साहित्य : दीड वाटी कणीक, एक वाटी बारीक चिरलेला पालक, अर्धी वाटी टोफू, पाव वाटी कांदा, अर्धी वाटी दही, एक टी-स्पून जिरेपूड, दोन टी-स्पून पुदिना चटणी, चवीपुरते मीठ, एक टी-स्पून चाट मसाला, अर्धा टी-स्पून गरम मसाला, एक टी-स्पून तेल, तूप किंवा बटर पराठे भाजण्यासाठी.
कृती :- एका मोठ्या ताटात किंवा परातीमध्ये कणीक घ्यावी. त्यात चिरलेला पालक, कुस्करलेले टोफू, कांदा, मीठ, चाट मसाला, गरम मसाला, जिरेपूड, पुदिन्याचे मिश्रण आणि तेल असे घालून नीट मिसळावे. नंतर त्यात दही घालून कणीक मळून घ्यावी. मळलेले पीठ अर्धा तास झाकून ठेवावे. मळलेल्या कणकेचे साधारण समान गोळे करावेत व गोल लाटून तव्यावर तूप किंवा बटरवर भाजावेत. गरम पराठ्यावर लोणी घालावे आणि पुदिना चटणी, खोबऱ्याची चटणी, टोमॅटो सॉसबरोबर सर्व्ह करावे.

संजीव वेलणकर पुणे.
९४२२३०१७३३

साहित्य:- १२ ते १५पाणीपुरीच्या चपट्या पुऱ्या, उकडलेले बटाटे, 1 मध्यम कांदा बारीक चिरून, कोथिंबीर बारीक चिरून, आवडीप्रमाणे चिंचेची चटणी किंवा टोमॅटो सॉस, घरात उपलब्ध असलेला चिवडा, फरसाण, उसळ इ. पाव वाटी.

कृती:- बटाटे उकडून, सोलून त्याच्या फोडी करून घ्याव्यात. आता एका डिशमध्ये घरात उपलब्ध असलेला एखादा चिवडा- फरसाण, उसळ घालावी. त्यावर सर्व पापडी (चपट्या पुऱ्या) नीट गोलाकार मांडून त्यावर बटाट्याच्या फोडी, बारीक चिरलेला कांदा, टोमॅटोच्या फोडी, कोथिंबीर पसरावी. सगळ्यात वर चिंचेची चटणी अथवा सॉस पसरून सर्व्ह करावे.

संजीव वेलणकर पुणे.
९४२२३०१७३३

बेबी कॉर्न व मशरूम 2-3 मिनिटे गरम पाण्यात ठेवून निथळून घ्या. कढईत तेल गरम करून तमालपत्र, जिरे, लाल मिरची, लवंग, कांदा, आले-लसूण पेस्ट, लाल मिरची पेस्ट, कोथिंबीर, किचन किंग मसाला, साखर व मीठ घालून परता. टोमॅटो प्युरी घालून 2-3 मिनिटे शिजवा.

साहित्य: १० लसूण पाकळ्या ठेचून, २ टीस्पून बेसन, २ टीस्पून ज्वारीचं पीठ, १ टीस्पून कणीक, पाव टीस्पून हळद, चिमूटभर हिंग, १ टीस्पून तिखट, मीठ चवीनुसार, ३-४ कप पाणी, २ टीस्पून तेल, पाव टीस्पून जिरं

कृती: लहान कुकरमध्ये तेलावर जिरं घाला. तडतडलं की लसूण पाकळ्या ठेचून घाला. त्या चांगल्या लाल होऊ द्या. त्यावर हिंग-हळद-तिखट घाला. लगेचच पाणी ओता पाण्याला चांगली उकळी येऊ द्या. एका वाटीत तिन्ही पिठं घेऊन त्यात अर्धी वाटी पाणी घालून चांगलं कालवा. हे कालवलेलं पीठ उकळत्या पाण्यात घाला. त्यात मीठ घाला. झाकण लावून ५ मिनिटं मंद आचेवर ठेवा.
आजारी माणूस नसेल तर तिखटाचं प्रमाण वाढवा.

