कविता-गझल-चारोळी-वात्रटिका
-
स्मरण असू दे
हे जगदंबे ! सदैव होते नाम मुखी गे
लोप पावले आज कसे ते तू मज सांगे.....१लागत नव्हते जेंव्हां कांहीं तूज पासूनी
धुंदीमध्ये राही मी तुझ्याच मधूर नामी....२काही हवेसे वाटू लागले एके दिवशी
विचारांत मी डूबू लागलो त्या सरशी....३आनंदाचे वलय निर्मिले इच्छे भोवती
गुंगूनी गेलो पूरता त्यातच दिन राती....४तगमग करूनी तेच मिळविता आज
कल्पना विलास होता तो झाली ही समज....५खिळवू नकोस मनास गे बाह्य जगाभोवती
स्मरण असू दे तव नामाचे ओठावरती....६डॉ. भगवान नागापूरकर
९००४०७९८५०
April 19, 2019
-
अशी कविता येते
कृष्णासम ही नटखट अवखळ..
लाघवी कवीता हळूच पाऊली येते..
मयुरपिसी मखमली मृदुल करांनी..
अवघे अलगदी चित्त चोरुनी नेते ..।।१।।कदंब तरुच्या साऊलीत या
साक्षात बीज प्रतिभेचे फूलते...
शब्दफुलांच्या , वटवृक्षावर
भावगंधले गीत कोकिळा गाते...।।२।।कालिंदीच्या ! डोहातूनी त्या
लय , ताल सप्तसुरांची येते...
राधे ! बघ सामोरी कृष्णमुरारी
धुन मंजुळ मंजुळ बासुरीची येते...।।३।।शब्दशब्द मनी भाव उमलता
वास्तव ! हॄदयातूनी ओघळते
रसिक मनांच्या गाभाऱ्यातुनी
सोज्वळतेचे रूप ! गंधाळूनी जाते...।।४।।© वि.ग.सातपुते.(भावकवी)
9766544908
रचना :- क्र..३९
दिनांक :- १४-३-२०२१.
June 5, 2021
-
गर्भगिरीतील नाथपंथ
नाथपंथाविषयी रिसर्च करुन तपशिलवार माहिती यात दिलेली आहे. स्थळ, काळाची सुंदर चित्रे सविस्तर टिपण्यासह नाथपंथ, त्याचे तत्त्वज्ञान सामान्य माणसासाठी तयार केले आहे.हरिश्र्चंद्रगडाजवळ, सह्याद्री पर्वतास पूर्व दिशेकडे जाणारा एक डोंगरफाटा फुटतो. नगर जिल्ह्यातून जाणार्‍या या डोंगररांगा बीड व उस्मानाबाद जिल्ह्याच्या आंतरभागापर्यंत पसरलेल्या आहेत. यातील सोनई-बांबरी-जेउर-भिंगार (जि. नगर) ते चिंचोली-येवलवाडी (जि. बीड) या दरम्यानच्या सुमारे ११५ कि. मी. च्या डोंगरपट्ट्यास गर्भगिरी किंवा गर्भाद्रि असे म्हणतात. नवनाथ भक्तिसार या लोकप्रिय पोथीतील २३ व्या अध्यायात नवनाथांच्या गर्भगिरीतील वास्तव्याचे व कार्याचे वर्णन आहे. आदिनाथ शिवाचे वृध्देश्र्वर हे प्राचीन क्षेत्र तसेच मच्छिंद्रनाथ, जालिंदरनाथ, कानिफनाथ व गहिनीनाथ या प्रमुख नाथसिध्दांच्या संजीवन समाध्या यासह अनेक नाथकालीन स्मृतीस्थळांनी हा परिसर गजबजलेला आहे. तीन तालुक्यांच्या भूभागावर इतक्या दाटीने वसलेली नवनाथांची स्थाने भारतात अन्यत्र कोठे अभावानेच असतील.
गर्भगिरीतील नाथपंथ
लेखक : टी. एन. परदेशी
प्रकाशक : अनघा प्रकाशन, ठाणे पूर्व
मूल्य : २५०/- रुपये
पाने : २०८ October 18, 2016
-
संदिप खरेंची संयम शिकविणारी कविता…
"मी सुद्धा चुकलो असेन",
एवढं मनात आणा!
