Login Here Join Now

C-राजेश जगताप

Sort By:

This articles are displayed in the order of publishing date
This articles are displayed in the order of modification date
The Articles are displayed in the order of publishing date. Oldest first.
The Articles are displayed in ascending order of title
The Articles are displayed in descending order of title
पोर्टलवरील नव्यांसोबत जुने लेखही वाचकांना दिसावेत यासाठी खालील यादी Random पद्धतीने आहे. विशिष्ट क्रमामध्ये यादी हवी असल्यास वरीलपैकी Radio Button क्लिक करा.
  • बापाचं मन

    एक बाबा थकलेला कमरेमध्ये वाकलेला
    हातात काठी तुटका चष्मा उदासवाणा बसलेला
    अंगावर सुरकुत्या चुरगळलेल्या स्वप्नांच्या
    फाटकं धोतर फाटका सदरा अनवाणी चाललेला..!

    कधीकाळचा सूर्य आज निस्तेज झाला आहे
    करपलेल्या मनाचा एक कोपरा ओला आहे
    डोळ्यांवर हात ठेवून वाट अजून पाहतो आहे
    येईल कधीतरी लेक माझा शहरात राहतो आहे..!

    वाट पाहून वाटा सरल्या नवी वाट दिसत नाही
    काळोखात रडतो चंद्र, सूर्य कधीही हसत नाही
    जगरहाटी चालू आहे वेळ कुणाला मिळत नाही
    रोज मरणा-या बापाचं मन कधीच कुणाला कळत नाही...!!

    राजेश जगताप
    मुंबई..
    ९८२१४३५१२९

      April 2, 2023


  • ओझं

    जड झाला जीव आता
    ओझं सोसवत नाही...
    भोग भोगायचे किती आता
    देवादारी बसवत नाही...!

    जन्म वाया गेला राबण्यात
    नाही गाव दुसरं पाहिलं..
    भरल्या गोकूळ घराचं
    सपान मनात राहिलं..!

    वाट एकटा चालला
    तिला जोडीला घेतलं..
    एक नातं विश्वासाचं
    त्याच्या जिवावर बेतलं...!!

    .... राजेश जगताप, मुंबई
    ९८२१४३५१२९.

      April 1, 2023


  • नातं

    काय होतं कुणास ठाऊक देवासंग नातं
    अनवाणी चालत कुत्रं वारीला गेलं होतं
    पाऊसपाण्यात जरी भिजलं होतं अंग
    विठ्ठलाच्या गजरात तरी झालं होतं दंगं...!

    चंद्रभागेच्या पाण्यात अंग ओलं केलं
    मनात घेऊन वेडा भाव पायरीशी गेलं
    दारामागच्या देवाला भेटणार तरी कसं
    माणसांपुढे बिचा-याचं झालं होतं हासं.!

    माणसाचा देव माणसांसाठी असतो
    ज्याच्या खिशात पैसा त्यालाच तो दिसतो
    पायरीवर बसून शेपूट हालवू लागलं
    देवाला भेटण्यासाठी रातभर जागलं..!

    निराश होऊन सकाळी मागे फिरलं
    रस्त्यावरचं भटकं म्हणून त्याला धरलं
    गाडीत घालून त्याला कुठेतरी नेलं
    पाप्यांच्या दुनियेत जिवानिशी गेलं...!!

    .... राजेश जगताप, मुंबई
    ९८२१४३५१२९

      March 13, 2023


  • माझा प्रेमविवाह

    तिचं मा़झं प्रेमप्रकरण जेव्हा
    तिच्या घरी माहित पडलं
    बोलणं भेटणं बंद करून तिनं
    मला एक पत्र धाडलं..!!
    दारात उभा राहून तिच्या मी
    म्हणालो तिला चल राणी येशील का
    आठ दिवसांची मुदत मिळालीय
    खरंच सांग मला नेशील का...!!
    एका विवाहमंडळात डायरीतली
    तारीख पाहून मुहुर्त ठरला..
    नातेवाईक दोघांचेही नव्हते म्हणून
    मामाचा मळवट भटजीनेच भरला..!!
    हळद नव्हती मेंदी नव्हती
    पाचशेचा शालू शंभराचा चूडा..
    जून्या ड्रेसवर मी मुंडावळ्या बांधून
    तिथेच उरकला साखरपुडा...!!
    दोन चार मित्र मैत्रिणी तिच्या
    दोन-चार माझ्याही होत्या..
    वरात अशी जंगी निघाली..
    करवल्या मात्र कुठेच नव्हत्या...!!
    थम्पस्अप आणि वेफर्सची
    पंगत शेवटी बसली होती..
    पेढ्याचा घास घेऊन डोळे पुसता पुसता
    ती माझ्यासाठी हसली होती...!!