पॅटिससाठी उकडून घेललेले बटाटे सोलून किसून घ्यावेत. त्यात हिरवी मिरची, लसूण, आले व जिरे वाटून घालावेत. चवीनुसार मीठ घालून सर्व एकत्र मिसळून घ्यावे. हा बटाट्याचा गोळा थोडा चिकट वाटल्यास ब्रेडचे दोन तुकडे थोडे ओले करून कुस्करून घालावेत.

भेळ आवडत नाही असा माणूस विरळाच असेल. त्यातून भेळ म्हणजे महिला वर्गाचा वीक पॉईंट. भेळ,चाट हा आपल्या देशाच्या खाद्यसंस्कृतीचा एक महत्वाचा भाग आहे. भेळ मध्ये असलेल्या आंबट,गोड, तिखट चटण्यांमुळे त्याची चव काही वेगळीच, नेहमी भेळेत टोमेटो असला तरी कैरीच्या त्याची माझा वेगळीच.

तांदूळ, रवा, शेवयांची खीर हे आपण पारंपरिक प्रकार नेहमी करतो, पण भोपळा, मका, गहू, मूग पनीर. यांची खीर कधी बनवत नाही, या खीरी चवीला तर त्या छान असतातच, पण पौष्टिकही.
काही कृती खीरीच्या
संजीव वेलणकर पुणे.
९४२२३०१७३३

पौष्टिक खीर
साहित्य:- १/२ वाटी मोड आलेल्या नाचणीचं पीठ, २ टे.स्पू. गव्हाचा जाड दलिया, २ टे.स्पू. डिंक पावडर, २ टे.स्पू, खारीक पावडर, ४ वाटी दूध, साखरे ऐवजी ४ मोठे चमचे काकवी, वेलची पूड, जायफल पूड, सुक्या मेव्याचे काप आणि २ टे.स्पू साजूक तूप.
कृती:- गव्हाचा दलिया थोड्या तुपात मंद आचेवर खमंग भाजून घ्यावा. त्यात अर्धी वाटी पाणी घालून कुकरमधून ३-४ शिट्टय़ा काढाव्यात. थोड्या तुपात नाचणीचं पीठ परतावं. त्यातच डिंक पावडर घालून परतावी. नंतर दूध घालून मंद आचेवर शिजवावी. पाच मिनिटांनी त्यात खारीक पावडर शिजवलेला दलिया, वेलची, जायफळ पूड आणि काकवी घालून ढवळून गॅस बंद करावा. वर ड्रायफ्रूट्सचे काप टाकून खीर गरम किंवा गार सर्व्ह करावी.
संजीव वेलणकर पुणे.
९४२२३०१७३३

मोड आलेल्या गव्हाची खीर
साहित्य:- १ वाटी मोड आलेले गहू, बिया काढलेले ८-१0 खजूर, २ टी.स्पू. खसखस, २ टे.स्पू. किसलेलं खोबरं, २ टे.स्पू. हिरवे मोडाचे मूग, दूध गरजेप्रमाणे, वेलची पूड आणि १/२ वाटी गूळ.
कृती:- मोडाचे गहू आणि मूग कुकरमधून शिजून घ्यावेत. खजुराचा मिक्सरवर लगदा तयार करावा. गहू शिजल्यावर त्यात खजुराचा लगदा, खोबरं, बारीक केलेली खसखस आणि वेलची पूड टाकावी.
मिश्रणात दूध टाकावं. मिश्रणाला चांगली उकळी आणावी. शेवटी गॅस बंद करून थोड्या वेळानं किसलेला गूळ घालावा. खिरीत हा गूळ चांगला ढवळून मिसळावा.
संजीव वेलणकर पुणे.
९४२२३०१७३३

