स्वत:चा वेळ आणि पैसा खर्च करून एखाद्या खेळाची आवड किंबहुना वेड जपणारे दुर्मिळ असतात. क्रिकेट या खेळाची प्रचंड आवड असलेले असेच एक धुरंधर व्यक्तीमत्त्व म्हणजे दुबईचे पोलाद क्षेत्रातले व्यावसायिक श्याम भाटिया.

क्रिकेटछंद जोपासण्यासाठी त्यांनी दुबईत २०१० मध्ये एक क्रिकेट म्युझियम सुरू केले. त्यात जुन्या काळातील क्रिकेटपटूंबरोबरच आताच्या विराट कोहलीपर्यंतच्या स्वाक्षऱ्या असलेल्या बॅट, त्यांची संपूर्ण माहिती, क्रिकेटवरील पुस्तके आणि जवळपास ५०० क्रिकेट व्हीडिओंचा संग्रह आहे. या पाच वर्षांत देशविदेशातील क्रिकेटपटू व क्रिकेटचाहत्यांनी या म्युझियमला भेट देऊन त्यांच्या या संग्रहाचे कौतुक केले आहे.

दोन मजल्यांचे असे हे म्युझियम क्रिकेटप्रेमाचा उत्तम नमुना आहे. भाटिया हे जातीने उपस्थित राहून या म्युझियममागील संकल्पना, त्यांच्या संग्रहामागील भूमिका स्पष्ट करतात. आतापर्यतच्या वर्ल्डकप विजेत्या संघांचे कर्णधार, त्या संघांची कामगिरी, प्रत्येक क्रिकेट बोर्डाचा इतिहास, ठराविक कालावधीतील सर्वोत्तम ठरलेले खेळाडू, प्रत्येक क्रिकेट बोर्डाची बोधचिन्हे, बॅटवर नामांकित खेळाडूंच्या स्वाक्षऱ्या आणि त्यांची कारकीर्द अशी परिपूर्ण माहिती क्रिकेटचाहत्यांना मिळते. या सगळ्या गोष्टींची मांडणी अतिशय सुरेख केलेली असल्यामुळे या म्युझियमबद्दल सर्वांना आकर्षण वाटते.

विविध क्रिकेट बोर्डांनी त्यांना आपले बोधचिन्ह असलेल्या टोप्या, टाय अशा वस्तु भेट दिलेल्या असताना बीसीसीआयकडून मात्र त्यांनी ती भेट मिळाली नसल्याची खंत ते व्यक्त करतात. शेवटी लिटल मास्टर सुनील गावस्कर यांनी या वस्तू त्यांना भेट दिल्या. भाटियांनी त्याची नोंद म्युझियममध्ये घेतली आहे.

विविध बोर्डांचे प्रमुख हे म्युझियम पाहण्यासाठी आलेले आहेत पण एका भारतीय व्यक्तीचे म्युझियम पाहायला बीसीसीआयचे अध्यक्ष येऊ शकले नाहीत, ही वेदना ते व्यक्त करतात. दुबईत खेळायला आलेल्या दक्षिण आफ्रिका, श्रीलंका, ऑस्ट्रेलियाच्या क्रिकेटपटूंनी या म्युझियमला आवर्जून भेट दिली आहे. भारतीय कसोटी संघाचा कर्णधार विराट कोहलीही येथे येऊन आपल्या छायाचित्रावर स्वाक्षरी करून गेला आहे. अनेक खेळाडूंनी आपल्या अविस्मरणीय कामगिरीची ओळख असलेल्या वस्तू भाटिया यांना भेट दिल्या आहेत. त्यात सचिन तेंडुलकरचे ग्लव्हजही आहेत.

या म्युझियमच्या बांधणीबरोबरच भाटिया हे गरीब क्रिकेटपटूंना मदत करण्याचे कामही करतात. त्यांना आवश्यक असलेले क्रिकेट साहित्य ते मोफत देतात. पूर्व भारतातील मुलांना त्यांनी ही मदत केली आहे. त्यांनी पोर्ट्रेट ऑफ गेम हे पुस्तकही लिहिले आहे. त्यातून त्यांच्या क्रिकेटप्रेमाची प्रचीती येते. त्याचेही क्रिकेटपटूंनी खूप कौतुक केले आहे.

दुबईला भेट देणाऱ्या क्रिकेट चाहत्यांनी या म्युझियमला आवर्जून भेट द्यावी. जगात सर्वाधिक श्रीमंत असलेल्या भारतीय क्रिकेट बोर्डाने अशाच एका म्युझियमची उभारणी करावी आणि आपल्या देशातील
क्रिकेटपटूंचा तसेच क्रिकेट गौरव करावा अशी अपेक्षा यानिमित्ताने करता येईल.

https://www.youtube.com/watch?v=LVQ_0b6kVh8

-- महेश विचारे, दुबई

भारताचा जगविख्यात फलंदाज (सलामीवीर) सुनील मनोहर गावस्कर यांनी तीस वर्षांपूर्वी पाकिस्तान विरुद्ध खेळतांना आजच्या दिवशी म्हणजेच "०७ मार्च १९८७"रोजी अहमदाबाद येथील सरदार वल्लभभाई पटेल स्टेडियमवर आपल्या कसोटी क्रिकेट करकिर्दीतील १०००० (दहा हजार) धावा पूर्ण केल्या.

