पूजा पाठ करीत असतां पूजा गेलो विसरुनी
प्रभुचरणी ध्यान लागतां भान गेले हरपूनी

पूजेमधल्या विधीमध्यें बहूत तास घालविले
मनी घेऊनी आनंदे पूजा कर्म केले

पूजेमधली सर्व कृतिं कटाक्षाने पाळली
नेटकेपणासाठी योग्य साधने जमविली

वर्षामागून वर्षे गेली पूजाअर्चा करुनी
खंत मनी राहून गेली झालो नसे समाधानी

मूर्ती समोर बसूनी एक चित्त झालो
ध्यान अचानक लागूनी स्वतःसी विसरलो

आनंदाचा मार्ग मिळाला देई खरे समाधान
पूजा विधीतील भावाला असे महत्वाचे स्थान

डॉ. भगवान नागापूरकर
संपर्क - ९००४०७९८५०
bknagapurkar@gmail.com

कळतंच नाही आजकाल काय झालोय आपण, कसे झालोय आपण !! तेच तेच रहाटगाडगं ढकलत “रटाळ” झालोय आपण !!

मूल्य नाही कुणा,
तूं दिल्या वेळेचे,
गमावून टाकी,
जाणूनी फुकाचे ।।१।।

लागत नसते,
दाम वेळेसाठीं,
म्हणून दवडे,
अकारणा पोटीं ।।२।।

वस्तूचे मूल्य ते,
पैशांनीच ठरते,
परी वेळेची किंमत,
कुणा न समजते ।।३।।

वेडे आहोत सारे,
कसे होई मूल्य
वेळ जातां मग,
आयुष्य जाईल ।।४।।

आयुष्य खर्चणे,
हेच वेळेचे मुल्य ठरते,
जीवनांतील यश,
त्यावरुन कळते ।।५।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

सीतेकरता व्याकुळ झाला
अवतारी चक्रपाणी
अजब ही रामप्रभू कहानी ।।धृ।।

पत्नीहट्ट हा त्याला सांगे
कांचनमृग शोभेल अंगे
मृगयेच्या तो गेला मागे
प्रसंग घेई रावण साधूनी ।।१।।
अजब ही रामप्रभू कहानी

रावण नेई पळवूनी सीता
दिसेन रामा कोठे आता
तरुवेलींना पुसत होता
वाहत होते अश्रु नयनीं ।।२।।
अजब ही रामप्रभू कहानी

बाणी ज्याच्या शक्ती शिवाची
ह्रदयामाजी दया सागराची
त्यालाही दिसे नियती खेची
सामान्यतेच्या मापी तोलूनी ।।३।।
अजब ही रामप्रभू कहानी

डॉ. भगवान नागापूरकर
९००४०७९८५०
e-mail- bknagapurkar@gmail.com

विवीध-अंगी
१***
Path of Knowledge- ज्ञान मार्ग अर्थात ह्या मिथ्या, सत्य नसलेल्या जगाला ओळखण्याचा प्रयत्न करणे. त्याच वेळी स्ववर ' मी कोण ' ह्याचा शोध घेण्यासाठी लक्ष केंद्रित करणे, मनामधले विचार नष्ट करुन निर्माण होणाऱ्या शांततेची जाणीव ठेवणे हे असेल. ह्यालाच Objectless Awareness म्हणता येईल. अर्थात ध्येय रहीत जाणीव

-- डॉ. भगवान केशवराव नागापूरकर

प्रवास! जन्म मृत्यूचा
कर्माचाच दृष्टांत जसा
श्वास केवळ पराधीन
क्षणीक बुडबुडा जसा।

स्वामी! सत्ताधारी एक
ब्रह्माण्ड मुठीत त्याच्या
सृष्टीसवेची पंचमहाभूते
त्याचा आविष्कार जसा।

भाग्यवंती जन्म मानवी
भोगणे, प्रारब्ध संचिती
कृपाळू! तोच दयाघनी
जगवितो अलवार जसा।

प्रहर! सारे साक्ष त्याची
नक्षत्र,ग्रहगोल,तारे सारे
रूप त्याच अनामीकाचे
उभा लोचनी तोच जसा।

-- वि.ग.सातपुते. (भावकवी)

9766544908

रचना क्र. ५१.

१८ - २ - २०२२.

शामल शामल संध्याकाळी,
पुन्हा सगळे गुंतवीत धागे,
प्रीत जडे कशी अनुरागी,
जसे घडले तेव्हा मागे, --!!!

एकमेका अनुरक्त होता,
जीव थोडाथोडा होई,
प्रीत जुळता रेशमी ती,
परत एकदा भेटू दोघे,--!!!

पापण्यांची थरथर अगदी,
तारुण्य किती अलवार, सावल्यांच्या साक्षीने तो,
मिलाफही सुकुमार, --!!!

हात गुंफता हातामध्ये,
मजेची ती सफर करू,
प्रेम प्रीती कोमलांगी,
हळूच कशी उरी धरू,--!!!

कानाशी बोल रूणझुणे,
परस्परा गुपित सांगत,
अस्तित्व तेथील तळ्याचे,
वाटे धीरगंभीर - प्रशांत,--!!!

