व्यथा वार्धक्याची

नको नको ते लाजिरवाणे जगणे आता आम्हाला

अर्थही नसतो असल्या भेकड दुबळ्या जीवनाला

दुखणे खुपणे चालू असते त्याची कटकट सगळ्यांना

असुनी अडचण सदा वाटते घरच्या सर्वही लोकांना

गरजे पुरते जवळी येतील ठाऊक आहे आम्हाला

प्रेमाचा तिथ शब्दही नसतो वा मायेचा ओलावा

आम्ही भुकेले प्रेमासाठी नातवंडे ती भूक पुरविती

अंधारातील प्रकाश तारे उजळविति जीवन गगनाला

अनिल आपटे

कारकिर्दीबद्दलच्या महत्त्वाकांक्षेमुळे बरेचदा स्त्रिया कौटुंबिक सुखाशी तडजोड करतात. गर्भावस्था आणि बाळंतपण यासाठी आता मोठ्या शहरांमधील उच्चपदस्थ महिलांकडे वेळ राहिलेला नाही. त्यामुळे आजकाल बरीच जोडपी बाळाला जन्म न देण्याचा निर्णय घेतात. नवी जबाबदारी अंगावर घेऊन कारकिर्दीशी तडजोड करणे त्यांना मान्य नसते. जोडीदाराबरोबर स्वतंत्र आयुष्य जगण्याकडे त्यांचा कल असतो.

अलीकडे विविध पदार्थांमध्ये भेसळीचे प्रकार वाढीस लागले आहेत. ऐन दिवाळीत दूध आणि खव्यातील मोठ्या प्रमाणावरील भेसळ उघड झाल्याने खळबळ माजली होती. त्यामुळे भेसळ करणार्‍यांविरूद्ध कठोर कारवाई व्हावी या मागणीने जोर धरला. वास्तविक अशा कारवाईसाठी भेसळयुक्त पदार्थाच्या तपासणीचा अहवाल महत्त्वाचा ठरतो. असे असताना राज्यातील 11 अन्न तपासणी प्रयोगशाळा रिक्त पदे न भरल्याने बंद असल्याचे उघड झाले आहे.