डॉ. भगवान नागापूरकरआदले दिवशी येऊनी, तिजला अभिनंदन दिले
पास झालीस सांगुनी, मित्रांनी पेढे मागितले
हास्यवदन करुनी, साखर हातीं दिली
हाती मिळतां निकाल, पेढे देईन वदली
आंत जाऊनी खोलीमध्यें, बंद केले दार
दुःख आवेग येऊनी, रडली ती फार
वरचा मिळेल नंबर, तिजला होती आशा
रात्र रात्र जागूनही, मिळाली तिज निराशा
खूप कष्ट करुनी, अपयश येता पदरीं
दुःख तया सारखे, नसते ह्या संसारी
समजूनी सांगूनी तिजला, सान्तवन केले मी
पुष्कळ येतील परीक्षा, श्रम येईल कामी
दुसरें दिवशी शाळेमध्ये, निकाल बघण्या गेली
सर्व प्रथम नांव बघूनी, चकीत ती झाली
होता नंबर तिचा, तेथील गुणवत्ता यादींत
मुद्रण दोषांतील चुकीने, पाडले तिला गोंधळांत
डॉ. भगवान नागापूरकर
९००४०७९८५०
