प्रतिभा चौगलेमाझी माय माऊली
पांडुरंग रंगी सावळा
भक्ती सागर अथांग
कृपा करीशी दयाळा!!१!!
तुझ्या अभंगांची गोडी
अशी लागली जीवाला
हरी नाम मुखी फक्त
आत्मा जाणितो सुखाला !!२!!
टाळ मृदंगाचा नाद
वारकरी दंग होती
तुझ्या चरणी विठ्ठला
भाव रंग उधळती!!३!!
नको आता पुन्हा तेच
प्रपंचाचे सुखदुःख
स्थैर्य लाभले तुझ्यात
भक्ता लोचनी श्रीमुख!!४!!
प्रतिभा चौगले यांच्या प्रतिभास या कवितासंग्रहाच्या इ-पुस्तकातील ही कविता.
हे इ-पुस्तक आपण खालील लिंकवर खरेदी करु शकता.
किंमत : रु.८०/-
सवलत किंमत : रु.५०/-
https://marathibooks.com/books/pratibhas-by-pratibha-chougale/
