, नि दिसणे,
कोण त्यांची रूपरेषा आखे,
कोण बनवतो त्यांना बरे,--!!!

एक एक झाड असे निराळे,
लता वेली वृक्ष झुडुपे,
कोण त्यांची आखणी करतो,
कोण त्यांना मातीत पेरे,--!!!

अन्नपाणी, सूर्यप्रकाश,
कोण त्यांना पुरवतो, मातीतुनी प्रत्येक घटक,
ते सांगा,कसे शोषतो,

झाड इतुके सहनशील,
कोण त्यांना तसे बनवे,
घाव घातला कोणी जरी,
ते आपले बाहू फैलावे,

बी रुजते आपोआप,
कोंब त्यातूनच घडतो,
बी चे रूपांतर कसे,
कोण त्याचे रहस्य दडवतो,--?!!

कोंबाला फुटती धुमारे,
एकेक पान येऊ लागे, -
एका पानासमअसंख्य पाने,
कोण त्यांना जागा देतो,--!!!

किमया सारी निसर्गाची, विज्ञाननिष्ठ म्हणे, पण,
सृष्टी निसर्गाची आई,
तिलाही जन्मा घाले कोण,--???

. हिमगौरी कर्वे
©

ऐलोमा पैलोमा वरळीच्या देवा
माझा प्रोग्रॅम होऊ देईन तुला मेवा
माझ्या प्रोग्रॅम लागला मराठी चॅनलवर
तिकडून आला नातू त्याने बदलला सत्वर

एक चॅनल बदलू बाई
दोन चॅनल बदलू
दोन चॅनल बदलू बाई
झी चॅनल बदलू
झी चॅनल बदलू बाई
सोनी चॅनल बदलू

सार्‍या चॅनलची चाचणी
पहाल तेथे नाचगाणी
करिष्मा समता मनाली बौंद्रे
भोवती नाचती हूप हूप वानरे
आकूया वाकूया अर्धे शरीर झाकूया
करिष्मा तुझी पाच वर्षे
मनालीची सहा वर्षे
नंतर मनाही राहणार भाव
आहे तोवर खावा भाव

आत्मविश्वास जागृत ठेवूनी,
कार्य घेवूनी तडीस नेती ।
कधीही न राही अवलंबूनी,
मदतीसाठी दूजा वरती ।।

ईश्वर करीतो मदत तयांना,
मदत करी जे आपले आपण ।
आपल्यातची तो ईश्वर आहे,
असते याची जयास जाण ।।

विश्वासाने हुरूप येई,
जागृत करीती अंतर चेतना ।
लक्ष्य सारे केंद्रीत होता,
यश चमकते प्रयत्नांना ।।

डॉ. भगवान नागापूरकर
९००४०७९८५०
bknagapurkar@gmail.com

गड्यांनो, -- या लवकरी,उघडा हा दरवाजा,
लेकरु वाट पाहे खाली,
तान्हुला बाळ माझा,

संध्याकाळ होऊन गेली ,
उशीर किती झाला आता,
बाळ माझे झोळीत खाली,
फुटू लागला मलाही पान्हा,

भुकेलेला बाळ माझा,
रडत असेल तो केव्हाचा
,घरांत दुसरे कोणी नाही,
धनीही मोहिमेवर माझा,

कुणी नसते अशावेळी,
लेकराला लागतां भुका,
मायच भूक जाणे त्याची,
जीव तडफडे कसा तिचा,--!!!

राजांस वंदन करुनी,
निरोप द्याल का माझा,
असतां ताकीद तुमची,
मोडते नियम तुमचा,--!!!

पदर आपुला पसरुनी ,
भाकिते तुमची करुणा,
समजून घ्या हो काकुळती,
खरा त्यातला आर्तपणा,

करते पुन्हापुन्हा विनवणी,
आईपण माझे जाणा,
नका दाखवू नियमांचा बडगा,
तुमचीही आई आठवा,

सोडा मला तुम्ही झडकरी,
दाखवा माझ्यावरती दया,
व्हा भाऊ माझे तुम्ही,
जाणा माझी ममता, माया,

कठोर काळजाचे तुम्ही,
का मला असे रडवतां,-?
रडते माझ्यातील आई,
समजावू कसे आता तुम्हां,--!!!

का घालता अशा भिंती,
का छळता मज गरीबा,
आई आहे चिमुकल्याची,
करत नाही जिवाची पर्वा,

विनंती तुम्हा शेवटची,
थोडा दरवाजा उघडा,
बुरूज इथे दिसल्यावरती,
थांबेन कशी मी जरा,--??

बुरुजच आता माता-पिता,
टाकते उडी लेकरासाठी,
आता विनवणी भगवंता,
तोच राहील माझ्यापाठी,--!!!

हिमगौरी कर्वे.

©

तू , मी आणि वाफाळत्या चहाचा कप
तुझ्या ओठांवर हसू आणि नजर बेफिकर

बाहेर धुंवाधार पाऊस
आणि धावपळ करणारं शहर
माझं काही बोलणं
तुझं लक्ष मात्र कुठं दूरवर

सर आता जरा कमी होते
पाऊस शांत बरसत राहतो
शब्दांना शोधता शोधता
चहा निवत जातो

काही क्षण असेच रेंगाळतात
आठवणींना जपण्यासाठी
तुझ्यासाठी , माझ्यासाठी
आणि त्या वाफाळत्या चहासाठी...

