धनंजय महाराज मोरेभाव दावी शुध्द देखोनियां चित्त । आपल्या अंकिता निजदासां ॥१॥
सांगे गोपाळांसी काय पुण्य होते । वाचलो जळते आगीहातीं ॥२॥
आजी आम्हां येथें वांचविलें देवे । नाही तरी जीवे न वांचतो ॥३॥
न वांचत्या गाई जळतों सकळें । पूर्वपुण्यबळे वाचविलें ॥४॥
पूर्वपुण्य होते तुमचियां गांठी । बोले जगजेठी गोपाळांसी ॥५॥
गोपाळांसी म्हणे वैकुंठनायक । भले तुम्ही एक पुण्यवंत ॥६॥
करी तुका म्हणे करवी आपण । द्यावे थोरपण सेवकांसी ॥७॥
माझी वाणी तुझे वर्णी गुण नाम | ऐसें देईं प्रेम कांहीं कळा ||धृ||
बाळक्रीडा अभंग क्र.२९
संत तुकाराम महाराज यांनी श्री भगवान श्रीकृष्ण यांचे बालपणाचे वर्णन करणारे जे अभंग आहेत, त्या अभंगाला बाळक्रीडा अभंग असे शिर्षनाम देण्यात आलेले असून त्या अभंगांना वारकरी सांप्रदायात फार मोठ्या प्रमाणात गायिल्या जात असतात. हे बाळक्रीडा अभंग ४२ असून त्या सर्व अभंगांना (माझी वाणी तुझे वर्णी गुण नाम | ऐसें देईं प्रेम काहीं कळा ||धृ||) हे गाताना एकाच धृपद लावले जाते.
