डॉ. भगवान नागापूरकर
आज कुणाच काय भरवसा
रडते जीवन ढसाढसा // धृ //
प्रेम दिसेना जगांत कोठे
ह्रदया मधले सरले साठे
ओढ कुणाची कुणा न वाटे
ओरड करुनी कंठ न दाटे
सुकुनी गेला घसा
रडते जीवन ढसाढसा – – – १
बाप ना भाऊ इथे कुणाचा
लोप पावला कढ रक्ताचा
मायमाउली सहज विसरते
काळ तिचा तो नऊ मासाचा
फुटला नात्याचा आरसा
रडते जीवन ढसाढसा – -– 2
सुरक्षतेचे कवच दिसेना
शब्दावरी विश्वास बसेना
दुर्मिळ झाली त्याग भावना
कदर कुणाची कुणी करेना
इथे लागतो केवळ पैसा
रडते जीवन ढसाढसा – – – ३
डॉ. भगवान नागापूरकर
9004079850
e-mail- bknagapurkar@gmail.com
विवीध-अंगी ***२३
सुर्यग्रहणाच्या वेळी त्याचे रुप चंद्राप्रमाणे भासले
आणि तो चंद्राचा भाऊच आहे हे जगाला समजले.
— डॉ. भगवान केशवराव नागापूरकर
