डॉ. भगवान नागापूरकरहे घनश्यामा श्रीकृष्णा
कोणती जादू तुझ्यां हातीं सांग रे मनमोहना ।।धृ।।
बोटे फिरवूनी मुरलीवरी
सप्तसुरांची वर्षा करी
सर्वा नाचवी तालावरी
रंगून जाती हे श्रीहरी
बोटांमधली किमया तुझी, नाहीं कळली कुणा ।।१।।
कोणती जादू तुझ्यां हातीं सांग रे मनमोहना
बोटांत बोटे गुंतवी
राधेला तूं नाचवी
गोपींना तूं गुंगवी
गोपांना तू खेळवी
कशी लागते ओढ तुझी, कळले नाही सर्वाना ।।२।।
कोणती जादू तुझ्यां हातीं सांग रे मनमोहना
पर्वत उचलूनी बोटावरी
वष्टी पासूनी रक्षण करी
नाचूं लागूनी गोकूळपुरी
तुझ्या भोवती ताल धरी
वाहूनी नयनांतील झरे, व्यक्त होई प्रेम भावना ।।३।।
कोणती जादू तुझ्यां हातीं सांग रे मनमोहना
प्रसंग पडतां रणीं
सुदर्शन फिरे बोटातूनी
रक्षण करण्या सज्जनीं
आलास तूं धावूनी
शब्द भावना अपुरी पडतां, वाट फुटे अश्रुना ।।४।।
कोणती जादू तुझ्यां हातीं सांग रे मनमोहना
डॉ. भगवान नागापूरकर
९००४०७९८५०
