साहित्य: भाजलेल्या चण्याच्या डाळीचा भरडा (जाडसर रवा) १ वाटी, नारळाचे दूध, जाडसर दिड वाटी लांब कापलेली कोबी अन् बारीक चिरलेला फ्लॉवर, दोन्ही मिळून १ वाटी, हवे असल्यास भाजलेल्या सोड्यांचा भुगा पाव वाटी, आले लसूण, कोथिंबीर, मिरची पेस्ट, एक चहाचा चमचा मीठ, २ अंडी, तेल पाव वाटी, जिरा धणा पावडर, पाव चमचा (चहाचा) हिंग, मोहरी, जिरे, तीळ ( २ चमचे तेल मिश्रणात घालण्यासाठी)

कृती : अंडी वगळून बाकी सर्व साहित्य एकत्रित करुन चांगले मिसळून घ्यावे. अंडी फेटून त्यातील पाव भाग मिश्रणात घालावा (सोडा घालू नये) पितळेचा किंवा तांब्याच्या जाड बुडाच्या भांड्यात तापवून तेल घालावे. तापवलेल्या तेलात फोडणीला हिंग, मोहरी, जिरे, तीळ घालावे. तडतडू लागले की मिश्रण ओतावे. मिश्रण ढवळू नये. मिश्रण घट्ट होत आले कि ते भांडे आधीच तापवून घेतलेल्या ओव्हनमध्ये ठेवावे (३५०° ते ३७५° ) ३० ते ४० मिनीटे साधारण निम्मा वेळ झाल्यावर (१५ ते २० मिनीटे) हळद, मीठ घालून फेलेले अंडे होत असलेल्या भानोऱ्यावर ओतावे व पुन्हा भानोरे १५ ते २० मिनीटे बेक करावे. छान फुगुन येते व हलके होते.

हळदीमुळे अंड्याचा छान रंग येतो व भानोरे खुमासदार लागते.

-वैशाली विनय राजे

५१ सीकेपी पाककृती व सण-वार या पुस्तकातुन