सूर्य बुडतां बुडतां ,
प्रेमधून वारा वाजवी,
साक्षीने वृक्षांच्या त्या,
देवघेव आणाभाकांची,-!

हळुवार स्पर्श होता तुझा,
रोमांच उठले अंगावरी,
मग तू जवळी घेता,
धकधक उगी वाढे उरी,--!!!

मोहाचे क्षण कितीक,
येती सारखे सारखे,
असुनी कोवळ्या वयातही
स्वर्गसुख तेच भासे ,--!!!

ओढ तुझी जीवघेणी,
अंधारल्या त्या प्रकाशी,
खेळ सुरु होई तेव्हा,
चांदण्यांचा वर अवकाशी,--!!!

चंद्रमा किती द्वाड तो,
मेघात लपे सारखा,
चांदणी होई कासावीस,
बघूनच हाले नेमका, --!!!

आभाळीच्या चंद्राला,
पाहून तू म्हणशी,
आणखी एक चंद्र,
आज आहे मजपाशी,--!!!

आज आठवू ती संध्या,
पुन्हा सगळे गुंतवून धागे,
प्रीत जडेल पुन्हा अनुरागी,
जसे घडले नव्हते मागे,--!!!

हिमगौरी कर्वे.©

इंद्रायणी चंद्रभागेसोबत एक दिवस

आषाढी वारीला आली

भक्तीमध्ये तल्लीन होत

विठ्ठल दर्शनाला गेली

विठ्ठल दर्शनासाठी सोबत

रांगेत उभा राहिली

चंद्रभागा सोबतीला

विठ्ठल नामी दंग झाली

तेवढ्यात अचानक समोरून एक

विठ्ठल भक्त आला

दोघींकडे बघत तो

अचंबित झाला .....

अशा कशा ग तुम्ही इथं

अस्वच्छ होऊन आल्या

ट्रकभर निर्माल्य घेऊन

इथं उभ्या राहिल्या

चंद्रभागा इंद्रायणीकडे बघत

हसत हसत म्हणाली

तुझ्या विठ्ठलासाठीच मी हे

निर्माल्य घेऊन आली

जशा आम्ही उभ्या आहोत

तशाच स्वीकारा आम्हाला

तुमच्यामुळेच आमची ही

अवस्था झाली आहे बघा

चालता चालता रांगेत इंद्रायणी

वारकऱ्यांशी बोलू लागली

तुमच्या निर्माल्यांमुळेच आमची

अशी अवस्था झाली ....

बोलत बोलत विठ्ठलाच्या

पायापाशी गेली

साकडे घालतो विठ्ठला तुला

चंद्रभागा बोलली .....

तुझ्याच वारकऱ्यांनी आमची

अशी अवस्था केली ....

गलिच्छगात्र होऊन मी

तुझ्या दर्शनाला आली

कामरेवरचा हात काढून

विठ्ठल तिला बोलला

तुमच्या स्वच्छतेची जबाबदारी

मी प्रशासनाला दीली .......

वारकरी माझा भोळा भाबडा

काय करील सांग ....

सोई सुविधेला मुकलाय तो

मग कसा राहील सांग ...

वरुणराजाला साकडं घालून

करतो तुम्हाला स्वच्छ

होऊ दे वारी वारकऱ्यांची

मग देतो तुमच्याकडे लक्ष

उमेश तोडकर ......

देहमनाचा आनंद औरची, नसे तयाला दुजी कल्पना ।

जीवनामधले मिळता सारे, उरे न तेथे कसली तुलना ।। १

आनंदाचा घट भरूनी हा, तन मन देयी पिण्यासाठी ।

आनंदाला नसे सीमा मग, अनेक घट अन् अनेक पाठी ।। २

एक घटातूनी आनंद मिळता, दुजे घट हे जाती विसरूनी ।

अनेक घटांतील आनंद हा, लूटाल कसा तृप्त होवूनी ।। ३

दुजामध्ये समरस होवूनी, लुटूनी घ्या तुम्ही आनंद सारा ।

‘मी’ ‘तू’ ह्यांच्या पलीकडला तो, आनंद घटाचा भव्य पसारा ।। ४

-- डॉ. भगवान नागापूरकर
९००४०७९८५०

प्रदीप निफाडकरांची गझल

सतत फिरत राहते चक्र निसर्गाचे
उत्पत्ति स्थीति लय ह्या कालकृमणाचे ।।धृ।।

एक एक पाकळी
लहानशी कळी
जाई उमलून
फूल त्याचे बनून
सुगंधी टपोरे फूल
कांही वेळ राहील
कोमेजून जाई
देऊनी रुप बीजाचे
परत अंकूरण होई
दुजा एका झाडाचे ।।१।।
सतत फिरत राहते चक्र निसर्गाचे

एक एक पाऊल
टाकते मुल
वाढते हसून
बनते यौवन
एटदार तो दहधारी
कांही काळाची उभारी
देह होई विलीन
पेटवूनी दिवे वंशाचे
होई अवतरण
नव्या एका मानवाचे ।।२।।
सतत फिरत राहते चक्र निसर्गाचे

डॉ. भगवान नागापूरकर
९००४०७९८५०
bknagapurkar@gmail.com