लोकल

(चाल : झुक झुक झुक रेल गाडी)

आली नशिबी रेलगाडी
रेल कसली जेल गाडी – झुक झुक …
दादर हारबर सी.टी. लोकल
हिशेब येथे असतो पळपळ
कुणी गुदमरे कुणी लटकते
कुणी मारते उडी । – झुक झुक …

कमला, विमला, अमला आली
कुणी नवोढा कुणी अवघडली
वृद्ध कोणी, षोडश वर्षा
कुणी चंचल गुड्डी । – झुक झुक …

गर्दी येथे गचडी तेते
चोर शिपाई साव भामटे
किती दुकाने किति वाहने
जणू मुंग्यांच्या झुंडी । – झुक झुक …

कचेरीतही तर्‍हा वेगळी
कुणी नेकींच्या कुणी फेकीची
नियमित विराळा बहुतेकांची दांडी । – झुक झुक …

Author