‘ये, जवळ बस’ म्हणालीस तूं,
मी बसलोही
क्षीण तुझा कर करीं घेउनी
सुखावलोही .
नव्हतें माहित, ‘उद्या’ परंतू
काय व्हायचें होतें
‘उद्या’च येथुन कायमचें तुज
दूर ज़ायचें होतें.

- - -
( दिवंगत प्रियपत्नी डॉ. स्नेहलता
हिच्या आठवणीत )

-- सुभाष स. नाईक

बहूमोल निसर्ग ठेव, निरनिराळे स्वभाव

उमटविती भाव मनावर आमच्या ||१||

चांदण्याची शितलता, मनाची प्रफूल्लता

देहाची आल्हादकता लाभली चंद्राचे ठायी ||२||

नाजूक सहवास, मधूर मिळे वास,

कोमलतेचा भास जाणविला फूलांनी ||३||

रंगाची विविधता, छटाची आकर्षकता,

मनाची वेधता इंद्रधनुष्य देई || ४||

पळण्याची चपलता, फिरण्याची चंचलता,

वेगाची तीव्रता, भासे हरिणाच्या पायी ||५||

प्रवाहाची संथता, पाण्याची खळखळता,

स्वभावाची निर्मलता, समजली नदीमुळे ||६||

शक्तीचे दर्शन, क्रूरता भयान,

निर्दयतेची जाण, दिसली हिंस्त्र पशूत ||७||

जीवनाची प्रेमलता, हृदयातील अक्षरता,

भावनेची कोमलता मातेच्या रुपाने मिळाली ||८||

डॉ. भगवान नागापूरकर

९००४०७९८५०

तुझ्याशी बोलायला ;शब्दांची गरज नसते

तुझ्या सोबत रहायला; सहवासाची गरज नसते

इथे तुला आठवता;भावना तीथे पोहचते

मनातल्या भावना व्यक्त करायला; सोबत गरजेची नसते

मैत्रीच्या नात्याची; हीच तर ओळख असते

सोबत सदैव नसते; मनात मात्र कायम असते

प्रेम, विश्वास, आपुलकी; हेच तर नाते असते

मैत्रीचे हे असेच; अद्भूत रसायन असते

तुझी मैत्री माझा विश्वास; हीच ओढ असते

जवळीक जरी नसली; साथ कायम असते

आपल्यांचा आपलेपणा; मैत्रीच कायम दाखवते

सुख, दुखःच्या प्रसंगी; नक्कीच ती व्यक्त होते

आमच्याकडून; अशा अद्भुत रसायनाला

प्रेम, विश्वास, आपुलकीच्या, सहवासाच्या

आपलेपणासहीत; कायम राहतील

अशा मैत्रीदिनाच्या खुप सा-या सुभेच्छा

उमेश महादेव तोडकर.....

भावशक्तीची देत देणगी, उपकार तुझे झाले,
करण्यास तव जवळीक, कामास तेच आले ।।१।।

जिंकून घेई राधा तुजला, उत्कठ करुनी प्रेम,
उचंबळून त्या भावना, साधियले तेच कर्म ।।२।।

भक्तीभावाची करीता बात, ती तर असे आगळी,
पावन करण्या धाऊन जाती, सर्व संत मंडळी ।।३।।

भजनांत मिरा रंगली, ध्यास तुझा घेऊन,
नाचत गांत राहिली, केले तुज पावन ।।४।।

दया क्षमा शांतीचे भाव, करुणेमध्ये भरलेले,
त्यांत शोधता तुझा ठाव, आनंदी मन झाले ।।५।।

सर्वस्व तुजला अर्पिता, पावन होतो भक्तासी,
भावनेची ज्योत पेटतां, कदर तूच करीसी ।।६।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

दोन रिळाचे दोन धागे, एकत्र ते आले
एकमेकांत दोन्हीही, गुंफून परि गेले....१,

गुंता झाला होता सारा, निर्मित नात्याचा
शक्य होईल कसे आता, वेगळे होण्याचा....२,

खेच बसता वाढत गेला, होता गुंता
उकलून सुटणे शक्य नव्हते, त्याला आता.....३,

दोनच पर्याय होते, त्याचे पुढती
तुटणे वा एकत्र राहणे, ह्या जगती....४,

वेगळे होतील दोन धागे, तुटून जाणारे
अवशेष राहतील परि काही, जे न सुटणारे ...५,

दोन मनांचा असाच होतो, गुंता ह्या जीवनी
राग-लोभ प्रेमादी भावना, जाती गुंतूनी.....६

