दिलास जन्म मानवी
देवा! काय याचू मी
कृपाळू, तूची दाता
तुलाच काय मागू मी...।।

दिलेस, तू सारे काही
तृप्त, तृप्त कृतार्थ मी
सर्वार्थी तुझ्यात रमता
सांगनां काय मागू मी...।।

अनंता! तूच कृपाळू
तव छायेत नित्य मी
नांदतोस मनहृदयी
देवा! काय मागू मी...।।

तव अदृश्य परिस्पर्शी
सुखावतो अंर्तआत्मा
अमृतयोग अमरत्वाचा
चिरंजीव हा जीवात्मा..।।

– वि.ग.सातपुते. (भावकवी)

9766544908

रचना क्र. २२२

१/९ /२०२२

सकाळच्या या प्रसन्न प्रहरी
सूर्यकिरण पसरले अंबरी ।।

हवाच मजला तोच चंद्रमा

तेच नभी चांदणें

गतकाळाच्या आठवणी शिकवती आनंदातील जगणें ।।धृ।।

आजीसंगे गच्चीवरती

फुलराण्यांच्या कथा ऐकती

बसुनी सारे एक वर्तुळी, टाळ्या पिटूनी गाती गाणें ।।१।।

गतकाळाच्या आठवणी शिकवती, आनंदातील जगणें

फुलले होते यौवन सारे

अंगी झोंबे शितल वारे

पुनव चांदणे धुंदी आणी, बघूनी तारांगणे ।।२।।

गतकाळाच्या आठवणी शिकवती, आनंदातील जगणें

सगे सोयरे मित्रमंडळी

परसदारी तुळशीजवळी

गप्पा टप्पा विनोंद बौधिके, रात्र घालवी करुनी भजने ।।३।।

गतकाळाच्या आठवणी शिकवती, आनंदातील जगणें

डॉ. भगवान नागापूरकर

९००४०७९८५०

bknagapurkar@gmail.com

निरागस भावनांची गीतांजली
निर्मली, भावफुलांची रंगोली

दीपज्योत! अंतरी संवेदनांची
निक्षुनी! सुरेल सत्य गुंफलेली

सात्विक, प्रीतभाव मनसागरी
अलवार प्रसवती शब्द ओंजळी

राशी! सुखदुःखांच्याच ललाटी
झरझरते भावगंगा ओथंबलेली

झाले मुक्तमोकळे, अव्यक्त मन
शब्दफुले! कवितेतूनी गुंफलेली

काव्यप्रतिभा! वरदान दयाघनी
प्रतिभा! जणु प्रांगणी मंतरलेली

-- वि.ग.सातपुते.(भावकवी)

9766544908

रचना क्र. ३४.

३ - २ - २०२२.

विश्वसनीय असे बघणे प्रेक्षकाला आवडते. जादुई कला मनोरंजक होण्यामागे हे एक कारण आहे. जादूगार,मुलांना प्रचंड आवडतो. कारण,तो मुलांना फसवतो.त्यांची फजिती करताना त्यांना हसावतो.आणि हसवता हसवता त्यांना जादुई खेळात सहज सामील करून घेतो. Birthday पार्टीत म्हणूनच जादूगारांना प्रचंड मागणी असते. मुले जादूगार भोवती लोह चुंबकाप्रमाणे गोळा होतात. त्याच्या जादूच्या प्रयोगात,जादुई खेळात, आनंदाने सामील होतात.

चादण्या रात्री आम्ही भुलाबाई जागवल्या जागवल्या

सासू म्हणते सुने सुने तो पाटल्यांचा जोड काय केला काय केला

हरवला हरवला, तुमच काय जाते माझ्या बाबाने घडवला घडवला

चादण्या रात्री आम्ही भुलाबाई जागवल्या जागवल्या

तुझ्यासाठी काही ही
करणार नाही मी
माझ्या विचारांशी तडजोड
तुझ्यासाठी करणार नाही मी

तुझ्यासाठी काही ही
करणार नाही मी
तुझ्यासाठी माझा जीव
कधीच देणार नाही मी

तुझ्यासाठी काही ही
करणार नाही मी
तुझ्यासाठी माझ्या नात्यांचा
बळी देणार नाही मी

तुझ्यासाठी काही ही
करणार नाही मी
पण तुझ्या प्रेमाला कधीच
नकार देणार नाही मी

तुझ्यासाठी काही ही
करणार नाही मी
तुझ्या अस्तित्वाला धक्का कधीच
लागून देणार नाही मी

तुझ्यासाठी काही ही
करणार नाही मी
तुझ्याशिवाय जगात एकटा या
कधी जगणार नाही मी

©कवी - निलेश बामणे

आपणच आपला आरसा झालो
की आयुष्य सोपं होतं,
परक्यांच्या नजरेत आपलं
प्रतिबिंब शोधणं थांबतं.

चुकांची कबुली देताना
लाज वाटेनाशी होते,
स्वतःशी प्रामाणिक राहिलं
की वाट आपोआप सापडते.

नकळत घातलेले मुखवटे
हळूहळू गळून पडतात,
खऱ्या चेहऱ्याशी ओळख झाली
की भीतीही दूर जाते.

स्वतःकडे पाहण्याचं धाडस
जेव्हा मनात येतं,
तेव्हाच कळतं,
आपणच आपला आरसा झालं
की आयुष्य खरंच सोपं होतं.

•ॲड.कीर्तिराज शैलेंद्र आगलावे, पुणे

उडून गेली दूर दूर तू

झेप घेउनी आकाशी

बघू लागलो चकीत होऊनी

पंखामधली भरारी कशी

नाजूक नाजूक पंखाना

आधार होता मायेचा

चिमुकल्या त्या हालचालींना

पायबंध तो भीतीचा

क्षणात आले बळ कोठून

विसरुनी गेलीस घरटे आपुले

बंधन तोडीत प्रेमाचे

आकाशासी कवटाळले

कधीतरी उडणे, आज उडाली

बघण्या साऱ्या जगताला

किलबिल करून वळून पहा

दाणे भरविल्या चोंचीला

डॉ. भगवान नागापूरकर

९००४०७९८५०

शांत झोप झाल्याने मेंदू ताजा-तवाना राहतो. नियमित कामात मन चांगले लागते. कामावर लक्ष्य केंद्रीत होते. कामं चांगले होतात. म्हणून झोपेची काळजी घेणे आवश्यक आहे. झोप चांगली लागावी म्हणून काही व्यायाम, औषधे सुचवली जातात. झोपेमुळे शरीराचे कार्य चांगल्या पद्धतीने होण्यास मदत होते. त्यामुळे प्रत्येक व्यक्तीने ६ ते ९ तास झोपणे आवश्यक असल्याचे अनेक मानसोपचारतज्ज्ञ डॉक्टर सांगतात. स्लीप हायजिन’ पाळणे आवश्यक असल्याचे म्हटले आहे.