उतरला ईश्वर धरेवरी
सगुणरूप धारलें परब्रह्मानें पंढरपुरीं ।।
वैकुंठींचा प्रभु नारायण
करतो जो विश्वाचें पालन,
कलियुगात म्हणती विठ्ठल, तो हरी असे द्वापरीं ।।
क्षीरसागरा मागे ठेवुन
शेषनाग-मंचकास त्यागुन
नसे गरुडही, उभा एकला तिष्ठत विटेवरी ।।
क्षेत्र पंढरी जरि इवलेसें,
हरिस्पर्शें झगमगलें ऐसे –
जैसी स्वर्गामधें शोभते नगरी अलकापुरी ।।
कृतार्थता ही आम्हां मोठी
ब्रह्म अवतरे आम्हांसाठी
इथेंच थांबुन युगेंयुगें, उद्धरी जगा श्रीहरी ।।
- - -
- सुभाष स. नाईक
पंढरीचा राणा
उतरला ईश्वर धरेवरी
सगुणरूप धारलें परब्रह्मानें पंढरपुरीं ।।
वैकुंठींचा प्रभु नारायण
करतो जो विश्वाचें पालन,
कलियुगात म्हणती विठ्ठल, तो हरी असे द्वापरीं ।।
क्षीरसागरा मागे ठेवुन
शेषनाग-मंचकास त्यागुन
नसे गरुडही, उभा एकला तिष्ठत विटेवरी ।।
क्षेत्र पंढरी जरि इवलेसें,
हरिस्पर्शें झगमगलें ऐसे –
जैसी स्वर्गामधें शोभते नगरी अलकापुरी ।।
कृतार्थता ही आम्हां मोठी
ब्रह्म अवतरे आम्हांसाठी
इथेंच थांबुन युगेंयुगें, उद्धरी जगा श्रीहरी ।।
– – –
– सुभाष स. नाईक
पंढरीचा राणा
Copyright © 2025 | Marathisrushti
सुभाष नाईक