चालणे सुरु तर कर

चालणे सुरु तर कर ….पोहोचणार नाही कशावरुन ?

बोलणे सुरु तर कर …टाळ्या पडणार नाही कशावरुन ?

टिम्ब काढ रेषा होतील…रेषारेषांचे चित्र जाईलच बनून

आवड तयार होईल …कलाकृती छान घडणार नाही कशावरुन ?

लिहिणे सुरु तर कर.. कविता होईल ओळी मिळून

जमणार नक्की …लाईक मिळणार नाही कशावरुन ?

हे जमत नाही ते जमत नाही…सोड सांगणं( गाऱ्हाणं) फिरून फिरून

गाणं सुरु तर कर …सूर सापडणार नाही कशावरुन ?

घाबरतो उगाच आपण…रुपडं बघून वरुन वरुन

अंतरंगात बघ गुण शोधून …जगणं जमणार नाही कशावरून ?

# कौशल

— श्रीकांत पेटकर

Author