Login Here Join Now

C-दत्तात्रय कोंडो घाटे

Sort By:

This articles are displayed in the order of publishing date
This articles are displayed in the order of modification date
The Articles are displayed in the order of publishing date. Oldest first.
The Articles are displayed in ascending order of title
The Articles are displayed in descending order of title
पोर्टलवरील नव्यांसोबत जुने लेखही वाचकांना दिसावेत यासाठी खालील यादी Random पद्धतीने आहे. विशिष्ट क्रमामध्ये यादी हवी असल्यास वरीलपैकी Radio Button क्लिक करा.
  • प्रभात

    प्रभात झाली रवि उदेला ऊठ उशिर झाला;
    प्रेमळ भावे सरळ मनाने वंदि जगत्पाला ।॥१।।

    दहिवर पडले मौक्तिकवृष्टी जणु भूवर झाली;
    प्रेमरंगरंगित ही स्मितमुखि पूर्व दिशा खुलली ।।२।।

    मंदमंद मधुगंधि समीरण येती भेटाया;
    आलिगुनि सांगती 'काळ हा दवडु नको वाया' ।।३।।

    हास्यवदन ही सुमनमंडळी उठुनि उष:काली;
    दहिवरतोये जणु का प्रात:स्नान करित बसली ।।४ ।।

    प्रसन्नवदना वनलक्ष्मी ही सूचिर्भूत दिसते;
    नानाविध नवपल्लव वाहुनि देवपुजा करिते ।।५।।

    तरुवर उठले, प्रफुल्ल झाले, आनंदे डुलती;
    तन्मय होउनि मानसपूजा जणु का हे करिती ।।६।।

    विहंग उठले गाउ लागले तरुवरि केव्हाचे;
    मंजुळ वाणी ऐक, जणू हे गायक स्वर्गीचे ।।७।।

    गगनविहारी खग वैतालिक वायूवरि बसुनी;
    प्रभुगुण गाती उंच अंबरी तल्लिन होउनी ।।८।।

    खळखळ वाहत लगबग येती तटिनी गिरिवरुनी;
    देवदर्शना जणू चालल्या भाविक या तरुणी ।।९।।

    तरुवसनावृत तुंग पुरातन पर्वत हे दिसती
    वबल्कलधारी, आद्यक्र्षी जणु
    ध्यान धरुनि बसती ।॥१०॥।

    जिकडे तिकडे मंगलमय हे भूमंडल दिसते;
    ऊठ मानवा ! आळवि प्रभुला
    जाइ शरण त्याते ।।११।।

      June 22, 2026