मराठीसृष्टी टिम|| हरी ॐ ||
‘आई ती आई इतरांवरून वणवा जाई’ !
ही म्हण सार्थ करण्या…
नऊ महिने, नऊ दिवस मला तुझ्या उदरात सांभाळस,
अन्न आणि दिलास वि-श्वास !
हे विश्व दाविण्या किती कळा सोसल्यास,
तुझं बाळ तुझ्या कुशीत झोपावं म्हणून
किती विनवण्या केल्यास !
लहानाचे मोठेकरण्या किती कष्ट घेतलेस,
मला भरपेट मिळवं म्हणून स्वत: उपाशी राहिलीस !
चांगले शिक्षण मिळावे म्हणून किती राबलीस,
मी मोठा झालेलो पाहण्यासाठी किती कस्था खाल्यास !
बाबा अचानक गेल्याने त्यांची उणीव भरून काढलीस,
मला बरे नसता रात्र रात्र जागून काढलीस !
मला शांत झोप लागावी म्हणून
पायाचे तळवे काश्याची वाटी घेऊन तुपाने चोळलेस !
आता मात्र तू आराम करायचा,
आई मला आवडेलच तुझ्याच पोटी परत पुन्हां जन्मण्या पण….!
निदान पुढल्या जन्मी मी तुझी आई होऊन….!
आईच सत्य, प्रेम, आनंद, माया, कष्ट, यातना, दु:ख
आणि वास्तल्य आई होऊन अनुभवू दे
तुझ्यावर आई होऊन मायेची पाखर घालू दे,
असं होण्या एकदा तरी हो म्हणंशील ना?
जगदीश पटवर्धन, बोरीवली (प)
— जगदीश पटवर्धन