कॉर्न रबडी (बासुंदी)
साहित्य:- १ वाटी स्वीट कॉर्नचं वाटण, १ लिटर दूध, अर्धी वाटी साखर, वेलची-जायफळ पूड आणि केशर काड्या.
कृती:- जाड बुडाच्या कढईत दूध घालून ते निम्मं होईल इतकं आटवावं. नंतर त्यात स्वीट कॉर्न वाटण घालावं. मंद आचेवर ढवळावं. नंतर त्यात वेलची, जायफल पूड आणि केशर काड्या घालून गॅस बंद करून कोमट झाल्यावर साखर घालावी. गार झाल्यावर फ्रीजमध्ये ठेवावी.
संजीव वेलणकर पुणे.
९४२२३०१७३३

दुधी भोपळ्याची खीर
साहित्य:- १ वाटी किसलेला दुधी भोपळा, २ टे. स्पू. भाजलेला बारीक रवा, ३/४ लिटर दूध, १ वाटी साखर, २ टे.स्पू. तूप, वेलची पूड, बदाम आणि पिस्त्याचे काप.
कृती:- किसलेला दुधी तुपावर परतावा. नंतर त्यात रवा घालावा. त्यात दूध साखर घालून हे जिन्नस एकत्र शिजवावं. शिजताना ते घट्ट होतं. आयत्या वेळी दूध घालून ती थोडी पातळ करून घ्यावी. आणि त्यात वेलची पूड आणि ड्रायफ्रूट्सचे काप घालावे.
संजीव वेलणकर पुणे.
९४२२३०१७३३

खीराण
साहित्य:- १/२ वाटी उत्तम प्रतीचे तांदूळ, २ टे. स्पू. तूप, १ लिटर दूध, १ वाटी साखर, आवडीप्रमाणे ड्रायफ्रूट्स, केशरकाड्या आणि वेलची पूड.
कृती:- तांदूळ स्वच्छ धुवून तुपावर परतावे. त्यात दूध घालून मंद आचेवर शिजवावे. हे मिश्रण मधूनच ढवळत रहावं. ते निम्मं होईपर्यंत आटवावं. नंतर त्यात साखर, ड्रायफ्रूट्स, केशर आणि वेलची पूड घालून गॅस बंद करावा. खीराण गरम किंवा गार कसंही खायला छान लागतं.
गार झालेल्या खीराणमध्ये आंबा/ अननस/ स्ट्रॉबेरी/ चिकूच्या फोडीही घालता येतात. मात्र फळांच्या फोडी यात घातल्यावर हे खीराण गरम करू नये.
संजीव वेलणकर पुणे.
९४२२३०१७३३

फिरनी
साहित्य:- १/२ वाटी बासमती तांदूळ, १ लिटर दूध, १ वाटी साखर, केशर काड्या, ड्रायफ्रूट्सचे काप, चांदीचे वर्ख.
कृती:- तांदूळ स्वच्छ धुवून थोडे दुधात भिजत घालावे. त्यात केशरही घालावं. नंतर २ तासांनी तांदूळ बारीक वाटावे. जाड पातेल्यात दूध-साखर एकत्र उकडत ठेवून तांदळाची पेस्ट घालावी कस्टर्डप्रमाणे घट्टसर होईपर्यंत मिश्रण सारखं ढवळावं. गॅस बंद करून लहान-लहान बाऊलमध्ये ओतावं. लगेच त्यावर ड्रायफ्रूट्सचे काप घालून वरती थोडा वर्ख लावावा. मिश्रण गार झाल्यावर फ्रीजमध्ये सेट करायला ठेवावं. मातीच्या वाडग्यांमध्ये सेट केल्यास फिरणीचा वेगळाच वास लागतो.
संजीव वेलणकर पुणे.
९४२२३०१७३३

पनीर खीर
साहित्य:- २५0 ग्रॅम पनीर, दोन लिटर दूध, १ वाटी साखर, काजूचे काप, चारोळ्या, केशर आणि वेलची पूड.
कृती:- दूध उकळत ठेवून आटवून निम्मं करावं. त्यात साखर, काजू आणि चारोळी घालावी. पनीरचे लहान चौकोनी तुकडे करून त्यात घालावे. एक दोन उकळ्या काढून गॅस बंद करावा. पनीरचे तुकडे तुपात तळून घेऊन खिरीत घालू शकता.
संजीव वेलणकर पुणे.
९४२२३०१७३३

