डॉ. भगवान नागापूरकरआज कुणाच काय भरवसा
रडते जीवन ढसाढसा // धृ //
प्रेम दिसेना जगांत कोठे
ह्रदया मधले सरले साठे
ओढ कुणाची कुणा न वाटे
ओरड करुनी कंठ न दाटे
सुकुनी गेला घसा
रडते जीवन ढसाढसा – – – १
बाप ना भाऊ इथे कुणाचा
लोप पावला कढ रक्ताचा
मायमाउली सहज विसरते
काळ तिचा तो नऊ मासाचा
फुटला नात्याचा आरसा
रडते जीवन ढसाढसा – – – 2
सुरक्षतेचे कवच दिसेना
शब्दावरी विश्वास बसेना
दुर्मिळ झाली त्याग भावना
कदर कुणाची कुणी करेना
इथे लागतो केवळ पैसा
रडते जीवन ढसाढसा – – – ३
डॉ. भगवान नागापूरकर
९००४०७९८५०
bknagapurkar@gmail.com
