`आम्ही साहित्यिक' फेसबुक ग्रुपलेखणी व तलवारीची
आमनेसामने भेट झाली,
दोघात मग श्रेष्ठतेवरून
बरीच वादावादी रंगली !
सांगे तलवार लेखणीला,
इतिहासाच्या वाच कथा,
वाचून बघ समजतील तुला
माझ्या पराक्रमांच्या गाथा !
जिंकली अनेक वीरांनी
युद्धे माझ्याच बळावर,
ठेवून भरवसा माझ्याच,
धारधार तलवारीवर !
बोले तलवारीस लेखणी,
रक्तरंजित तुझी कहाणी,
झाल्या तुझ्यामुळे विधवा
नाहक गरीब सवाशिणी !
माझ्या शब्दांच्या माऱ्यापुढे
धार ठरते तुझी बोथट,
मी रक्तहीन करून क्रांती
*उलटवते जुलमी राजवट !*
*उलटवते जुलमी राजवट !*
-प्रमोद वामन वर्तक,
२८-०५-२०२३
Mauritius?
Mob.9892561086
