कविता-गझल-चारोळी-वात्रटिका
-
हे माणसा…
नशीब नाही
म्हणून ओरडू नको
नशीब आहे
म्हणून मान उंचावू नको
पैसा नाही
म्हणून रडू नको
पैसा आहे
म्हणून जास्त खर्च करू नको
घरदार नाही
म्हणून भिक्षा मागू नको
घरदार आहे
म्हणून भटकू नको
दुःख आले आहे
म्हणून खचू नको
सुख आले आहे
म्हणून जास्त उडू नको
हे माणसा.....!
काही गोष्टी मिळतात
काही गोष्टी मिळत नाहीत
पण तू त्या गोष्टींची जास्त हाव ठेवू नको
- कौस्तुभ प्रभु
October 7, 2020
-
चुकीचे तर्क
मोठ-मोठ्याने आरडत ओरडत, स्वत:शीच बोलत होता
विचार जरी गतिमान होते, विषय तोच तो घोळत होता.....१,
तऱ्हेवाईक बघूनी वागणे, खुळा त्याला समजत होते
वेडेपणाचा प्रकार समजूनी, दुर्लक्ष्य त्याजकडे करीत होते...२,
वृक्षाखाली बसूनी एकटा, डोळे मिटूनी शांत दिसला
त्याच विषयाचा विचार मनी, चक्र गतीने घोळू लागला...३,
बाह्यांगाची बघूनी शांतता, ज्ञानी त्यास समजू लागले
मतप्रदर्शनी तर्क आधार, चुकीचे घेणारे ते ठरले...४
डॉ. भगवान नागापूरकर
९००४०७९८५०
October 4, 2020
-
दिवस तुझाही
मी पिकलेला म्हातारा अन् तू रे तरुण हिरवा
July 12, 2026
-
जीवन…..एक हुरहूर.
जीवन झेप कुठे घेईल,
याची मला हुरहूर आहे......
चार पैशाच्या कर्जापायी,
गाव रान्हं सोडलं आहे.....
गावात शेत छान माझ्या,
पण पैशाची कमी आहे.....
चार पैशाच्या कर्जानं ,
जीवन ओझं झालं आहे.....
स्वार्थाच्या मोही जगात,
सर्वच मला अनोळखी आहे.....
मी फक्त - स्तब्ध,
जग पुढं चाललं आहे.....
पैशाच्या आतुरतेचा,
माणूस गुलाम बनला आहे.....
गरीबाच्या शब्दांना - - जगात..,
मोल फार कमी आहे .....
म्हणूनच.. - - जीवन कुठे झेप घेईल,
याचीच मला हुरहूर आहे.... .
-- गजानन साताप्पा मोहिते
December 27, 2018
-
मनाला कुठे समजतं
मनाला कुठे समजतं,
तू जवळ आहेस की लांब,
तुझ्या आठवणींच्या सरी बरसल्या की,
भावनांना मिळतो नवा रंग.तुझं नाव ओठांवर आलं की,
हृदय अलगद हसतं,
तुझ्या प्रत्येक स्मिताच्या आठवणीने,
मन पुन्हा प्रेमात हरवतं.अंतर कितीही असो आपल्या मध्ये,
नातं मात्र कधी तुटत नाही,
तुझी हलकीशी चाहूल जरी लागली,
मन रोमँटिक झाल्याशिवाय राहत नाही.तू नसतानाही तूच असतेस,
माझ्या प्रत्येक श्वासात,
म्हणूनच तुझी आठवण आली की,
प्रेम फुलतं नकळत मनात.तुझ्या आठवणींच्या त्या गोड सावलीत,
मन रोज स्वतःला विसरतं,
आणि तुझ्या प्रेमाच्या स्पर्शाने,
माझं जग पुन्हा नव्याने बहरतं.•ॲड.कीर्तिराज शैलेंद्र आगलावे, पुणे ✨
मो:- 9011841212 June 27, 2026
-
शेवट असावा असा..
शेवट असावा असा. नुकताच दारात .
कवडसा आलेला जसा.
झरकन नाहिसा होतो तसा...शेवट असावा असा पहाटे गवतावरचा दवबिंदू असतो जसा.
एका क्षणात नाहिसा होतो तसा..शेवट असावा असा. आळवावरचा थेंब
असतो अगदी जसा.
मोती मोती म्हणेपर्यंत घरंगळून जातो तसा.शेवट असावा असा. पावसाच्या रेशिम.
धाग्यासारखा. ओंजळीत न येताच
वाहून जातो तसा..शेवट असावा असा. प्राजक्ता सारखा.
आपल्या नकळत टपकन.
पडून जातो तसा....–सौ. कुमुद ढवळेकर.
August 24, 2022
-
कल्लोळ
जगी भेटली माणसे
अनभिज्ञ ती सारी...जोडली नाती
निराशाच पदरी...नव्हता जिव्हाळा
भावशून्य सारी...नाही कुणी कुणाचे
छळे सत्य जिव्हारी...जखमांचे झिरपणे
नि:शब्द वाहते अंतरी...असले कसले जगणे
प्रीत उदास हृदयांतरी...हा कल्लोळ असह्य
भावनांचे रुदन भीतरी...रचना क्र ७०
१०/७/२०२३
वि.ग.सातपुते. (भावकवी)
9766544908
July 19, 2023
-
किमया
आम्ही बनवली आमुच्यासाठी
चमचमणारी ही दुनिया
तारे खुडूनी जणू आणिले
नव्या युगाची ही किमया June 15, 2026
-
मयुरा तूं आहेस गुरु
मयुरा तूं आहेस गुरु, तुला आम्हीं वंदन करु ।।धृ।।
नदी कांठच्या वनीं
थुई थुई नाचूनी
पिसारा फुलवुनी
तुझे पाहूनी नृत्य, नाचाचे ताल धरु ।।१।।
मयुरा तूं आहेस गुरु तुला आम्हीं वंदन करु
मोरपिसे सुंदर
रंग बहारदार
दिसे चमकदार
बघुनी रंगाची विविधता, कुंचल्यांनी सप्तरंगी छटा भरुं ।।२।।
मयुरा तूं आहेस गुरु तुला आम्हीं वंदन करु
रुप डौलदार
चाल ऐटदार
भासे रुबाबदार
बघुनी तुझा आनंद, सुखी जीवनाची कला अंगीकारुं ।।३।।
मयुरा तूं आहेस गुरु तुला आम्हीं वंदन करु
-- डॉ. भगवान नागापूरकर
९००४०७९८५०
May 25, 2019
-
मन फुलारू
घन आषाढी, गगन सावळे
मीलना आसुसलेली वसुंधरा
चिंबचिंबला पाऊस ओला
स्मृतींच्या झरझरती जलधारा...।।हिरवळलेली सुंदरा अनुपम
माहोल लोचना दीपविणारा
धुंद क्षण क्षण, मन फुलारू
ऋतुवर्षाचा, सोहळा न्यारा...।।जीवा जीवाला झुलविणारा
बेधुंद मृदगंधला अवीट वारा
प्रीतभावनांचा स्पर्श अनावर
अधिर, प्रीतासक्ती गंधणारा...।।शब्दाशब्दातुनी ओढ लाघवी
अंतरात झुळझुळतो प्रीतझरा
घन आषाढी, गगन सावळे
मीलना आसुसलेली वसुंधरा...।।रचना क्र. ६३
३०/६/२०२३
-वि.ग.सातपुते. (भावकवी)9766544908
July 17, 2023
Copyright © 2025 | Marathisrushti