कविता-गझल-चारोळी-वात्रटिका
-
प्रेम कुणावर करावं?
"प्रेम कुणावर करावं?
प्रेम कुणावरही करावं..
ज्याला तारायचं,
त्याच्यावर तर करावंच,
पण ज्याला मारायचं,
त्याच्यावरही करावं,
प्रेम कुणावरही करावंप्रेम..
योगावर करावं,
भोगावर करावं,
आणि त्याहुनही अधिक,
त्यागावर करावं.."प्रेम कुणावरही करावं..
सजीवांवर करावं..,निर्जीवांवर करावं हे सांगणाऱी आपली संस्कृती..!असेही आपल्या देशात वर्षाचे दिवस ३६५ असले तरी 'दिन' पांच-सहाशे तरी असतील..त्यात आणखी एका अनावश्यक 'डे'ची काय गरज आहे?
आपल्याला गरज आहे ती आपली उदात्त संस्कृती जाणून घ्यायची..त्यातील प्रेमाची महती समजण्याची
कारण प्रेम आहे माणसाच्या संस्कॄतीचा सारांश..
त्याच्या इतिहासाचा निष्कर्ष आणि..
भविष्यकालातील त्याच्या अभ्युदयाची एकमेव आशा..!
-- गणेश साळुंखे
February 14, 2016
-
अपूर्ण जीवन
सोडून दे अहंकार तुझा,
लाचार आहेस आपल्या परि,
पूर्ण जीवन तुला न मिळे,
न्यूनता राहते कांहीं तरी ।।१।।
धनराशी मोजत असतां,
वेळ तुजला मिळत नसे,
शरीर संपदा हाती नसूनी,
मन सदा विचलित असे ।।२।।
शांत झोपला कामगार ,
दगडावरी ठेवूनी डोके.
देह सुदृढ असूनी त्याचा,
पैशासाठी झुरतां देखे ।।३।।
उणीवतेचा कांटा सलूनी,
बाधा येत असे आनंदी,
म्हणून खरे समाधान ,
लाभत नसते मग कधी ।।४।।डॉ. भगवान नागापूरकर
संपर्क - ९००४०७९८५०
bknagapurkar@gmail.com December 15, 2015
-
सत्य जीवन
हिशोब तुजला घ्यावयाचा, मानव दरबारी थोडा
दृष्य केले जे का येथे, मानव वाचील त्याचा पाढा.....१
अदृष्य सारे कोण जाणती तुजवीण, ना कोणी येथे
खरा हिशोब तोच कर्माचा, पाप असो वा पुण्य मग ते....२
नीती अनीतीच्या चाकोरीतून, जाई कुणीतरी असा एकटा
मानवनिर्मित असेल बघून, उचलील तो मग त्यातील वाटा....३
बाह्यांगाचे कर्म निराळे, शरिरमनाशी निगडीत ते
अंतकर्मे आत्म्याची जाणे, बंधन त्यावरी कुणाचे नसते....४
असेल जे का सत्य तेवढे, चिटकूनी राही आत्म्यासंगे
शरिर मनाच्या विळख्यामधूनी, सोडवूनी घेई आपली अंगे....५
क्षणात जाईल जळून सारे, देह मनाचे जे जे वेष्ठण
सोडून मागे केवळ राही, सत्य आधारीत असे ते जीवन....६
डॉ. भगवान नागापूरकर
९००४०७९८५०
February 13, 2020
-
सूर ऐकू दे रे
तुझ्या मुरलीचे सूर ऐकू दे रे.गोविंद गोविंद हरे मुरारे..आम्हावर रुसलास की कोपलास.जाणवत आहे जीव होतोय कासावीस..म्हणतात सारे. नको आता औषध वा दवा.फक्त कामीच येईल तुझीच दुवा..वनी खेळत होतास तू सवंगड्या समवेत.आमची लेकरं मात्र ठेवलीस कोंडून घरात.नंदलाल मिळू दे त्यांनाही बालपणाचा आनंद.त्या साठीच तुझ्या बासरीचे सूर लागू दे धुंदमंदमिळू दे सर्व लेकरांना मनमुराद दूध दही लोणीवचिंत न राहू देत त्यापासून अगदीच कौणी..होऊ देत सारी लेकरं खाऊन पिऊन धप्टपुष्टत्या शिवाय जाणार नाही तो राक्षस कोरोना दुष्ट..धन्यवाद.-- सौ. कुमुद ढवळेकर. February 14, 2022
-
ज्ञानाग्नि पेटवा
हातातील काडी घासतां पेटीवरी
अग्नि त्याच्यातील ज्वाला त्या धरीलपलेला अग्नि घर्षणाने पेटतो
अज्ञान झटकता ज्ञानी उजाळतोचितांत असतो प्रभू सदैव शांत
ओळखण्या त्यासी लागताती संतसंत हाच गुरु मार्गदर्शक असे
चित्तातील प्रभूला जागवित असेउजळण्या मन घर्षण लागे संताचे
पेटवा ज्ञानाग्नि सार्थक होई जीवनाचे-- डॉ. भगवान नागापूरकर
९००४०७९८५०
bknagapurkar@gmail.com February 3, 2019
-
नभांगणी आज मेघ
नभांगणी आज मेघ,
कुठून कुठे चालले,
शेकडो योजने प्रवास त्यांचा,
कोणी त्याला मापिले,--!!निळे काळे भरले ढग,
एकत्र जमून पुढे चालले
स्वैर विहरती त्यात विहग,
लांबवरी ते उडत चालले,--!!!या मेघांची बनते माला,
