सर्वसाधरणपणे उपवास म्हटले की डोळ्यासमोर येतात ते पदार्थ म्हणजे साबुदाण्याची खिचडी, साबुदाण्याची खीर, बटाट्याचा किस वगैरे. मात्र उपवासाच्या पदार्थातही साठवणीचे अनेक पदार्थ आहेत. यातीलच एक म्हणजे साबुदाण्याची चकली. एकदा बनवून ठेवून जेव्हा हव्या तेव्हा तळून किंवा मायक्रोवेव्ह ओवनमध्ये भाजून घेतलेल्या या चकल्या बहारदारच.

महाराष्ट्रात सर्वांकडेच उपवासाच्या दिवशी साबुदाण्याची खिचडी बहुतेकवेळा केली जाते. ही खिचडी चविष्ट असते. अनेकजण तर उपवास नसतानाही साबुदाण्याची खिचडी मुद्दाम बनवून खातात. ही खिचडी बनवायच्या पद्धतीही वेगवेगळ्या आहेत. त्यातील एक पद्धत खाली दिली आहे.