    ..... राजेश जगताप..

    मुंबई ९८२१४३५१२९

      February 19, 2023


  • बापाची जागा

    अरे माझी माय .. माझी माय ..
    म्हणून सगळेच बोंबलतात
    बाप तुमचा मेलाय काय...?
    आईनं जन्म दिला आईनं वाढवलं
    बापाचं योगदान काहीच नाही काय ?

    रडत होती पण लढत होती
    बरंच सोसावं लागलंय तिला
    बापाचा हात पाठीवर होता
    म्हणून लढली कधी तरी विचारा तिला.!

    आईच्या डोळ्यातलं पाणी आणि
    दाटलेले हुंदके सगळ्यांना दिसतात
    अरे दिसले नाही कधी कुणाला पण
    बापाच्याही डोळ्यात अश्रू असतात..!!

    आजची लेक उद्या बहीण प्रेयसी
    पत्नी आणि आई होणारच आहे
    तु सुध्दा मुलगा आहेस उद्या भाऊ
    प्रियकर पती आणि बाप होणारच आहे.
    जिवनाच्या जत्रेला जायला जी वाट
    काल होती तीच उद्या असणार आहे
    निष्ठूरपणे अडगळीत टाकलेल्या बापाच्या जागी
    तु ही उद्या बसणार आहे..!!

    -- राजेश जगताप

      January 30, 2023


  • सावज (कथा)

    सोसायटीच्या वॉचमननं झोपेनं तारवटलेले डोळे अर्धवट उघडून एक कडक सॅल्युट ठोकला.. सिक्युरिटी कॅबिनच्या दाराजवळ अंगाचं मुटकुळं करून पडलेलं कुत्रं उठलं .. शेपूट हालवित त्यांच्याकडे आशाळभूतपणे पाहू लागलं.. मराठेंनी खिशातून एक बिस्कीटचा पुडा काढला.. त्यातील काही बिस्कीटं.. त्याच्यासमोर धरली.. त्यानं पुढील पाय किंचीत उंचावून ती तोंडात धरली.. एका बाजूला ठेवून खाऊ लागलं.. उरलेल्या बिस्कीटांचा पुडा त्याच्या जवळ ठेवून म्हणाले..

      January 26, 2023


  • देवाची करणी

    ... देवाची करणी...
    नारळात भरलं पाणी
    तुझीच रे करणी
    आभाळाला नाव तुझं देवा..
    तुझीच रे धरणी..!!

    दिवे लाखो चांदण्याचे
    चंद्र तुझा लामणदिवा
    उजेडाच्या दुलईवर
    खेळ खेळतसे हवा..
    चुलीतली आग भरी पोट
    कशी नेतोस रे तरी सरणी..!!

    जग पाखरांचे वेडे
    फुलपाखरू कोषातून घडे..
    पाण्यातल्या माशांना देतो
    पोहण्याचे कोण धडे..
    जोंधळ्याचे भरले गोंडे..
    उसात कशी साखरेची केली पेरणी..!!

    -- राजेश जगताप

      January 25, 2023


  • कॉन्ट्रॅक्ट (कथा)

    सरकारचा आदेश निघाला.. देशाच्या पंतपरधानानं सवता टीव्ही वर येऊन १८ तारखीपासून पुढं दोन आठवडे कोणी बी कामाबिगर घराबाहेर निघायचं न्हाई.. घोळका करून उभं राहायचं न्हाई..घोळक्यानं कुठं जायचं न्हाई का यायचं न्हाई.. बाहीर जाताना तोंडावर कापडाची पट्टी म्हणजी मास्क का काय ते बांधूनच जायाचं.. आसं सांगितलं..

      January 25, 2023


  • आनंदी

    आये…वासुदेव आलाय गं…म्हणंत पळत पळत आंगणात गेलो.बाहेर झुंजूमुंजू झालं व्हतं.. आंगणातल्या नींबाच्या झाडावर चिमण्यांचा चिवचिवाट चालू व्हता..

      January 15, 2023