इकडून तिकडून सर्व बाजूला,
जसा लवाजम्यात घोळका,
निघाला तसा काफिला,--!!!मध्येच एखादा मेघ डोकावे,
संजीवनाने ओथंबलेला,
अशा काळ्याशार ढगात, जीवनदाते नीर भरले,--!!!कोणाची असेल ओढ,
कोण प्रेमे त्यांना बोलावे,
क्षितिज पसरलेले विस्तीर्ण, ठिकाणा त्याचा कैसा ठांवे,--!!!येता जवळी सूर्यराज,
काय त्यांचे होत असावे,
का त्याच्यापुढे झुकत,
अर्पित आपले जीवन करावे,--!!असा सहज करती त्याग,
दुसऱ्यास सगळे देऊन टाकणे, म्हणूनच ते निसर्गनिर्मित,
मानवाने उदाहरण शिकणे,--!!!नसते काही त्यांच्याजवळ,
अहंबुद्धी, मी माझेपण
बघता बघता ते देती स्वतःस, आनंदे करत समर्पण,--!!!वृत्ती उदार त्यांची शिकत,
निसर्गघटकांनुसार वागावे,
आपण सारे कूपमंडूक,
कोष फोडुनी बाहेर यावे,,--!!!श्रेष्ठ गुरु राजा निसर्ग,
न बोलताही बरेच शिकवे,
कळले ज्याला ते शहाणपण,
तो संकुचित दृष्टी डांवले,--!!!हिमगौरी कर्वे©
September 1, 2019
-
कुसुमे कल्पनांची
कुसुमे कल्पनांची,
तुझ्या चरणी वाहिली,
शब्दांची मांदियाळी,
तुजसाठी मांडली,---!!!अर्थपूर्ण रचनांचे,
हार तुज घातले,
रसिकांची पावती,
तुज चरणी अर्पियली,---!!!प्रतिभा देवी तुला वंदिते,
दिनरात कशी मी,
वरदहस्त तुझा राहो,
इतुकी चरणी विनंती,---!!!हात माझे "थोटेच" की,
तुझ्या "यथासांग" पूजेसाठी,
"चूकभूल' घडता देवी ,
लेकरू" म्हणुनी पदरात घेई,---!!!काव्याची सर्व बंधने,
दिली मी झुगारूनी,
भावली ती कविता,
प्रांजळ शब्दी मांडली,---!!!प्रामाणिक भाव त्यात,
नाहीत शब्दांचे खेळ,
अंतरांना स्पर्श करणे,
एवढाच हेतू एक,----!!!!कृपास्पर्शे, तुझ्या,
होते मी धन्य,
चरणी लीन अशी,
भावनाही अनन्य,---!!!तुझ्या कारणे,
हृदये जिंकली,
दाद देत कशी,
मने जवळ आली,---!!!तुझिया प्रसन्नतेने,
कविता माझी झाली,
दुसरे काय मागावे ,
पुण्याई फळास आली,---!!!भाषाई माझी थोर,
मस्तक तिच्यापुढे झुकवते,
माध्यमातून तिच्याच,
तुज काव्यकुसुमे वाहते,---!!!!हिमगौरी कर्वे.©
February 10, 2019
-
भोग प्रारब्धाचे
सारेच भरभरून आहे
हवे तेच लाभले नाही
जीव हा व्याकुळलेला
जीवास स्वास्थ्य नाही।।१।।श्रद्धेत विश्वास नाही
दगडातही, देव नाही
वेड्याच साऱ्या आशा
जीवनास अर्थ नाही।।२।।अस्तित्व! सारेच शून्य
असे जगणेच विमनस्क
कितीदा ? कसे सावरावे
हवे तेच लाभले नाही।।३।।हव्यास हा जगण्याचा
आज सारा व्यर्थ आहे
निष्ठुर भोगणे प्रारब्धाचे
त्याविण मुक्तता नाही।।४।।मनेच आज दुभंगलेली
वोखट्याच प्रीतभावनां
स्वार्थात, गुरफटलेल्या
निस्वार्थ प्रीतभाव नाही।।५।।-- वि.ग.सातपुते. (भावकवी)
9766544908.
रचना क्र. ६.
६ - १ - २०२२.
January 22, 2022
-
आई तुळजा भवानी
आद्यशक्ती रूप! तुळजा भवानी!!
विश्वाची जननी! जगदंबा!!१!!नवरात्री पूजा! असे शक्ती स्थान!
भाविकांना मान! जागराचा!!२!!उदो उदो आई! जयजयकार!
करावा जागर !तुझ्या ठायी!!३!!व्रत तपस्विनी! प्रकटे त्वरिता!
कल्याणाकरीता! भक्तांसाठी!!४!!कुळाचा उद्धार! दिली दिव्य शक्ती!
शिवराय भक्ती! फळा आली !!५!!अखंड तेवतो! दीप तेजस्विनी!
आरूढ स्वामिनी! हत्ती वरी !!६!तुझा आशीर्वाद! लाभो कृपाछत्र!
महिमा सर्वत्र ! तुझा आई!!७!!प्रतिभा चौगले यांच्या प्रतिभास या कवितासंग्रहाच्या इ-पुस्तकातील ही कविता.
हे इ-पुस्तक आपण खालील लिंकवर खरेदी करु शकता.किंमत : रु.८०/-
सवलत किंमत : रु.५०/-https://marathibooks.com/books/pratibhas-by-pratibha-chougale/
June 17, 2026
-
स्वप्ने
तुझी स्वप्ने तू जग
माझी स्वप्ने मी जगतो
भेटूच आपण एकदा
स्वप्नांचा हिशेब मांडायला
सारखी स्वप्ने वजा करू
उरलेली मिळून पूर्ण करू©निलेश बामणे
June 11, 2017
Copyright © 2025 | Marathisrushti