धनुष्य मग हातातलं,
जरा संयमानंच ताणा!बाणच हळू कानात सांगेल,
'ठेव मला भात्यात!
एवढं ऊन, एवढा पाऊस,
असणारच की नात्यात!'वादा जवळ गप्प बसून,
संवाद करू, मारू गप्पा!
तुटण्या किंवा उसवण्याचा,
येणारच नाही टप्पा!तेवढाच क्षण टळल्यावर
आकाश होतं साफ!
दंव होऊन गारवा देते,
तीच गरम गरम वाफ!एक क्षण आवेगाचा,
फुटण्यापुर्वी अडवा!
डोळे सुद्धा राग बोलतात,
पापण्यांमागे दडवा!थोडी गुदमर, थोडी घुसमट,
उंबरठ्यावर दाटेल!
राख झाली तरी चालेल,
असं वाटेल, ...पटेल!दिवस रात्र असणारच,
तेव्हा आपण पूर्व बघू!
प्रकाशाचे वारकरीच की!
आपण उगवतीला निघू!पहिली ठिणगी पडते तेव्हा,
विचार व्हावा पाणी!
मनात सूर जपतो तेव्हाच,
शब्द होतात गाणी!कधीकधी आठवण्याहून,
विसरण्यातच मजा!
बेरजेपेक्षा कधीकधी ,
जोडून देते वजा!बाकी उरणं महत्वाचं,
तेवढीच श्री शिल्लक!
कविता असेल साधी,
पण् विचार मात्र तल्लख!संदीप खरे
March 2, 2017
-
अगम्य
अगाध लीला अनामिकाची
अतर्क्य अगम्य ब्रह्मांड सारे
सुख दुःखांची उन , सावली
जीवनी प्रारब्धाचे भोग सारे....शिशुशैशवी जीणे निरागस
प्रगल्भ मनी , हव्यास सारे
स्वार्थी मनीषा , सारेच माझे
मृगजळा पाठी धावती सारे....भावभावनांचे शुष्क कंगोरे
इथे प्रीतभाव सुकलेले सारे
मनामनात मौन साशंकतेचे
संपले विश्वासाचे नाते सारे....कधीकधी वाटते सुर जुळले
क्षणार्धात हरवूनी जाते सारे
जरी वाटले , निश्चिंती जगावे
तरी कर्म भोगावे लागते सारे....संसाराची , कसरत विलक्षण
मोहपाशी मन गुंतन जाते सारे
काय मिळविले , काय हरविले
विचारात , जगणेच सरते सारे....
*********-- वि.ग.सातपुते (भावकवी)
9766544908
रचना क्र. २७७
२९/१०/२०२२
November 6, 2022
-
रात्र सरकता आल्हाद
रात्र सरकता आल्हादतुझी आठवण नित्य येते,तुझ्या अव्यक्त मिठीततुझी सल मनात बोचतेयेशील का तू अवचित कधीमला सहज सख्या भेटायला,घेशील मिठीत अलवार तेव्हाडोळ्यांत अश्रू होतील जमातुझ्या मिठीत मी पुरतीहलकेच मोहक गुंतून गेले,दूर जरी मी अलगद जातासय तुझी रोज आताशा येतेकसे सहज विसरावे तुलामोह तुझ्या मिठीचा होता,वाट पाहते तुझी अधर हृदयीदोष कसा देऊ अबोल माझ्या मनाला-- स्वाती ठोंबरे. June 6, 2022
-
फ्रॉम शोभा डे..
शोभा डे या आचरट बाईच्या बरळण्यावर केलेली ही टिप्पणी सध्या इंटरनेटवर फिरतेय...
नाही मला विषयाचे वाव डे.
घालीन पायात तंग डे
असेना का रोज डे, हग डे किंवा नाग डे (नागपंचमी ला इंग्लिशमधे म्हणतात)
चोंब डे बोल माझे का वाटती तुम्हा वाक डे?