---आनंद

पदार्थाचे गुण जाणता, एक गोष्ट दिसून येते,

सूक्ष्म भाग अणू असूनी, त्यांत सुप्त शक्ती असते...१,

या शक्तीची तीन रुपे, तीन टोकावर राही,

अधिक उणे नी सम, विद्युतमय प्रवाही....२,

हेच तत्त्व निसर्गाचे , तीन गुणांनी बनले,

उत्पत्ती लय स्थिती, यांनी सर्वत्र व्यापिले...३,

ब्रह्मा विष्णू महेश, प्रतिकात्मक ही रुपे

अणूरेणूच्या भागांत, समावताती स्वरूपे...४,

याच विद्युत शक्तीला, चेतना म्हणती कुणी,

अणूरेणूत लपलेली, ईश्वरमय गुणांनी...५

डॉ. भगवान नागापूरकर

संपर्क - ९००४०७९८५०

bknagapurkar@gmail.com

राम : ( दशरथाला) –
शोक आवरा अपुला, आणिक निरोप द्या आतां
करील तुमची वचनपूर्ति हा सुत मोदें, ताता ।। १

ब्रीद हेंच आपुल्या कुळाचें –
‘वचन दिलेलें पाळायाचें’
माझ्या प्रेमापोटीं कां कर्तव्याला चुकतां ? २

वचनपूर्तता तुमची व्हाया
सिद्ध असे मी वनात ज़ाया
भाग्य म्हणूनच मला लाभला तुम्हांसमान पिता ।। ३

पुत्रनीति जी आहे सक्षम
पितृसुखा ती देइ अग्रक्रम
गुरुजन, ज्ञानी, मुनी दुजोरा देती याच मता ।। ४

लोभ नसे राज्याचा मजला
पहा मुगुट हा लगेच त्यजला
राहो आनंदात त्यामुळे कैकेयी माता ।। ५

नको रडूं कौसल्या-माते
तात विनंती, पुसा नयन ते
राज्य अयोध्यानगरीचें भोगो माझा भ्राता ।। ६

द्या भरताला हें सिंहासन
वराप्रमाणें, द्या मजला वन
यत्न फोल हा थांबविण्यांचा मज जातां-जातां ।। ७

दिनरातीं मज नका आठवूं
कुणां भेटण्यां नका पाठवूं
चौदा वर्षें झाल्यानंतर येइन मीच स्वत: ।। ८

आशिष गुरुजन-आप्तेष्टांचे
चरण वंदुनी निजमातांचे
निघतो मी तात्काळ काननीं, क्षणहि न घालवितां ।। ९

ही मज वाटत नाहीं शिक्षा
सुतधर्माची आज परीक्षा
लागल्यास अर्पीन प्राण, राज्याची काय कथा !! १०

- सुभाष स. नाईक

अवेळी पाऊस पडला
लक्षण काही चांगला नाही |
पाऊस म्हणाला माझं की
तुमचं ते मला कळत नाही || १ ||

प्रदूषणाच्या मार्‍याने मी
वैतागलोय पुरता
निसर्गाला आव्हान देवून
माणूस ठाकला उभा |
निसर्ग म्हणतो थांब बेट्या
ठेवणार नाही एकही जागा || २ ||

विज्ञनाच्या उंटावरचा
तू अति शहाणा |
मडके फोडायच्याऐवजी
म्हणशील मानच कापा || ३ ||

तुझ्या लंब्याचौड्या गप्पांचा
तुला आलाय माज |
एका क्षणात उतरवेन मी
सारा तुझा साज || ४ ||

-- चंदाराणी कोंडाळकर

मनहृदयी! अव्यक्त गूढ जीवनाचे
तडजोड! जीवनात आव्हान आहे।

सत्य! केवळ मनांतरी साक्ष बिलोरी
जगणे सुखानंदी, संचिती दान आहे!

ध्यास जीवाला जगावे मनासारखे
प्रारब्धाचे, भोग भोगणे भाळी आहे।

जगणे अवघड, तारेवरची कसरत
हवे ते कां ? कधीतरी गवसले आहे।

जीवाजीवांचीच, अंतरी खंत बोचरी
क्षण! दुःख,वेदनांचे कर्मफल आहे।

जन्म! जे लाभले तेच भोगण्यासाठी
तडजोड! जीवनात आव्हान आहे।

जगणे! वास्तवी खेळ कठपुतळीचा
दोर! अनामिकाच्याच हातात आहे।

जीवन! म्हणजे वास्तवी पराधीनता
तडजोड! जीवनात आव्हान आहे।

-- वि.ग.सातपुते.(भावकवी)

9766544908

रचना:-क्र. १५६.

१८ - १२ - २०२१.

जीवनाचा प्रवाह हा भरला आहे घटनांनीं

विसरुनी जातो काहीं काहीं राहती आठवणी ।।१।।

बिजे ज्यांची खोलवर रुतुनी जाई त्या घटना

देह आणि मनावर बिंबवूनी जाई भावना ।।२।।

काळाचा असे महिमा आच्छादन टाकी त्यावरती

परि काहीं काळासाठी विसरुनी जातात स्मृति ।।३।।

प्रसंगी त्या अवचित जागृत होती आठवणी

पुनरपि यत्न होतो जाण्यासाठीं त्या विसरुनी ।।४।।

डॉ. भगवान नागापूरकर

९००४०७९८५०