जगदीश अनंत पटवर्धन‘अक्षरगंध’ वेलीस लागल्या नाजूक कळ्या,
बघता मोहरल्या अक्षरांच्या टपोऱ्या कळ्या !
टपोऱ्या कळ्यांची झाली अक्षर फुले,
अक्षरांच्या गंधाने आसमंत झुले,
कळ्या विविध अक्षर आणि रंगांच्या ह्या,
सांगू लागल्या गोष्टी एक दुसऱ्यांस त्या !
शास्त्रशुद्ध, तंत्रशुद्ध परिणामकारक मस्त,
सुंदर हस्ताक्षर असे परिपूर्ण व्यक्तिमत्व !
मनामनातील हासरा ‘अक्षरगंध’ करी धुंद,
‘अक्षरगंधी’ वेड मना करी बेधुंद !
ओबडधोबड अक्षर करी मना कष्ट,
‘अक्षरगंध’ सापडता पुरले मनीचे हट्ट !
वेडापिसा झालो, भरल्या आसमंतातील ‘अक्षरगंधा’,
अनुभवले ‘अक्षरगंधा’ तुला मी, घेता मंद सुगंध !
किती उधळास निस्वार्थ, गंध मंदधुंद,
फिटत नाही तुझी ‘अक्षरगंधा’ आस बेधुंद !
स्पर्शली आहेत उषेची कोवळी किरणे मंद,
तोवरी पसरीत जा, तुझा गंध बेधुंद !
‘अक्षरगंधी’ हृदया शास्त्रशुद्ध अक्षरांचा गंध,
उधळी तंत्रशुद्ध, परिणामकारक अक्षरांचा सुगंध !
जगदीश पटवर्धन, वझिरा बोरिवली (प)
