प्रतिभा चौगलेकिती आदराचा आहे हा पदर..
शालीन सुसंस्कृत शील जपणारा
तान्ह्या बाळाला कुशीत झाकणारा
अमृताचा पान्हा त्यावर मायेचा पदर..
तारूण्यात वाऱ्याशी खेळतो..
लग्नबंधनात जोडीदाराशी जुळतो..
नंतर बाळाच्या मुखावर फिरतो..
ओटीतले वाण सांभाळून घेतो पदर..
किती खोल आहे हा पदर..
आसवांना बिलगून सांत्वन आपलेच करेल
डोईवर राहून स्वाभिमानही जपेल..
पदरात पडेल ते साठवले जाते
पदरावरून काही आठवले जाते…
प्रसंगावधान राखून पदर खोचता येतो
पदराखाली माप ही झाकतो..
पदर बाई जातीची जन्मखूण..
आशेच्या गाठी बांधल्या जातात..
नकळतच त्या सोडल्या जातात
पदरावरती उमटते पदराची खूण.
