वाटते आता भेटावेसे
संथची,जाहली स्पंदने
गात्री थरथर कंपनांची
तुझ्या प्रतीक्षेत लोचने

जाहली, प्रीती व्याकुळ
अंत:करणी, दग्ध जीणे
नि:शब्दी, सारे अंतरंग
मनी, ओढ तुला भेटणे

लावी हुरहूर, काळजा
नभांगणाचे झाकोळणे
सांजाळलेल्या क्षितिजी
आंस! एक तुला भेटणे

अजूनही, जीवंत आशा
दशदिशात, सत्य प्रीती
लडिवाळ प्रीत अमरत्वी
हे सारेच भगवंतांचे देणे

-- वि.ग.सातपुते.(भावकवी).

9766544908

रचना क्र.४४.

१२ - २ - २०२२.

लक्ष आपले जात असते,

सदैव प्रभूकडे,

मार्ग सारे ठरलेले,

जे मिळती तिकडे ।।१।।

‘को S हं’ शब्दाचा निनाद होतो,

प्रथम मुखातून,

जन्मताच तो प्रश्न विचारी,

“मी आहे कोण?” ।।२।।

मार्ग हा तर सुख दु:खाने,

भरला आहे सारा,

राग लोभ मोह अंहकार,

याचा येथे पसारा ।।३।।

वाटचाल करिता यातून,

कठीण होवून जाते,

जीवन सारे अपूरे पडून,

अपूर्ण ज्ञान मिळते ।।४।।

आयुष्य तुमचे थोडे असूनी,

काळ वेळीच जाणावा,

मिळेल जो क्षण तुमचे हातीं,

प्रभूसाठी तो असावा ।।५।।

डॉ. भगवान नागापूरकर

संपर्क - ९००४०७९८५०

bknagapurkar@gmail.com

( जुन्या काळीं, अर्जन्सी दर्शविण्यासाठी असें लिहीत –

‘जेवत असलात तर हात धुवायला इकडेच या’.

त्या आधारानें, हें काव्य, जरासें खट्याळ ).

तुम्ही

तातडीनें इकडे या,

अर्जंट या.

जेवत असलात तर

हात धुवायच्या आधी

इकडे या.

अन् मत द्या.

पाणी पीत असलात तर

फुलपात्रं खाली ठेवण्यांआधी

इकडे या.

अन् मत द्या.

आंघोळ करत असलात तर

कपडे बदलण्यांपूर्वी,

ओल्या कपड्यांनीच

इकडे या.

अन् मत द्या.

पण दुसरा ‘अर्जंट कॉल’

आला असला,

आणि तुम्ही

टॉयलेटमध्ये असलात तर,

तर घाई करूं नका,

तुमचा वेळ घ्या,

तिकडेच हात धुवा,

नंतर या.

मात्र, या.

अन् मत द्या.

(आणि तेंही आम्हालाच). १

कारण,

तुमच्या भेटी घेऊन,

अन् तुम्हाला ‘भेटी’ देऊन

आम्ही इनव्हेस्ट केलेलं आहे,

त्याचं ‘रिटर्न’

नको कां आम्हाला मिळायला ? २

आमचा कँडिडेट

निवडणुकीतून ‘रिटर्न’ होऊन

घरीं बसायला नको ;

तर, तो

MLA म्हणून

विधानसभेत

‘रिटर्न’ व्हायला हवा. ३

म्हणून,

जेवत असलात तर

हात धुवायच्या आधी

इकडे या.

अन्, टॉयलेटमध्ये असलात तर

दमानं या,

हात धुवून या.

पण या जरूर. ४

हात धुवा किंवा धुवूं नका,

पण धुतल्या तांदळासारखं वर्तन ठेवा,

या, आम्हांलाच मत द्या,

आणि आम्हांलाच जिंकवा. ५

- - सुभाष स. नाईक

नाहीं रे मी विसरलो देवा तुजलो
संसारात अडकलो, वेळ ना मिळाला ।।१।।

तूंच गुंतविले, लक्ष्य मोहांत
चित्त देण्या सांगितले, तुझ्याच खेळांत ।।२।।

तुलाची हवे यश, तुझ्या खेळांतले
माझ्या कौशल्यास, तूं मार्गदर्शन केले ।।३।।

तुझ्याच साठीं, गुंतविले मन
बनोनी सोंगटी, फिरे पटावरी ।।४।।

काय दोष माझा, न दिले लक्ष्य मी
खेळवण्यातील मजा, आलो तिला कामीं ।।५।।

डॉ. भगवान नागापूरकर
९००४०७९८५०
bknagapurkar@ gmail.com

शान निराळी अंबाड्याची
फुलवेणीही त्यावरी साजे
रूप पाहुनी सजलेले ग
चंद्र नभीचा पाहून लाजे !!