पुण्यात बरेच ठिकाणी मायक्रोब्रूअरी रेस्टोबार झालेत. अशाच एक मायक्रोब्रूअरी मधे मध्यंतरी गेलेलो. मुंढव्यात.
मुंढवा एरिया म्हणजे जवळपास अमेरिका आहे. मोठमोठे रस्ते. स्वच्छता. चकाचक बिल्डिंग्स. एकदम खास.
काही ठिकाणी अजूनही ग्रामीण भाग मधेच येतो. पण कोरेगाव पार्कातून येऊन उजवीकडे वळल्यावर क्रोम स्टोअर कडे जाणारा रस्ता चकाचक. इथेच इंडीपेंडन्स शेजारी झहीर खानचं 'झेडकेज'ही आहे.

मायक्रोब्रूअरी म्हणजे मद्य बनवायचा कारखाना.
इंडीपेंडन्स मधे बियर बनवली जाते आणि बफे बरोबर सर्व्ह केली जाते.
इथलं वैशिष्ट्य हे, की इथे आठ प्रकारच्या बियर मिळतात.

तुम्हाला फारशी प्यायची सवय नसेल, तर तुम्ही फक्त शंभर रुपयात (taxes extra) इथल्या वेगवेगळ्या बियर्स ट्राय करून पाहू शकता.
याला म्हणतात ‘बियर फ्लाईट’ !
‘बियर फ्लाईट' म्हणजे सगळ्या प्रकारच्या बियर्स ३० एमएल मापात आणून दिल्या जातात.

डावीकडून उजवीकडे एक ते आठ अशा क्रमाने ग्लासेस ठेवले जातात.
सगळ्यात डावीकडे एकदम लाईट बियर. सगळ्यात उजवीकडे डार्क. डावीकडून उजवीकडे बियर्स डार्क होत जातात. नंबर चार म्हणजे बाहेर कॉमनली मिळणारी रेग्युलर लागर.

शंभर रुपयात फक्त आठ टाईप चे ३० एम एल प्रत्येकी. (एकूण २४० एम एल)
यानंतर,पूर्ण भरलेल्या ग्लास प्रमाणे पैसे देऊन आपण, जी आवडेल ती निवडून पिऊ शकतो.

या आठ बियर्स खालीलप्रमाणे -

१. हनी लव्हेंडर एल - मध आणि लव्हेंडर याच्या मिश्रणापासून बनलेलं एल. सुंदर लागतं. बडलाईट लाईम बियर सारखं.

२. रासबेरी पाय - ब्रूइंग करताना भरपूर प्रमाणात रासबेरी घालून बनवलेली चक्क गुलाबी रंगाची बियर !

३. बेल्जियन विट – ओट, पिल्सनर बियर, गहू याच्या मिश्रणापासून बनवलेली बियर. याला संत्र्याचं साल आणि कोथिंबिरीचा हलकासा स्वाद असतो.

४ फोर ग्रेन सीझन – बार्ले, गहू,राय आणि ओट हे यीस्ट घालून फरमेंट केलं जातं. याला प्लम आणि पेअरचा प्रॉमिनंट स्वाद असतो.
ही बियर बाहेर कुठेही मिळणाऱ्या लागर बियर सारखी लागते.

५. बेल्जियन डबेल – ही पण जवळपास फोर ग्रेन सीझनचीच बहीण. यात थोडासा गूळ वापरलेला असतो.

६. इक्सककाओ – कोकोच्या बिया आणि बोरबॉन व्हॅनिला घालून ही बियर बनवली जाते.

७. अॅव्हेगेडॉन – व्हाईट IPA म्हणजे बियर ब्रूइंग करतानाच्या विशिष्ट अमेरिकन आणि बेल्जियन पद्धतीचं मिश्रण. या व्हाईट आयपीए मधे होप्स मिसळले जातात. ही किंचित गोड पण मुख्यत्वेकरून कडूझार असते.

