ॲड.कीर्तिराज शैलेंद्र आगलावेसंबंध राहो किंवा न राहो,
मनातल्या धाग्यांना कोण तोडणार आहे?
शब्द जरी थांबले ओठांवर,
नजरेतलं बोलणं कोण रोखणार आहे?
तुझं गुपित माझ्या शांत श्वासांत आहे,
जसं चांदणं लपलेलं असतं ढगांत.
रात्रीच्या काळोखाला सांगितलं तरी,
पहाट त्याचा अर्थ उलगडत नाही कधीच.
वाटा वेगळ्या झाल्या तरी,
आठवणींची पाऊलखूण मातीवर राहतेच.
तुझं नाव न उच्चारताही,
मनातली हाक ऐकू येतेच.
काळ सरो, ऋतू बदलो,
कथा नवी उलगडो आयुष्याची,
पण तुझं गुपित माझ्या हृदयात
दीपासारखं अखंड तेवत राहील.
आणि जेव्हा हा श्वासही थांबेल कधीतरी,
माझ्यासोबतच ते गुपितही शांत झोपी जाईल,
या जगाच्या पल्याड,
माझ्या अस्तित्वासह कायमचं चिरंतन शांत होईल.
•ॲड.कीर्तिराज शैलेंद्र आगलावे, पुणे