बसलीत जरी गालफ डे, अंग अजून तसेच...थोडेफार उघ डे
ही बाकी सगळी माक डे, करती सदा झग डे
काही त्यात बेव डे आणि काही दारू डे
खाती सदा कोंब डे
गुपचूप घालतात दरो डे फोडून, तुमचीच भिंता डे
ठेवलं जर घट्ट चाम डे, तर मात्र देती रोक डे
अन ते एक नेमा डे……. जर ते बोलले तर,
बंद होतील थोबा डे.
सैनिकच तेव्ह डे निध डे, पण हल्ली गाती नुसते पोवा डे
लावी डोळा झाप डे....आणि देतात काय तर पाव वडे
बसा मग तसेच……….हे असंच चालू राहील...डे बाय डे(क्रिएटीव्हीटीला काही लिमिट नसते, पण काही लफ डे व्हायला नको म्हणून ....... या पोस्टमध्ये अश्लील आणि वादग्रस्त "डे" जाणीवपूर्वक वापरलेले नाहीयेत ------
होतकरू आणि बापू डे नवकवी - श्रीरंग चितळे
September 19, 2016
-
तुजकडे पाहुनी मज
तुजकडे पाहुनी मज,
गूढ काही वाटते,
ऊन सावली खेळ,
मनात, काहीसे दाटते,--!!!तुझी चौकोनी नक्षी,
नजर फिरवी चोहीकडे,
आपल्यापल्याड काय चालते, लपवून ती दर्शवते,---!!!काही दरवाजे उघडे,
का ठेवले कोणासाठी,
कोण तेथे वावरे,
कोण तिथे, संगती सोबती,--!!!किरण प्रकाशाचे येती,
सावल्यांशी खेळत खेळत,
अस्तित्व कोणाचे असे,
कुणामुळे पसरत पसरत,--!!!सुख दुखांचे शब्द ऐकशी,
जरी भले तू गवाक्षां,
निमूट सारे का ऐकून घेशी,
रडे ओरडे आणि संघर्षा,---!!!किती भावनिक गुंता,
असेल तुझ्या देखत जाहला ताटातूट किती नात्यांची,
हा परिसर करून गेला,---!!!कोण कळवळला, कोण नाचला, कोण आनंदे गहिवरून उठला,
उद्ध्वस्त होऊनी कोसळला,
काय कधी आणि कसे वागला, किती हिशोबांचा साक्षीदार तू
अचल तिथे तू खडा राहिला,---!!!भासतोस निर्जीव जरी,
किती गुंतले तुझ्यात धागे,
तूही कोणात असा गुंतशी,
हिशोब सारे ठेवून मागे,--!!!हिमगौरी कर्वे©
June 17, 2019
-
मुरब्बी
लोणच्याला चव येते,
थोडे मुरल्यानंतर ।
आंबाही स्वादिष्ट लागे,
आंबून गेल्यानंतर....१,
विचारांची मजा वाटे,
ऐकता ज्ञानी विचार ।
परिपक्वता त्यांच्यातील,
देई आनंदाला धार...२,
परिपक्वता येण्यासाठीं,
अनुभवाची भट्टी हवी ।
ज्ञान चमकते,
जेव्हां तर्कज्ञान पाही....३,
विचारांत मुरलेला,
मुरब्बी तो असतो ।।
अनुभवाच्या शक्तीनें,
योग्य पाऊल टाकतो...४
डॉ. भगवान नागापूरकर
संपर्क - ९००४०७९८५०
December 12, 2016
-
झोपडी ते टॉवर
माझ्या झोपडीच्या जागी झाला टॉवर
अन्‍ वाढली आता माझी पॉवर...
लिफ्टने आता मी होणार लिफ्ट
गरिबीतून श्रीमंतीत अचानक झालो शिफ्ट...
टॉयलेटमधे मी आता बसणार इंग्लिश
इंग्रजीबद्दल मनात नाही आता किल्मिश...
चुरगळले कपडे आता होणार हद्दपार
सुटबुट भरजरी आता अंगावर चढणार...
एस.आर.ए. ने केले झोपडपट्टीचे टॉवर
मलाही दिले माझ्या स्वप्नातील शॉवर...
मुंबई होणार आता झोपडी मुक्त
उरलेल्या मराठी माणसाला करून फस्त...© कवी – निलेश बामणे ( एन.डी.)
June 5, 2017
Copyright © 2025 | Marathisrushti