Login Here Join Now

C-गोपीनाथ

Sort By:

This articles are displayed in the order of publishing date
This articles are displayed in the order of modification date
The Articles are displayed in the order of publishing date. Oldest first.
The Articles are displayed in ascending order of title
The Articles are displayed in descending order of title
पोर्टलवरील नव्यांसोबत जुने लेखही वाचकांना दिसावेत यासाठी खालील यादी Random पद्धतीने आहे. विशिष्ट क्रमामध्ये यादी हवी असल्यास वरीलपैकी Radio Button क्लिक करा.
  • रानपाखरा

    रानपाखरा, रोज सकाळीं येसी माझ्या घरा
    गाणे गाउन मला उठविसी मित्र जिवाचा खरा.
    शरीर निळसर, शोभे झालर ठिपक्यांची त्यावरी
    सतेज डोळे चमचम करती जणु रत्ने गोजिरी. ॥१॥

    पाय चिमुकले, पंख चिमुकले, देह तुझा सानुला,
    अफाट आभाळातुन कैसे उडता येते तुला ?
    रात्र संपता डोंगर चढुनी वर येतो भास्कर
    तूही त्याच्या संगें येसी गात गात सुस्वर ।।२।।

    वाट चालुनी संध्याकाळी रवि सोडी अंबरा
    आणि तूहि मग पंख उभारुन जासी अपुल्या घरा
    सूर्यासंगे जासी येसी सदाकदा का बरे?
    शेजारी आहेत काय रे परस्परांची घरे? ।।३।।

    देह एवढा, अपाय कोणी करील तुजला इथें
    म्हणून का तुज रवीबरोबर माय तुझी धाडिते ?
    सांगतोस का तिला कसा हा छानदार बंगला ?
    होते का रे कधी आठवण माझी सखया तुला ? ।।४।।

    तुझ्यासारखे जावे वाटे उडत मजेने वरी
    नेशिल का मज तुझ्या बिऱ्हाडी बसवुनि पंखावरी ?
    माय तुझी येईल, सूर्यही येइल भेटायला,
    मजाच होइल सख्या पाखरा, नेह एकदा मला ।।५।।

      June 20, 2026