स्वाती ठोंबरेरात्र सरकता आल्हाद
तुझी आठवण नित्य येते,
तुझ्या अव्यक्त मिठीत
तुझी सल मनात बोचते
येशील का तू अवचित कधी
मला सहज सख्या भेटायला,
घेशील मिठीत अलवार तेव्हा
डोळ्यांत अश्रू होतील जमा
तुझ्या मिठीत मी पुरती
हलकेच मोहक गुंतून गेले,
दूर जरी मी अलगद जाता
सय तुझी रोज आताशा येते
कसे सहज विसरावे तुला
मोह तुझ्या मिठीचा होता,
वाट पाहते तुझी अधर हृदयी
दोष कसा देऊ अबोल माझ्या मनाला
— स्वाती ठोंबरे.