८. मेथड टू मॅडनेस IPA V१.० – तमाम वूडी, सायट्रस, फ्लोरल आणि फ्रूटी अशा सगळ्या स्वादांचं मिश्रण करून बनवलेली माल्ट आय पी ए.
भयंकर कडू. जीभ एकदम ठार होते :)

जर तुम्ही बफे विथ ड्रिंक्स घेतलात तर, तुम्हाला वर वर्णन केल्याप्रमाणे ‘बियर फ्लाईट’ तर मिळतेच. पण सोबत कुठलीही बियर, स्टार्टर्स आणि मेन कोर्स अनलिमिटेड मिळतो.

जर तुम्ही वेगन असाल, ड्रिंक्स घेऊ इच्छित नसाल तर तुमच्याकरता व्हेज स्टार्टर आणि मेन कोर्स असतोच.
फूड क्वालिटी आणि व्हरायटी उत्तम आहे.

बियर आवडणाऱ्या लोकांना इथे प्रचंड व्हरायटी मिळेल.
मला स्वतःला रासबेरी आणि इक्सककाओ या बियर्स त्यांच्या वेगळेपणा मुळे प्रचंड आवडल्या.
सवय अजिबात नसल्याने तीन ग्लासच्या वर पिऊ शकलो नाही :)
याचं जरा वाईट वाटलं :)

याशिवाय, या बियर्स बनत असताना तुम्ही प्रत्यक्ष पाहू शकता.
स्टीलचे छानदार व्हेसल्स इथे आहेत. बारले, होप्स आत टाकताना तुम्ही पाहू शकता. मॉनिटर वर रिअॅक्टर्स मधे आत काय चाललंय ते पाहू शकता. गम्मत वाटते. एकदा मजा म्हणून जायला हरकत नाही.
लाईट बियर्सच्या चाहत्यांना रासबेरी बियर होल-हार्टेडली रेकमेंडेड.

-- From WhatsApp. I liked this so hared with you. I do not know the original author. 

साहित्य:- १ कप बेसन, २ मध्यम कांदे उभे पातळ काप १ चमचा धणे ठेचून बारीक केलेले, १ टेस्पून कसूरी मेथी, १ टीस्पून लाल मिरची पावडर, मीठ चवीनुसार, २ टिस्पून तेल, १/४ टिस्पून हळद १/४ टिस्पून बेकिंग सोडा, बारीक चिरलेली कोथिंबीर,
कृती:- एका भांड्यात सर्व साहित्य घालून चांगले ढवळावे आणि ५ मिनीटे झाकून ठेवा. कांद्याला मीठा मुळे थोडे पाणी सुटेल. लागल्यास थोडे पाणी घाला पण ते खूप ओले करू नका त्यामुळे भजी खुसखुशीत होणार नाहीत. आपल्या हाताला किंचित तेल लावून भजी करून घ्या. आता एअर फ्रायर २०० अंश से वर ५ मिनिटे प्रिहिट करा. हलके तेल लावलेली एक अॅल्युमिनियम फॉइल ठेवा, भजी बास्केट मध्ये घालून त्यात ठेवा. ५ मि. एअर फ्राय करा. मग बास्केट बाहेर काढून दुसऱ्या बाजूला भजी उलटी करा थोडेसे तेल ब्रश करा व परत ५ ते ६ मिनिटे एअर फ्राय करा. २ ते ३ मिनिटे फ्रायर मध्येच भजी राहू द्या. नंतर, आपण बास्केट काढू शकता. हिरवी चटणी / चिंचेची चटणी बरोबर सर्व्ह करा.
संजीव वेलणकर पुणे.
९४२२३०१७३३

थोडेसे मीठ घालून रताळी कुकरमध्ये छान उकडून घ्यावीत. उकडलेली रताळी गार करुन, साल सोलून, हाताने कुस्करुन घ्यावीत. मिक्सरला कुस्करलेली रताळी, गोड ताक, साखर, वेलची पावडर, केशर, मीठ एकत्र करुन मिल्क शेक सारखे घट्ट पियुष करावे.