अशी अजोड कामगिरी करणारा सुनील गावस्कर हा क्रिकेट विश्वातील पहिला महान फलंदाज ठरला.

पाकिस्तान विरुद्धच्या या सामन्यात सुनील छप्पन धावांवर खेळत असतांना 'एजाज फकी' च्या गोलंदाजीवर स्लीप मधे बॉल ढकलुन एक धाव काढली आणि समोर(नॉनस्ट्राइकरएंड वर) उभ्या असलेल्या किरण मोरेनी धावत जाउन सुनीलचं अभिनंदन केलं. एक क्षण सुनीलला समजलच नाही की आपलं शतक झालं नाही तरी हा इतका खुश का झाला आहे. पण किरणनी जेव्हा सांगितलं की तुम्ही दहा हजार धावा पूर्ण केल्या आहेत तेव्हा मात्र सुनील आपला आनंद लपवु शकला नाही. संपूर्ण भारतात आनंदाचं उधाण आलं. कारण साऱ्या भारतीयांचं स्वप्न सुनीलनी प्रत्यक्षात उतरवलं होतं. अनेक ठिकाणी पेढे/मिठाई वाटुन लोकांनी आपल्या भावनांना मोकळी वाट करुन दिली, जणु काही स्वत:च्याच घरात काही खास घडलं होतं. याला कारण सुनील गावस्कर - तो होताच मुळी सर्वांचा लाडका.

सुनीलच्या या दैदीप्यमान कामगिरीमुळे भारताचा क्रिकेट जगतात दबदबा निर्माण झाला. भारतीय क्रिकेट आणि खेळाडु याबद्दल क्रिकेट खेळणाऱ्या देशातील रसिक आदराने पाहु लागले कारण सुनीलनी आपल्या थक्क करणाऱ्या कामगिरीमुळे भारतीय क्रिकेट एका वेगळ्याच उंचीवर नेउन ठेवलं होतं.

अशा या महान फलंदाजाचं आपण सारे मिळून कौतुक करुया!!!

मानवी आयुष्यालाही नेहमी प्रवासाची उपमा दिली जाते. प्रत्येक आनंदाच्या क्षणी हा प्रवास लक्षात ठेवून दातृत्व दाखविण्याऐवजी; क्षणिक नुकसान किंवा जीवितहानीच्या वेळी या दुनियेत सारेच घडीभराचे प्रवासी आहेत, असे ज्ञान पाजळून पुन्हा सर्वजण डोळ्यांवर कातडे ओढून बसतात, हा भाग अलहिदा. प्रस्तुत नग्मा या प्रवासातील एका मुक्कामाच्या वेळी मुसाफिराच्या मनाची झालेली ओढाताण आणि सुखदुःखे प्रत्ययकारकरीत्या चित्रित करणारा आहे

… प्रथमश्रेणी सामन्यांमधील ज्या शतकांच्या वेळेविषयी वाद नाही त्यांमध्ये पर्सीच्या या शतकाचा कमी वेळेच्या बाबतीत पहिला क्रमांक लागतो. त्याच्या या विक्रमाची बरोबरी एकदा झालेली आहे.

‘जानेवारी मध्ये जन्म झालेल्या व्यक्ती ह्या ‘कल्पक, दृढनिश्चयी व नेतृत्वगुणयुक्त’ मानल्या जातात. चालू ‘जानेवारी महिन्यामध्ये जन्मलेल्या आणि आंतरराष्ट्रीय क्रिकेटमध्ये ठसा उमटवलेल्या अश्याच काही प्रमुख जागतिक क्रिकेटवीरांवर तसेच, आंतरराष्ट्रीय क्रिकेटमध्ये आपले नाव नोंदवलेल्या लक्षणीय भारतीय / मराठी क्रिकेटपटूंवर दृष्टिक्षेप टाकूया.

विझडेन एशियाच्या माहितीप्रमाणे ते पाहिले ‘ कमर्शियल ब्रॅण्ड्स ‘ असणारे खेळाडू होते.

१४ नोव्हेंबर २०१३. सचिनने त्याचा शेवटचा कसोटी सामना याच दिवशी खेळला. सचिनच्या तब्बल १५० पेक्षा जास्त सह्यांचा संग्रह केलाय ठाण्यातील  `सह्याजीराव’ या नावाने ओळखले जाणारे `सतिश चाफेकर’ यांनी. 

एकाच षटकातील सहा षटकारांसाठी प्रसिद्ध असलेला युवराजसिंग

कॅरिबिअन बेटांवरिल बार्बडोसमध्ये जन्मलेला हा क्रिकेटमधिल एक प्रसिद्ध कलाकार.

आजही मोहिंदर अमरनाथ म्हटले की त्यांची फलंदाजी आठवते आणि १९८३ चा वर्ल्ड कप.