मराठी भाषा वाचवा म्हणून
इंटरस्कूल कॉंपीटिशन
आमच्या बॉबीचं झालं सिलेक्शन
आलं मलाच खूप टेंशन

तिनं मिळवलं फर्स्ट प्राईझ
नि सर्वांना केलं सरप्राईज

तसे दिले होते तिला
मीच मेन पॉईंटस् लिहून
आणि लॉट ऑफ प्रॅक्टीस
घेतली होती करवून

जाताना तिला केलं
बेस्ट लक वीश
चिअरअप करताना घेतला
हलकासा किस

मात्र स्टेजवर तिनं केलं
वंडरफुल प्रेझेंटेशन
नि अॅट्रॅक्ट केलं
ऑडियंसचं अटेंशन

अहो, ज्ञानेश्वर तुकाराम
एकनाथ, केले कोट
ऐकून एक्झामिनरने
घातले तोंडात बोट

तेव्हा झाला होता
थोडा फार घोटाळा
ज्ञानेश्वरी ग्रंथ
इंद्रायणीत बुडवला

रिअली, कुणालाही कळली
नाही छोटी गफलत
कॉंन्व्हेंट मराठीची
हीच असते गम्मत

तिचे डॅड झाले एकदम खूष
म्हणाले घेऊया ड्रेस नि शूज
तू आमची गुड्डी, गुड गुड गर्ल
या सनडेला जाऊ पहायला
एस एल वर्ल्ड

— सुधा मोकाशी