कसे आले कुणास ठाऊक नाणे माझे हाती

गर्दीमधल्या कुण्या प्रसंगी खोटा शिक्का येती

प्रयत्न सारे व्यर्थ जाऊनी कुणी घेईना त्यातें

कसा आला नशिबी निराशा मनी येते

अंध व्यक्तीचे स्टॉल बघूनी तिकीट एक घेतले

लॉटरीसाठी घातला रुपया अंधाचे हाती दिले

मनी चरकलो शब्द ऐकूनी त्या अंध व्यक्तीचे

नशीब तुमचे थोर असूनी यश येईल तिकीटाचे

केवळ त्याने स्पर्श करुनी जाणले माझे नशिब

भाग्यवान ठरवूनी सांगे मिळेल धनलाभ

खोटा शिक्का घेऊन देखील शब्द बोलला प्रेमाने

नीच मनाचा असून मी पचविले ते हसण्याने

टिपून ठेवला नंबर त्याचा एका कागदावरी

कोटाच्या खिशांत ठेवले तिकीट जपून भारी

निकाल वाचूनी नाचू लागतो आनंदाने पुरता

लाखाचे ते बक्षिस लागूनी लाखोपती बनता

धावत गेलो ऑफिसातूनी तिकीट घेण्या घरी

कोट नव्हता दिसत तेथे रोजच्या जागेवरी

इतर कपड्यामध्ये टाकला धूण्या परीटाकडे

धावत सुटलो नदीवरती शोधण्या तो तिकडे

सुकवलेल्या कपड्यातूनी कोट काढला

तुकडे बघूनी त्या तिकीटाचे मुर्च्छा आली मला

खरय़ा शिक्क्यासम चालले नशिबही वेगाने

खोटेपणाची जाण येता थांबून गेले त्वरेने

डॉ. भगवान नागापूरकर

९००४०७९८५०

मुळ गझल "मोहसीन नक्वी" यांची आणि "गुलाम अली" यांनी गायलेली सुंदर रचना .

मी मराठीत सरळ सरळ रूपांतर केले . बघा आवडते का ?

-- श्रीकांत पेटकर (कौशल)
९७६९२१३९१३

संघर्षाची बिजें जळतील, जाणतां तत्व पुनर्जन्माचे ।

आपसांमधील हेवे-दावे, मिटून जातील कायमचे ।। १

फिरत असते चक्र भोवती, स्वार्थीपणाचे भाव आणिते ।

त्यांनाच मिळावे सारे काही, जाणता स्वरक्ताचे नाते ।।२

उगम झाला जाती धर्माचा, स्वार्थीपणाच्या याच कल्पनी ।

वाटीत सुटतो प्रेम तयांना, केवळ सारे आपले समजूनी ।।३

कन्या जेव्हां सासरीं जाते, नाती-गोती नवीन बनती ।

वाटत होते परकीय जे, आज आपले होवून जाती ।।४

आपलेपणाच्या भावामध्ये, दडले असते प्रेम सारे ।

शत्रू देखील तुमचे होतील, समजूनी येता नाते खरे ।।५

भाऊ बहीण, मामा, चुलते, दूरवरची आप्त मंडळी ।

बंधन ते पडून प्रेमाचे, बांधली जाती एकत्र सगळी ।।६

कुणास कळले याचक्षणी, परका कुणीतरी दुरीचा ।

नात्यामध्ये नजीक असूनी, ऋणानूबंध तो पूर्वीचा ।।७

ओढला जाईल आत्मीयतेने, अज्ञानाचा पडदा उठता ।

पूर्वजन्मीचे ज्ञान शिकविल, आपापसातील मानवता ।।८

डॉ. भगवान नागापूरकर

९००४०७९८५०

घोड्यावरती बसू देईना, चालू देईना पायी
जगाची ही रीत बघा , कशी समजत नाही ..१,

सज्जनतेची वस्त्रे लेवूनी, निर्मळ जीवन आले
आपण बरे नी काम बरे, तत्व हे अंगीकारले...२,

मोठा झाला शिष्ठ समजोनी, वाळीत टाकीले मला
दुष्कृत्यामध्ये साथ हवी, त्यातील कांहीं व्यक्तीला...३,

जीवन जगणे कठीण होता, मार्ग तो बदलला
आगळी धडपड करून ती, यश मिळाले मला....४,

मिसळत होतो सर्वामध्ये, अतिशय प्रेमानी
तरीही ऐकला ‘शिष्ट’ शब्द , माझ्याच कर्णांनी..५,

व्यक्ती तितक्या प्रकृती , ह्या समाजी
भिन्नतेचे स्वभाव विसरता, निराशा पदरी येते...६,

चित्ती येईल तसेच करावे, जागृत भाव ठेवून
इजा न होईल इतर जनाना, हे लक्षात घेवून...७