कचपाशाची अदा निराळी
केशभूषा मम रोजच दावी
केश मोकळे, कधी तिपेडी
कधी घट्ट अंबाडा सजवी

घनगर्द मम केश मोकळे
जाळी मध्ये घट्ट बांधुनी
सुरेखशा त्या अंबाड्यावर
ल्यावी सुंदर मी फुलवेणी !!

रोजच वाटे कच शृंगारा
हात सख्याचा मम लागावा
फुलवेणी माळून तयाने
केशी मम या गंध भरावा !!

विसरून सारे देहभान मी
अधीन त्याच्या पुरते व्हावे
गंध वेणीचा रंग प्रीतीचा
एकरूप मग होऊन जावे !!

-- काव्यरचना ©✍?
प्रमोद मनोहर जोशी जळगाव 9422775554, 8830117926
कविता कॉपी राईट अंतर्गत आहे

गजानना तू स्फूर्तीदाता
तू सकलांचा विघ्नहर्ता ।।धृ।।
वक्रतुंड लंबोदर मूर्ती
परशु विराजे एका हाती
दुजा वर देता ।।१।।

पितांबर शिरी मुकुट शोभतो
जास्वंदी दुर्वांनी सजतो
मोदक आवडता ।।२।।

विनम्रभावे तुझिया चरणी
अर्पियली मी माझी झरणी
उमटू दे कविता ।।३।।

डॉ. संकेत शरद पेडणेकर याची कविता...

स्वप्न स्वप्न स्वप्न

स्वप्न नेहमी बघायचं असतं
पण काळजीने की ते विकृत स्वप्न नसते

स्वप्नामुळे होतात आपले सुविचार पूर्ण जागे
त्याचमुळे मरतो आपला आळस ज्याच्यामुळे आहोत आपण मागे

त्याचमुळे होते तयार आपली सारी जिद्द
त्याचमुळे होते एक शक्ती संपूर्णपणे सिद्ध

ती शक्ती म्हणजे झेलायचे घाव आणि वळ
मगच मिळते हाती विजयाचे मधुर फळ

पण, पण स्वप्न तुटलं तर अश्रुंच्या समुद्रात डुंबायचे नसते
त्या समुद्रात पोहून किनाऱ्याला पोहचायचे असते

व पुन्हा एक लक्ष ठरवून एक विजयी हेतू गाठायचं असतो
व सर्वांत जास्त मोठे म्हणजे कुठलाही गर्व कधीही दाखवायचा नसतो

कारण असेच जगायचे असते
असच स्वप्न बघायचे असते.

-- डॉ. संकेत शरद पेडणेकर

DR. SANKET SHARAD PEDNEKAR
MA PHD ECONOMICS
MBA (HR) MA LABOUR MANAGEMENT
MA ENGLISH LITERATURE
PH: 9967297770

EMail : sanketpednekar4876@gmail.com

भटकतो आहे कवि विचारांच्या सागरांत

वाहात चालला आहे व्यवहारी जगांत

आधार नाही त्याला पैशाच्या शक्तीचा

कुचकामी ठरत आहे प्रयत्न त्याचा जगण्याचा

अर्धपोटी राहात असतो भाकरीच्या अभावी

लिहीत चालला आहे काव्यरचना प्रभावी

उदासपणे बघतो आहे " हाऊस फूलची " पाटी

लिहीली होती नाट्यगीते त्यानेच सर्वासाठी

टाळ्यांचा तो कडकडाट बाहेर ऐकू येई

उपाशी होते त्याचे पोट खिन्नतेने निघून जाई

डॉ. भगवान नागापूरकर

९००४०७९८५०

जीवन आहे एक कल्पतरु
मिळेल ते, जे विचार करुं
ही आहे सुवर्ण माती
उगवेल ते, जसे पेरती ।।१।।

राग लोभ अहंकार
मोठेपण भासविणार
दाखवूनी क्षणिक सुख
देई पर्वतमय दुःख ।।२।।

दया क्षमा शांति
उच्च भावना असती
बिंबता हे सद् गुण
लाभेल खरे समाधान ।।३।।

घाणीच्या राशी पडती
निराशा व दुःखची वसती
स्वच्छता व निर्मळ घर
तेच सर्व सुखांचे माहेर ।।४।।

आपला आपण चालक
कर्म फळाचा मालक
सुख दुःखे येती
तेचि आपली निर्मिती ।।५।।

प्रयत्न सारे तुमचे हातीं
श्रद्धा ठेवावी ईश्वरावरती
योग्य करितां प्रयत्न
यशाचे मिळेल रत्न ।।६।।

जेथे प्रसन्न वातावरण
तेथे ईश्वरी आधिष्ठान
समजावे देवूनी लक्ष्य
जीवन आहे एक कल्पवृक्ष ।।७।।

डॉ. भगवान नागापूरकर
९००४०७९८५०
bknagapurkar@gmail.com