डॉ. भगवान नागापूरकरछम छम बाजे
पैंजण माझे
मी अप्सरा स्वर्गाची
देवलोकींच्या राज्याची ।। धृ ।।
स्वर्गामघुनी आले भूवरी
धडधड होती तेव्हां उरी
तपोभंग तो करण्यासाठीं
आज्ञा होती इंद्राची ।। १।।
मी अप्सरा स्वर्गाची
देवलोकींच्या राज्याची
तपोबलाच्या सामर्थ्यानी
प्रतिसृष्टी बनविली ज्यांनी
सत्वहरण ते अशा ऋषीचे
परीक्षा ठरली दिव्यत्वाची ।। २ ।।
मी अप्सरा स्वर्गाची
देवलोकींच्या राज्याची
भाग्य माझे थोर कसे
विश्वामित्राना जिंकले असे
मात्रत्वाचे रंग भरुनी
देई देणगी शकुंतलेची ।। ३।।
मी अप्सरा स्वर्गाची
देवलोकींच्या राज्याची
डॉ. भगवान नागापूरकर
९००४०७९८५०
— डॉ. भगवान केशवराव नागापूरकर