डॉ. भगवान नागापूरकर
९००४०७९८५०
bknagapurkar@gmail.com

(काहीं मुक्तक)

या ‘गटारी’च्या सुमुहूर्तीं, चला रे पीत बसूं
दाखवून चुस्तीफुर्ती, चला रे पीत वसूं ।।

मंजूरच साऱ्या शर्ती, चला रे पीत बसूं
श्रेष्ठ फक्त इच्छापूर्ती, चला रे पीत बसूं ।।

ही मदिरा चिंताहर्ती, चला रे पीत बसूं
ती जीवन-रक्षणकर्ती, चला रे पीत बसूं ।।

ती चिरहर्षाची मूर्ती, चला रे पीत बसूं

ती नित्य देतसे स्फूर्ती , चला रे पीत बसूं ।।

ती जगाचीच उद्धर्ती, चला रे पीत बसूं
ती सार्‍यांची संस्कर्ती, चला रे पीत बसूं ।।

अमुच्या भाराची धर्ती, चला रे पीत बसूं
ती राज्ञी चक्रवर्ती, चला रे पीत बसूं ।।

शकात होउन भर्ती, चला रे पीत बसूं
नच पर्वा, ‘को जागर्ती’, चला रे पीत बसूं ।।

पोचूं स्वर्गीं वा गर्तीं, चला रे पीत बसूं
वाढेलच अंतीं कीर्ती, चला रे पीत बसूं ।।

गटारी: ‘गटारी अमावस्ये’चा सण
चुस्ती: चापल्य, चपळपणा
फुर्ती: शीध्रता, घाई
शर्ती: अटी

उद्धर्ती: उद्धार करणारी

संस्कर्ती : संस्कार करणारी
भाराची धर्ती: भार उचलणारी / वाहणारी
राज्ञी: राणी
प्राशक: पिणारे
भर्ती: प्रविष्ट, सामील
‘को जागर्ति’: ‘कोण जागें आहे ?
गर्तीं : खड्ड्यात , पाताळात

-- सुभाष स. नाईक.

चावी

एकदाच तिने माझ्या भेदक या नजरेला नजर दिली

माझ्याकडे पहात गालात लाल गोड हसली ….

घटना' जेव्हां घडली अघटित ।
कुणीही नव्हते शेजारी ।।
कां उगाच रुख रुख वाटते ।
दडपण येवूनी उरीं ।।

जाणून बुजून दुर्लक्ष केले ।
नैतिकतेच्या कल्पनेला ।।
एकटाच आहे समजूनी ।
स्वार्थी भाव मनी आला ।।

नीच कृत्य जे घडले हातून ।
कुणीतरी बघत होता ।।
सर्वत्र दिशेनें तो व्यापूनी आहे ।
हेच सारे सुचवित होता ।।

कोण असावा हा गुप्त साक्षीदार ।
नितिमत्ता शिकवी त्याला ।।
बाह्य जगातील द्रष्टा असूनी ।
अंतर्यामीही बसलेला ।।

त्या साक्षीदाराची जाणीव होता ।
कचरुनी जाते मन सदा ।।
अपप्रवृत्तींना आळा बसूनी ।
सत् कर्मे घडती अनेकदा ।।

-- डॉ. भगवान नागापूरकर
संपर्क - ९००४०७९८५०
bknagapurkar@gmail.com

गृहनिर्माण संस्थेत संचालक हे संस्थेचे ब्रेन असले तरी सेक्रेटरी हे त्याचे कान, डोळे आणि हात असतात, या वाक्याने आपण सेक्रेटरीचे महत्त्व स्पष्टपणे समजू शकतो. सहकार संस्थेच्या कायद्यानुसार सेक्रेटरी नेमणूक करणे सक्तीचे असते. गृहनिर्माण संस्थेत प्रशासकीय कामे करण्यासाठी सचिवाची नेमणूक केली जाते. सदर लेखात खास आपणासाठी सचिवाची कार्ये काय असतात याची माहिती देत आहे.

चित्र दिसते दर्पणी ,
जसे असेल तसे,
धूळ साचता त्यावरी,
अस्पष्ट ते होतसे ।।१।।

दर्पणा परि निर्मळ मन,
बागडते सदैव आनंदी,
दूषितपणा येई त्याला,
भावविचारांनी कधी कधी ।।२।।

निर्मळ ठेवा मन आपले,
झटकून द्या लोभ अहंकार,
मनाच्या त्या पवित्रपणाने,
जीवन होत असे साकार ।।३।।

-- डॉ. भगवान नागापूरकर
संपर्क - ९००४०७९८५०
bknagapurkar@gmail.com