साहित्य: ५-६ पिकलेले टोमॅटो, १ सोललेले लहान बीट, अर्धा चमचा किसलेले आले, १ टी स्पून कॉर्नफ्लोअर, १ टे. स्पून लोणी, पाव टी स्पून लाल तिखट, १ टे. स्पून साखर, टे.स् मिरे पावडर चवीपुरती.

कृती: वेळ: २० मिनिटे टोमॅटो आणि सोललेल्या बीटचे बारीक तुकडे करावेत. चार कप पाण्यात टोमॅटो, बीटचे तुकडे आणि किसलेले आले. घालून कुकरमध्ये शिजवावे. हे मिश्रण रवीने घुसळून गाळावे. गाळलेले पाणी (स्टॉक) गॅसवर उकळत ठेवावा. त्यात मीठ, साखर, मिरेपावडर, तिखट घालावे. उकळी आल्यावर पाण्यात कॉर्नफ्लोअरची पेस्ट करून घालावी. चमच्याने सतत ढवळत राहावे. दाट वाटत असल्यास आवश्यक तेवढेच गरम पाणी घालावे. कॉर्नफ्लोअर शिजल्यावर त्यात लोणी घालावे. गरम गरम सूप बाऊलमध्ये देताना त्यावर शोभेसाठी कोथिंबीरीची पाने घालावी.

हे सूप रंगाने छान दिसते तसेच चविष्टही आहे.