विलास सातपुतेआज मी कां कुणां दोष द्यावा
भोग माझ्या प्राक्तनाचाच आहे
पुण्यही माझे, ते पापही माझे
भोगणारा, मीच एकटा आहे
वात्सल्य, केवळ जन्मदात्यांचे
आशीर्वाद तोच जगवितो आहे
ऋणानुबंधी नाती सारी मृगजळी
या कलियुगाचा नग्न दृष्टांत आहे
प्रीतभावनांचे भास सारे बेगडी
जीव स्वार्थी सुखात गुंतला आहे
ना लळा, जिव्हाळा, प्रेम माया
निर्जीवी भावनांचाच स्पर्श आहे
सांगा, जगी आज कोण कुणाचे
श्वास मोकळा गुदमरलेला आहे
केवळ, जगण्यासाठी धडपड
जगणेच केविलवाणे झाले आहे
— वि.ग.सातपुते. (भावकवी)
9766544908
रचना क्र. १२७.
३० – ४ – २०२२
