साहित्य: २ कप ताजे दही १ कप पुदिन्याचा रस मीठ मिरेपावडर १ हिरवी मिरची
कृती: वेळ: २५ मिनिटे रात्री दूध गाळून नेहमीप्रमाणे स्वच्छ भांड्यात दही लावा. दही लावतांना त्यात किंचित् साखर, दोन पुदीन्याची पाने व १ मिरची मधोमधे चिरून घालून ठेवा. दुसऱ्या दिवशी हे दही रवीने चांगले घुसळा. जरूर असल्यास थोडे पाणी वापरा. ताज्या पुदिन्याचा रस घाला व पुन्हा दही एकजीव करा. हिरवट रंगाचे मिश्रण तयार होईल. त्यात मिरेपावडर व मीठ घालून फ्रिझमध्ये गार करत ठेवा. सर्व्ह करतांना बाऊलमध्ये हे सूप घालून मधोमध पुदिन्याची छोटीशी १-२ पाने अलगद सोडावी. हे सूप चवीला रुचकर व दिसायलाही सुंदर होते. विशेषतः उन्हाळयात हे थंडगार सूप प्यायला फारच आवडेल.