डॉ. भगवान नागापूरकर
९००४०७९८५०
bknagapurkar@gmail.com

मातेच्या उदरांत असतां,

जाण असते त्या जीवाला,

प्रभूचाच मी अंश आहे,

सांगत असतो तो सर्वाला ।।१।।

सो s हं चा निनाद सतत,

कानास आमच्या ऐकूं येतो,

'तो' मीच आहे शब्दाने,

आत्म्याचेच अस्तित्व सांगतो ।।२।।

मातेच्या उदरांतूनी बाहेरी,

पडतां स्वतंत्र जन्म मिळे,

नाश पावूनी साऱ्या स्मृति,

स्वत:सहित विसरे सगळे ।।३।।

आतां त्याचा निनाद ‘को..हं’,

प्रश्न युक्त तो भरला असे,

“मी कोण आहे ?” विचारी सर्वां,

उलघडा त्यास होत नसे ।।४।।

जाणून घेण्या स्वत: विषयीं,

सारे आयुष्य खर्च करती

पुनरपि येतां स्मृति त्याला,

प्रभूमय हे सारे भासती ।।५।।

डॉ. भगवान नागापूरकर

९००४०७९८५०

कुठे तु गेलीस न्याय देवते,

जगास सोडूनी याच क्षणी ।

अन्यायाची कशी मिळेल मग,

दाद आम्हाला या जीवनी ।। १ ।।

परिस्थितीचे पडता फेरे,

गोंधळूनी गेलीस आज खरी ।

उघड्या नजरे बघत होती,

सत्य लपवितो कुणीतरी ।।२।।

दबाव येता चोहबाजूनी,

मुस्कटदाबी होती कशी ।

शब्दांना परि ध्वनी न मिळता,

मनी विरताती, येती जशी ।।३।।

बळी कुणाच्या पडली तू गे,

मार्ग रोखीले तुझे कसे ते ।

अपयश येता सत्यालाही,

म्हणू कसा तूज ‘न्याय देवते’ ।।४।।

आज न आले यश जरी,

न्याय येईल उफाळूनी ।

अंतिम विजय हा सत्याचा,

जाणीव आहे ह्याची मनी ।।५।।

डॉ. भगवान नागापूरकर

९००४०७९८५०

bknagapurkar@gmail.com

https://youtu.be/6jJb1bH8qmw

मित्रांनो, स्वातंत्र्य दिनानिमित्त "फक्त एका दिवसासाठी" हि कविता आपल्यासाठी सादर करीत आहे.
मराठी कविता आवडली तर share करायला विसरू नका.
"माझी डायरी " या आपल्या youtube चॅनलला अवश्य Subscribe करा.
"माझी डायरी" आपल्यासाठी आणखी नव्या कविता-गझल-कथा घेऊन येत आहे.

कर पडले चरणीं

भाव जाण देवा ।।धृ।।

देह झुकला पुढती

लिनतेनें मान वाकती

मनाची करूनी एकाग्रता

भावनेला वाट देतां

अश्रू दाटले नयनी अंतरीचा दिसे ओलावा १

कर पडले चरणी भाव जाण देवा,

प्रथम येई भावना,

जागृत करते मना

मनाचा ताबा देहावरी

तच तुजला प्रणाम करी

घे प्रभू जाणूनी अत:करणातील ठेवा २

कर पडले चरणी भाव जाण देवा

मुखी नाम तुझे घेई

देह सारा शहारून जाई

आनंदाची फूटते उकळी

नाचते मन सर्व काळी

मनाचा चंचल स्वभाव समजोनी तू घ्यावा ३

कर पडले चरणी भाव जाण देवा

डॉ. भगवान नागापूरकर

९००४०७९८५०

वातावरणी वस्तू पडतां, नाश पावते लवकर ती

हवा पाण्याच्या परिणामानें, हलके हलके दूषित होती

ठेवूं नका उघडयावरती, वस्तू टिकते निश्चीतपणे

दूषितपणाला बांध घालता, कसे येई मग त्यात उणे

बाह्य जगातील साऱ्या शक्ति, आघात करती मनावरी

दुषिततेचे थर सांचूनी, मनास सारे दुबळे करी

देहामध्यें बंदीस्त ठेवून, एकाग्रचित्त करा मनाला

कांहीं न करता येते तेव्हां, राग लोभादी बाह्य गुणाला

-- डॉ. भगवान नागापूरकर
९००४०७९८५०

दिव्याची ज्योत पेटली,
वात दिसे जळताना
जळेना परि वात ती,
दिव्यांत तेल असताना,

जळत असते तेल,
देऊनी प्रकाश सारा
आत्मबलीदानाचा दिसे,
शोभून तेथे पसारा

बागडे मूल आनंदी,
तिळा तिळाने वाढते
आई-बापाच्या मायेनी,
झाड कसे बहरते

कष्ट त्याग हे जळती,
सुगंध आणिती जीवनी
गर्भामधली ही चेतना,
जाणतील का कुणी ?

डॉ. भगवान नागापूरकर
९००४०७९८५०
bknagapurkar@gmail.com